යෙසායා 36:1-22

36  හෙසකියා රජුගේ පාලන සමයේ දහහතරවන අවුරුද්දේදී ඇසිරියාවේ රජු වූ+ සෙනකෙරිබ්,+ යූදා දේශයේ පවුරුවලින් වට වී තිබෙන සුරක්ෂිත නුවරවලට විරුද්ධව යුද්ධ කර ඒවා යටත් කරගත්තේය.+  පසුව ඇසිරියාවේ රජ, රබ්ෂාකේව*+ මහත් හමුදාවක් සමඟ යෙරුසලමේ+ විසූ හෙසකියා රජු වෙත යැව්වේය. රබ්ෂාකේ ලාකිෂ්+ නගරයේ සිට යෙරුසලමට පැමිණ, රෙදි සෝදන්නන්ගේ පිට්ටනියට+ යන මාර්ගයෙහි පිහිටි ඉහළ පොකුණේ+ දිය අගල+ ළඟ නැවතුණේය.  ඔහු පැමිණ සිටි බව දැනගත් විට, රජමාලිගාවේ වැඩකටයුතු භාරව සිටි හිල්කියාගේ පුත් එලියාකීම්ද+ ලේකම් වූ ෂෙබ්නාද+ වාර්තාකරු+ වූ ආසාෆ්ගේ+ පුත් යෝවාද+ ඔහුව හමු වීමට පැමිණියෝය.  එවිට රබ්ෂාකේ ඔවුන්ට මෙසේ කීවේය. “ඇසිරියාවේ රජු+ වන මහ රජ්ජුරුවෝ+ හෙසකියාට එවූ මේ පණිවිඩය ගොස් ඔහුට කියන්න. ‘ඔබ දැන් විශ්වාසය තබාගෙන ඉන්නේ කවුරුන් මතද?+  යුද්ධය මෙහෙයවීමට අවශ්‍ය උපදේශකයන් සිටින බව හා හමුදා බලය+ ඔබට තිබෙන බව ඔබ පැවසුවත් ඒවා නිකම්ම නිකම් වචන විතරයි. ඔබ මට විරුද්ධව කැරලිගසන්න තරම් ධෛර්යයක් උපදවාගත්තේ කාගේ ශක්තියෙන්ද?+  තැළුණු බට දණ්ඩක් වගේ ඉන්න ඊජිප්තුවෙන්ද+ ඔබ පිහිට පතන්නේ?+ තැළුණු බට දණ්ඩක් ඇල්ලුවොත් සිදු වන්නේ තමාගේම අත තුවාල වෙන එක විතරයි. ඊජිප්තුවේ රජු වන පාරාවෝ+ කෙරෙහි විශ්වාසය තැබූ හැමෝටම වෙලා තියෙන්නෙත් ඒ දේමයි.+  එහෙමත් නැත්නම් ඔබ මට කියන්න හදන්නේ ඔබේ දෙවි වන යෙහෝවා මත ඔබ විශ්වාසය තබනවා කියාද? ඒ දෙවියන්ගේ ශුද්ධස්ථාන+ හා පූජාසන නෙවෙයිද හෙසකියා කඩා දැමුවේ?+ ඔහු ඒවා කඩා දමා, “යෙරුසලමේ තිබෙන පූජාසනය ඉදිරියේ නමස්කාර කරන්න”+ කියා යූදා සහ යෙරුසලමේ වැසියන්ට පැවසුවේ නැද්ද?  “මගේ ස්වාමීන් වන ඇසිරියාවේ රජු+ ඔබට දැන් අශ්වයන් දෙදහක් දුන්නොත් අඩුම තරමින් ඒ අශ්වයන් ගණනට අසරුවන් සොයාගන්නවත්+ ඔබට පුළුවන් වෙයිද?+  ඊජිප්තුවෙන් අශ්ව රථ සහ අසරුවන් ලැබෙයි කියා බලාපොරොත්තුවෙන් ඉන්න ඔබට,+ මගේ ස්වාමියාට සේවය කරන සුළුම නිලධාරියෙකුටවත් පහර දෙන්න පුළුවන්ද?”+ 10  මම මේ නගරය විනාශ කරන්න ආවේ යෙහෝවා දෙවිගේ අනුමැතිය නැතුව කියාද ඔබ සිතන්නේ? “ඒ දේශයට විරුද්ධව යුද්ධ කර එය විනාශ කරන්න”+ කියා මට කිව්වේ යෙහෝවා දෙවිමයි.’”+ 11  එවිට එලියාකීම්ද+ ෂෙබ්නාද+ යෝවාද+ රබ්ෂාකේට+ මෙසේ කීවෝය. “ඔබේ සේවකයන් වන අපට සිරියානු භාෂාව+ තේරෙනවා. ඒ නිසා අපට සිරියානු භාෂාවෙන් කතා කරන්න. යුදෙව් භාෂාවෙන්+ කතා කළොත් පවුර උඩ සිටින අයටත් ඔබ කියන දේ තේරෙයි.”