යෙසායා 37:1-38

37  එය ඇසූ විගස හෙසකියා රජ තම වස්ත්‍ර ඉරා ගෝණි රෙදි ඇඳගෙන+ යෙහෝවා දෙවිගේ ගෘහයට+ ගියේය.  ඔහු රජමාලිගාවේ වැඩකටයුතු භාරව සිටි එලියාකීම්ටද+ ලේකම් වූ ෂෙබ්නාටද+ පූජකයන්ගේ ප්‍රධානීන්ටද+ කතා කර ගෝණි රෙදි ඇඳ, ආමොෂ්ගේ පුත් අනාගතවක්තෘ+ යෙසායා+ වෙතට යන ලෙස පැවසුවේය.  ඔවුහු ගොස් යෙසායාව හමු වී මෙසේ කීවෝය. “හෙසකියා රජු මෙසේ පැවසුවා. ‘අද ඉතා දුක්බර දවසක්.+ අපි දැඩි විවේචනයටත් බොහෝ නින්දා අපහාසවලටත් ලක් වුණා.+ අපි, දරුවෙක් බිහි කරන්න ළංව සිටියත් දරුවාව බිහි කරන්න තරම් ශක්තියක් නැති ස්ත්‍රියක් හා සමානයි.+  රබ්ෂාකේගේ+ ස්වාමියා වන ඇසිරියාවේ රජු ඔහුව එව්වේ ජීවමාන දෙවිට සරදම්+ කරන්නයි. සමහරවිට යෙහෝවා දෙවි රබ්ෂාකේ පැවසූ දේවල් සැලකිල්ලට ගෙන ඔහුට නිසි දඬුවම් දෙයි.+ ඔහු පැවසූ දේවල් ගැන අනිවාර්යයෙන්ම යෙහෝවා දෙවිට ගණන් දෙන්න ඔහුට සිදු වෙයි. නමුත් දැන් මා ඔබෙන් ඉල්ලා සිටින්නේ ඉතුරුව සිටින මේ සෙනඟ වෙනුවෙන්+ යාච්ඤා කරන්න+ කියායි.’”  හෙසකියා රජුගේ සේවකයෝ යෙසායාට මෙම පණිවිඩය දුන් පසු+  යෙසායා ඔවුන්ට මෙසේ කීවේය. “ගිහින් ඔබේ ස්වාමියාට මෙසේ කියන්න. ‘යෙහෝවා දෙවිගේ පිළිතුර මෙයයි.+ “ඇසිරියාවේ රජුගේ සේවකයෝ+ මට අපහාස කරමින් කී දේවල්වලට භය නොවන්න.+  මම ඔහුගේ අදහස වෙනස් කරන්නෙමි.+ ඔහුට ආරංචියක් ලැබී+ ඔහු නැවත තමාගේ රටට හැරී යනු ඇත. පසුව ඔහුගේ රටේදීම ඔහු කඩුවෙන් මැරුම් කන්නේය.”’”+  පසුව ඇසිරියාවේ රජු ලාකිෂ් නගරයෙන්+ පිටත්ව ගිය බව රබ්ෂාකේට+ ආරංචි වී රජුව හමු වීමට ඔහු ගියේය. ඒ අවස්ථාවේදී රජ ලිබ්නා නගරයට+ විරුද්ධව යුද්ධ කරමින් සිටියේය.  ඉතියෝපියාවේ රජු වන තිර්හාකා+ තමාට විරුද්ධව යුද්ධයට එන බව ඇසිරියාවේ රජුට ආරංචි විය. ඒ ගැන ඇසූ ගමන්ම ඔහු හෙසකියා රජු වෙත පණිවිඩකරුවන්+ යවමින් මෙසේ කීවේය. 10  “යූදාහි රජු වන හෙසකියාව හමු වී මෙසේ කියන්න. ‘“යෙරුසලම ඇසිරියාවේ රජුගේ අතට පත් වෙන්නේ නැහැ”+ කියා ඔබ විශ්වාස කරන ඔබේ දෙවියන් ඔබට කියයි. නමුත් ඔබ ඊට රැවටෙන්න එපා.+ 11  ඇසිරියාවේ රජවරු අනික් දේශයන් විනාශ කළ හැටි ඔබ අසා නැද්ද?+ එසේනම් ඔබට පමණක් බේරෙන්න ලැබෙයි කියා ඔබ හිතන්නේ කොහොමද?+ 12  මගේ මුතුන්මිත්තන් විනාශ කළ දේශවල ජීවත් වූ වැසියන් නමස්කාර කළ එක දෙවියෙකුටවත්+ පුළුවන් වුණාද ඔවුන්ගේ සෙනඟ බේරාගන්න?+ ගෝසාන්,+ හාරාන්,+ රෙෂෙප් හා ටෙල්-අසර් දේශයේ සිටි ඒදන්හි+ වැසියන්ටවත් බේරෙන්න බැරි වුණා. 