යෙසායා 49:1-26

49  දූපත්වල වැසියෙනි,+ දුර ඈත දේශවල වෙසෙන ජනයෙනි,+ මා කියන දෙයට සවන් දෙන්න. මා මව්කුසේ සිටියදීම+ යෙහෝවා දෙවි මට හඬගැසුවේය.+ මා උපදින්නත් කලින් ඔහු මාගේ නම සඳහන් කළේය.+  ඔහු මාගේ මුඛය කඩුවක් මෙන් තියුණු කළේය.+ ඔහුගේ හස්තයේ සෙවණෙහි+ මට රැකවරණය ලැබුණි.+ ඔහු මාව උල් කළ ඊතලයක් මෙන් වීමට සලස්වා තමාගේ ඊකොපුවේ මාව සැඟෙව්වේය.  ඔහු මට මෙසේ කීවේය. “ඊශ්‍රායෙල්, ඔබ මාගේ සේවකයාය.+ මම ඔබ මාර්ගයෙන් මාගේ අලංකාරය සියල්ලන්ටම දකින්න සලස්වමි.”+  එහෙත් මම මෙසේ සිතුවෙමි. “මාගේ වෙහෙස මහන්සියෙන් කිසි පලක් නැත.+ මා මාගේ ශක්තිය වැය කළේ නිකමටයි. එය නිෂ්ඵල වෑයමකි.+ නමුත් මාව විනිශ්චය කරන්නේ යෙහෝවා දෙවිය.+ මට ආශීර්වාද ලැබෙන්නේ මාගේ දෙවිගෙන්ය.”+  මව්කුසේ මට වැඩෙන්න සැලැස්වූ දා සිටම මාව තම සේවකයා ලෙස තෝරාගත්+ යෙහෝවා දෙවි මට වැඩක් පවරා තිබේ. යාකොබ්ව නැවත තමා වෙතට ගෙනෙන්න+ කියාද ඊශ්‍රායෙල් සෙනඟ තමා වෙතට එක් රැස් කරන්න+ කියාද ඔහු මට පැවසුවේය. යෙහෝවා දෙවි මාව ගෞරවයට පත් කරන්නේය. මාගේ දෙවි මාගේ සවිය වන්නේය.  දෙවි මට මෙසේ පැවසුවේය. “මාගේ සේවකයා ලෙස ඔබට පැවරී තිබෙන කාර්යය සුළුපටු එකක් නොවෙයි. යාකොබ්ගේ පුත්‍රයන්ගෙන් පැවතෙන ගෝත්‍ර නැවත ගොඩනඟන්නත් රැකවරණය ලැබූ ඊශ්‍රායෙල්වරුන්ව නැවත මා වෙතට ගෙන එන්නත් මම ඔබට පැවරුවෙමි.+ එමෙන්ම, ජාතීන්ට ආලෝකය දෙන පිණිස මම ඔබව පත් කළෙමි.+ මා එසේ කළේ පොළොවේ ඈත කෙළවර දක්වාම වෙසෙන ජනයාට මා දෙන ගැලවීම අත් කර දෙන පිණිසය.”+  මිනිසුන් විසින් සුළු කරනු ලබන,+ ජාතීන්ගේ වෛරයට පාත්‍ර වූ තැනැත්තෙනි,+ ඊශ්‍රායෙල්හි මිදුම්කරු+ පවසන දේට සවන් දෙන්න. පාලකයන්ට මෙහෙකාරකම් කරන ඔබට,+ ඊශ්‍රායෙල්හි ශුද්ධ තැනැත්තා වන යෙහෝවා දෙවි මෙසේ පවසයි. “ඔබව තෝරාගත් ඊශ්‍රායෙල්හි ශුද්ධ තැනැත්තා+ වන මා නිසා අධිපතීහු ඔබ ඉදිරියේ දණ නමන්නෝය. රජවරු වුවද තමන් දකින දේ නිසා නැඟිට ගෞරවය පිරිනමන්නෝය.+ යෙහෝවා දෙවි වන මා විශ්වාසවන්තය.”