+ 12  එහෙත් රබ්ෂාකේ ඔවුන්ට මෙසේ කීවේය. “මගේ ස්වාමියා මාව එව්වේ ඔබට හා ඔබේ ස්වාමියාට පමණක් මේ පණිවිඩය දෙන්න නෙවෙයි. පවුරේ ඉන්න අයත් මේ පණිවිඩය ඇසිය යුතුයි. මන්ද තව කෙටි කාලයකින් ඒ සියලුදෙනාටම ඔවුන්ගේම අසූචි කන්නත් ඔවුන්ගේම මුත්‍රා බොන්නත් සිදු වෙනවා. ඔබට සිදු වෙන්නෙත් ඒ දේමයි.”+ 13  එසේ පැවසූ රබ්ෂාකේ,+ තවදුරටත් යුදෙව් භාෂාවෙන්ම හඬ නඟා මෙසේ කීවේය.+ “ඇසිරියාවේ රජු වන මහ රජ්ජුරුවන්ගේ පණිවිඩයට ඇහුම්කන් දෙන්න.+ 14  ‘ජනයෙනි, හෙසකියා කියන දේට ඔබ රැවටෙන්න එපා.+ ඔබව ගලවාගන්න ඔහුට බැහැ.+ 15  හෙසකියා ඔබට මෙහෙම කියයි. “යෙහෝවා දෙවි අපව ගලවන බවට කිසිම සැකයක් නැහැ.+ මේ නගරය ඇසිරියාවේ රජුගේ අතට පත් වෙන්න දෙවි කිසිදාක ඉඩ දෙන්නේ නැහැ.”+ එහෙම කියා යෙහෝවා දෙවි කෙරෙහි ඔබ තුළ විශ්වාසයක් ඇති කරන්න ඔහු උත්සාහ දරයි. එහෙත් ඔහුව විශ්වාස කරන්න එපා.+ 16  ඔහු කියන දේට ඇහුම්කන් දෙන්න එපා. ඇසිරියාවේ රජුට ඇහුම්කන් දෙන්න. ඔහු පැවසුවේ මෙයයි. “දැන් මා ඉදිරියට ඇවිත් මට යටත් වෙන්න.+ එවිට ඔබේම මිදිවැලේ හා අත්තික්කා ගසේ පල කන්න ඔබට පුළුවන් වෙයි.+ ඔබේම පොකුණෙන් වතුර බොන්නත් පුළුවන්.+ 17  මම ඔබේ දේශය හා සමාන හොඳ දේශයකට ඔබව ගෙන යන්නම්.+ ධාන්‍යයෙන් සහ අලුත් වයින්වලින්ද රොටි සහ මිදිවතුවලින්ද පිරුණු දේශයක ඔබට ජීවත් වෙන්න පුළුවන් වෙයි. 18  ‘යෙහෝවා දෙවි අපිව ගලවාගනියි’ කියා හෙසකියා ඔබට පැවසුවත් ඔහුට රැවටෙන්න එපා.+ ඇසිරියාවේ රජු වන මම යටත් කරගත් දේශවල වැසියන් නමස්කාර කළ එක දෙවියෙකුටවත් පුළුවන් වුණාද තමාගේ දේශය ගලවාගන්න?+ 19  හමාත්+ සහ අර්පාද්+ නගරවල දෙවිවරුන්ට මොනවද වුණේ? සෙෆාවායිම්+ නගරයේ දෙවිවරුන්ට මොනවද වුණේ? මගේ අතින් සමාරිය ගලවාගන්න ඔවුන්ට පුළුවන් වුණාද?+ 20  මම යටත් කරගත් දේශවල සිටි එක දෙවියෙකුටවත් තමන්ගේ දේශය බේරගන්න බැරි වුණා නම්+ යෙහෝවා දෙවිට පුළුවන් වෙයිද මගේ අතින් යෙරුසලම ගලවාගන්න?”’”+ 21  එහෙත් ජනයා ඔහුට පිළිතුරු නොදී නිශ්ශබ්දව සිටියෝය.+ මන්ද, “ඔහුට පිළිතුරු දෙන්න එපා”+ කියා රජතුමා ඔවුන්ට අණ කර තිබිණ. 22  පසුව, රජමාලිගාව භාරව සිටි+ හිල්කියාගේ පුත් එලියාකීම්ද+ ලේකම් වූ ෂෙබ්නාද+ වාර්තාකරු වූ ආසාෆ්ගේ පුත් යෝවාද+ තම වස්ත්‍ර ඉරාගෙන+ හෙසකියා ළඟට ඇවිත් රබ්ෂාකේ+ පැවසූ දේ ඔහුට දැන්වූහ.

පාදසටහන්

හෝ, “කුසලාන දරන්නන්ගේ ප්‍රධානියා.”