13  හමාත්,+ අර්පාද්,+ සෙෆාවායිම්,+ හේනා සහ ඉව්වා+ යන නගරවල රජවරුන් දැන් කොහේද?’” 14  හෙසකියා එම පණිවිඩකරුවන් තමාට දුන් ලිපිය ගෙන කියෙව්වේය.+ ඉන්පසු හෙසකියා යෙහෝවා දෙවිගේ ගෘහයට ගොස් එම ලිපිය යෙහෝවා දෙවි ඉදිරියේ තැබුවේය.+ 15  ඔහු යෙහෝවා දෙවි ඉදිරියේ යාච්ඤා කරමින්+ මෙසේ කීවේය. 16  “අනේ යෙහෝවා දෙවියනි, පොළොවේ සියලු රාජ්‍යයන්ට වඩා උසස්ව සිටින එකම සැබෑ වූ දෙවි+ හා ස්වර්ගයේ සේනාවල අධිපති ඔබයි. කෙරුබ්වරුන් පිට හිඳගෙන සිටින ඊශ්‍රායෙල්හි දෙවියනි,+ අහසත් පොළොවත් නිර්මාණය කළේ ඔබයි.+ 17  යෙහෝවා දෙවියනි, අපේ කන්නලව්වලට ඇහුම්කන් දෙන්න.+ අනේ යෙහෝවා දෙවියනි, අප දෙස බලන්න.+ ජීවමාන දෙවි වන ඔබට අපහාස+ කිරීම සඳහා සෙනකෙරිබ්+ ලියා තිබෙන මේ දේවල්වලට ඔබේ අවධානය යොමු කරන්න. 18  යෙහෝවා දෙවියනි, ඇසිරියාවේ රජවරුන් විවිධ ජාතීන්වත් ඔවුන්ගේ දේශයනුත් විනාශ කළ බව ඇත්තයි.+ 19  ඒ ජාතීන් නමස්කාර කළ දෙවිවරුන්වත් ඔවුන් පුලුස්සා දැමුවා.+ නමුත් ඔවුන් සැබෑ දෙවිවරුන් නෙමෙයි,+ ලී සහ ගල්වලින් සාදාගත් රූප පමණයි.+ ඒ නිසයි ඔවුන්ට ඒ දෙවිවරුන්ව විනාශ කරන්න පුළුවන් වුණේ.+ 20  අනේ යෙහෝවා දෙවියනි,+ ඇසිරියාවේ රජුගේ අතින් අපව බේරාගන්න.+ එවිට යෙහෝවා නම් වූ ඔබ පමණක් සැබෑ දෙවි බව පොළොවේ සියලු රජවරුන් දැනගනීවි.”+ 21  පසුව ආමොෂ්ගේ පුත් යෙසායා හෙසකියාට මෙසේ කියා යැව්වේය. “ඊශ්‍රායෙල්හි දෙවි වන යෙහෝවා මෙසේ පැවසුවා. ‘ඇසිරියාවේ රජු වන සෙනකෙරිබ් ගැන ඔබ මට යාච්ඤා කළ නිසා+ 22  යෙහෝවා දෙවි වන මම සෙනකෙරිබ්ට විරුද්ධව මේ දේ ප්‍රකාශ කරමි.“සියොන් කන්‍යා දියණිය ඔබව හෙළාදකින්නීය. ඔබව සමච්චලයට ලක් කරන්නීය.+යෙරුසලම් දියණිය ඔබව විහිළුවට ලක් කරමින් සිනාසෙන්නීය.+ 23  ඔබ අපහාස+ කරමින් සමච්චලයට+ ලක් කළේ කාවද?ඔබ අහංකාරකමින් කතා කළේ+ කාට විරුද්ධවද?උඩඟු ලෙස බැලුවේ+ කා දෙසද?ඒ සෑම දෙයක්ම ඔබ කළේ ඊශ්‍රායෙල්හි ශුද්ධ තැනැත්තා වන මට විරුද්ධවයි!+ 24  ඔබේ සේවකයන් ලවා ඔබ යෙහෝවා දෙවි වන මට අභියෝග කරමින් මෙසේ කීවේය.+‘මාගේ යුධ රථ සේනාවත් සමඟ+මම කඳුකරයේ ඉහළටම නඟිමි.+ලෙබනොන් දේශයේ ඈත කෙළවරටම ගොස්,+එහි දැවැන්ත දේවදාර ගස්ද හොඳම ජුනිපර් ගස්ද කපා දමමි.+එහි පලතුරු උයන් කෙළවරටම වුවද මම යමි.+ 25  මම බිම හාරා වතුර බොන්නෙමි.ඊජිප්තුවේ නයිල් ගඟේ+ සියලු අතු ගංගා+ පිට ඇවිද ඒවා සිඳවන්නෙමි.’ 26  බොහෝ කාලයක සිට මා කිරීමට තීරණය කළ දේ+ ඔබට ආරංචි වුණේ නැද්ද?+මුල සිටම මම එය සැලසුම් කළෙමි.+ දැන් මම එය ඉටු කරන්නෙමි.+සුරක්ෂිත නුවරවල් විනාශ කර පාළු නටබුන් ගොඩක් බවට පත් කරන්න මම ඔබව යොදාගනිමි.