+  යෙහෝවා දෙවි මෙසේද පවසයි. “මගේ අනුමැතිය ලබාගත හැකි කාලයේදී මම ඔබට පිළිතුරු දුන්නෙමි.+ ගැලවීම ලබා දෙන දිනයේදී මම ඔබට පිහිට වුණෙමි.+ මම ඔබව ආරක්ෂා කර සියලු ජනයාට සහතිකයක්* ලබා දෙන පිණිසත්+ දේශය යළි ගොඩනඟා+ පාළුවට ගිය ඉඩම් නැවත උරුම කර දෙන පිණිසත් ඔබව යැව්වෙමි.+  සිරකරුවන්ට,+ ‘පිටතට එන්න’+ කියාද අන්ධකාරයේ සිටින අයට,+ ‘තවත් අඳුරේ නොසිටින්න’+ කියාද ඔබ පවසනු ඇත. මඟ දෙපස තිබෙන තණබිම්වලින් ඔවුහු කන්නෝය. වියළි පාරවල් අසලද ඔවුන්ට කෑම සම්බ වෙයි.+ 10  ඔවුන්ට බඩගිනි වන්නේවත්+ පිපාස වන්නේවත් නැත.+ තද අව් රශ්මිය හෝ දැඩි උෂ්ණත්වය හෝ ඔවුන්ට නොදැනෙයි.+ මන්ද ඔවුන් කෙරෙහි අනුකම්පාව දක්වන මම ඔවුන්ට මඟ පෙන්වා+ ඔවුන්ව දිය පහරවල් අසලට ගෙන යන්නෙමි.+ 11  මාගේ සියලු කඳු හරහා මම පාරවල් සකස් කරමි. මාගේ මාර්ග මම උස් කරමි.+ 12  ඔවුහු දුර ඈත පළාත්වල සිට පැමිණෙති.+ උතුරෙන්ද+ බස්නාහිරෙන්ද+ සීනිම් දේශයෙන්ද ඔවුහු පැමිණෙති.” 13  ස්වර්ගයේ වැසියෙනි, ප්‍රීති ඝෝෂා නඟන්න!+ පොළොවේ වැසියෙනි, සතුටින් ගී ගයන්න!+ කඳුද ප්‍රීතියෙන් ඉපිල යනු ලැබේවා!+ මන්ද යෙහෝවා දෙවි තම සෙනඟව සැනසුවේය.+ පීඩා වින්ද තම සෙනඟට ඔහු අනුකම්පා කළේය.+ 14  එහෙත් සියොන් දියණිය, “යෙහෝවා දෙවි මාව අත්හැරියේය.+ යෙහෝවා දෙවිට මාව අමතක වී ඇත”+ යයි පවසන්නීය. 15  “මවකට තම කිරි බොන දරුවාව අමතක කළ හැකිද? තම කුසේ දරා මෙලොවට බිහි කළ පුතාට ඇය අනුකම්පා නොකර සිටියිද?+ මවක තම දරුවාව අමතක කළත්+ මම කිසිදා ඔබව අමතක නොකරන්නෙමි.+ 16  මේ බලන්න, ඔබේ නම මාගේ අල්ලේ කොටා තිබේ!+ ඔබේ පවුරු නිතරම මා ඉදිරියේ ඇත.+ 17  ඔබේ දරුවෝ ඔබ වෙත දිව එන්නෝය. ඔබව නාස්තියට පැමිණවූ අය දැන් ඔබ වෙතින් ඉවත්ව යන්නෝය. 18  ඔබේ ඇස් ඇර වටපිට බලන්න. ඔවුහු සියලුදෙනාම එක් රැස් වී+ ඔබ වෙත පැමිණෙන්නෝය. යෙහෝවා දෙවි වන මා ජීවමානය. ඒ නිසා මා කියන මේ දේ ස්ථිර වශයෙන්ම සිදු වන්නේය.+ ‘ඒ සියලුදෙනාම ඔබව අලංකාර කරන ආභරණ මෙන් වන්නෝය. ඔබව වට කරගෙන සිටින ඔවුන් නිසා ඔබ ආභරණ පැළඳගත් මනාලියක් මෙන් වන්නෙහිය.’