+ 27  එම නුවරවල වැසියෝ කිසිවක් කරකියාගත නොහැකිව අසරණ වනු ඇත.+ඔවුහු භය වී ලැජ්ජාවට පත් වන්නෝය.+ඔවුහු කෙතේ මැලවී යන පැළෑටි මෙන්ද+නැඟෙනහිර දෙසින් හමන සුළඟට+ වියළී යන පියස්සේ+ හා කෙතේ දලු ලන තණකොළ මෙන්ද වනු ඇත. 28  ඔබ හිඳගෙන සිටින විටත් පිට වී යන විටත්+ නැවත ගෙට එන විටත් ඔබ කරන හැම දෙයක්ම මම දනිමි.+මට විරුද්ධව ඔබ කෝපයෙන් ක්‍රියා කරන හැටිත් මම දනිමි.+ 29  ඔබ මහත් කෝපයෙන් මට විරුද්ධව+ කළ චෝදනා මගේ කනට වැටී ඇත.+මම ඔබේ නාසයට කොක්කක්ද කටට කටකලියාවක්ද දමා+ඔබ ආ පාරෙන්ම නැවත ඔබව ඇදගෙන යන්නෙමි.”+ 30  “‘මෙය ඔබට ලකුණක් වනු ඇත. පසුගිය අස්වැන්නේදී කෙතේ වැටුණු බීජවලින් හටගන්නා පලදාවෙන් ඔබට මේ අවුරුද්දේ කන්න පුළුවන.+ දෙවන අවුරුද්දේදී, ඉබේම පලදාවක් හටගනියි. ඔබට ඒ පලදාවෙන් දෙවන අවුරුද්දේදී කන්න ලැබෙයි. නමුත් තුන්වන අවුරුද්දේදී, ඔබම බීජ වපුරා අස්වැන්න නෙළාගන්න. මිදිවතු වවා ඒවායේ පල කන්න.+ 31  යූදා පෙළපතේ බේරී ජීවත් වන අය+ ගැඹුරට මුල් බැස ඇති ගසක් මෙන් පල දරනවා ඇත.+ 32  මන්ද කුඩා සෙනඟක් යෙරුසලමෙන් නික්ම එනු ඇත.+ බේරී ජීවත් වන අය සියොන් කන්ද වෙතින් නික්ම එන්නෝය.+ ස්වර්ගයේ සේනාවල අධිපති වූ යෙහෝවා දෙවි වන මම මහත් ආශාවකින් මේ දේ ඉටු කරන්නෙමි.+ 33  “‘එබැවින් යෙහෝවා දෙවි වන මම ඇසිරියාවේ රජු+ ගැන මෙසේ පැවසුවෙමි. “ඔහුට මේ නුවරට ඇතුල් වෙන්නවත්+ ඒ දෙසට ඊතලයක් විදින්නවත් පලිහ අතට ගෙන ඊට විරුද්ධව යුද්ධ කරන්නවත් එය වටා බැම්මක් ගොඩනඟා නුවර වටලන්නවත් ලැබෙන්නේ නැත.”’+ 34  “‘ඔහු ආ පාරෙන්ම නැවත හැරී යයි. ඔහුට මේ නුවරට කිසි ලෙසකින්වත් ඇතුල් වෙන්න ලැබෙන්නේ නැති බව යෙහෝවා දෙවි වන මම පවසමි.+ 35  මාගේ නාමය වෙනුවෙනුත්+ මාගේ සේවක දාවිත් වෙනුවෙනුත්+ මම මේ නගරය ආරක්ෂා කර+ බේරාගන්නෙමි.’” 36  යෙහෝවා දෙවිගේ දූතයා+ ඇසිරියානු කඳවුරේ භටයන් එක්ලක්ෂ අසූපන්දහසක් මරා දැමුවේය.+ උදෑසනින්ම අවදි වූ සෙසු භටයින් අවට බැලූ විට ඔවුන්ට දකින්න ලැබුණේ සෑම තැනම තිබුණු මළ සිරුරු පමණි.+ 37  මේ සිද්ධියෙන් පසු ඇසිරියාවේ රජු වූ සෙනකෙරිබ්+ ආපසු නිනිවය නගරයට+ ගොස් එහි වාසය කළේය.+ 38  දිනක් ඔහු තම දෙවි වූ+ නිස්රොක්ගේ+ දේවාලයේ නමස්කාර කරමින් සිටිද්දී, ඔහුගේම පුත්‍රයෝ වූ අද්‍රම්මෙලෙක් සහ ෂරෙෂෙර් ඔහුට කඩුවෙන් පහර දී මරා දැමුවෝය.+ ඉන්පසු ඔවුහු දෙදෙනා අරරත්+ දේශයට පලා ගියෝය. සෙනකෙරිබ් රජුට පසු ඔහුගේ පුත් ඒසර්-හද්දොන්+ රජකමට පත් විය.

පාදසටහන්