+ 19  ඔබ මහත් විනාශයකට හසු වී පාළු නටබුන් ගොඩක් බවට පත් වී ඇත.+ එහෙත් දැන් ඔබේ වැසියන්ට ජීවත් වීමට දේශයේ ඉඩ මදිය. ඔබව විනාශ කළ අයත් දුර ඈත පළාතකට ගොස් සිටිති.+ 20  ඔබ ශෝකයෙන් සිටි කාලයේදී ඔබට බිහි වූ දරුවෝ,+ ‘මෙහි ජීවත් වන්න අපට ඉඩ මදියි.+ අපට ඉඩකඩ සලසා දෙන්න’+ යයි කියති. 21  ඒ කාලයේදී ඔබ නිසැකවම මෙසේ කියන්නෙහිය. ‘මාගේ දරුවන් මට අහිමි විය. මා දැන් වඳ ස්ත්‍රියකි. වහලියකව සිටින මම දැන් තනි වී සිටිමි.+ තනි වූ මට+ මේ දරුවන් ලැබුණේ කොහෙන්ද?+ ඔවුන්ගේ පියා කවුද? මේ දරුවන් මා ළඟට ගෙනාවේ කවුද?’”+ 22  විශ්වයේ පාලකයාණන් වන යෙහෝවා දෙවි මෙසේ පවසන්නේය. “මම අත ඔසවා ජාතීන්ට සංඥා කරන්නෙමි.+ සියලු ජනයාට පෙනෙන සේ මම කොඩියක් සිටුවන්නෙමි.+ එවිට ඔවුහු ඔබේ පුත්‍රයන්ව වඩාගෙන ඔබ වෙතට රැගෙන එති. ඔබේ දූවරුන්වද කර පිට උසුලාගෙන එති.+ 23  රජවරු ඔබව රැකබලා ගනිති.+ ඔවුන්ගේ කුමාරිකාවෝ ඔබේ කිරි මව්වරු ලෙස සේවය කරති. ඔවුහු ඔබේ පාමුල වැටී+ පාදවල තිබෙන දූවිල්ල පවා ලෙව කති.+ ඒ දවසේදී, මා යෙහෝවා දෙවි බවත් මා කෙරෙහි බලාපොරොත්තු තබන අය කවදාවත් ලැජ්ජාවට පත් වන්නේ නැති බවත් ඔබ නිසැකවම තේරුම්ගනු ඇත.”+ 24  බලවන්තයෙකු අල්ලාගෙන ගිය අයව කාටවත් නිදහස් කළ හැකිද?+ කුරිරු පාලකයෙකු යටතේ සිටින වහලුන්ට ඔහුගේ අතින් බේරී යා හැකිද?+ 25  යෙහෝවා දෙවි මෙසේ පොරොන්දු වී ඇත. “බලවන්තයා අල්ලාගෙන ගිය සිරකරුවන්ව මම නිදහස් කරමි.+ කුරිරු පාලකයා යටතේ සිටින වහලුන් ඔහුගේ අතින් බේරී එනු ඇත.+ ඔබට විරුද්ධව සටන් කරන සියල්ලන්ට විරුද්ධව මම සටන් කරමි.+ ඔබේ දරුවන්වද මම බේරාගන්නෙමි.+ 26  ඔබට වධ හිංසා කරන අයට තමන්ගේම මාංසය කන්න සිදු වෙයි. අලුත් වයින් බොන අය මෙන් ඔවුහු තමන්ගේම ලෙයින් මත් වනු ඇත. ඒ දවසේදී, යෙහෝවා දෙවි වන මා+ ඔබේ ගැලවුම්කරු බවත්+ ඔබේ මිදුම්කරු බවත්+ සියලුදෙනාටම පිළිගන්න සිදු වෙයි. යාකොබ්ගේ බලවත් දෙවි මමය.”+

පාදසටහන්

මූ.අ., “ගිවිසුමක්.”