යෙසායා 33:1-24

33  කිසිවෙකු ඔබේ වස්තුව පැහැර නොගත්තත් ඔබ අන් අයගේ වස්තුව පැහැරගෙන ඔවුන්ගේ දේශ නැති නාස්ති කරන්නෙහිය. කිසිවෙකු ඔබට ද්‍රෝහිකම් නොකළත් ඔබ අන් අයට ද්‍රෝහිකම් කරන්නෙහිය.+ ඒ සියල්ල කළ පසු ඔබ අනිවාර්යයෙන්ම දඬුවම් විඳිනු ඇත.+ ඔබ අන් අයව විනාශයට ඇද දැමූ නිසා ඔබවත් විනාශයට ඇද දමනු ලබන්නේය. ඔබ ද්‍රෝහිකම් කළ නිසා අන් අය ඔබ සමඟත් ද්‍රෝහිව කටයුතු කරන්නෝය.+  යෙහෝවා දෙවියනි, අපේ බලාපොරොත්තුව ඔබයි.+ ඒ නිසා, අප දෙස බලා අපට අනුකම්පා කරන්න.+ සෑම උදෑසනකම+ අපව ශක්තිමත් කරන්න.+ විපත්ති කාලයේදී අපට පිහිට වී අපව ගලවාගන්න.+  ඔබේ ගර්ජනාව ඇසෙද්දී සතුරෝ පලා යති.+ ඔබ නැඟී සිටින විට ජාතීහු කලබල වී ඒ මේ අත දුවති.+  කැරපොත්තන් කෑමක් උඩ වැහෙන ලෙසින්ද මහත් පළඟැටි රංචුවක් යමෙකුව වට කරගන්නා ලෙසින්ද+ සතුරෝ ඇවිත් ඔබේ වස්තුව+ පැහැරගෙන යන්නෝය.  ස්වර්ගයේ වෙසෙන+ යෙහෝවා දෙවිව මහත් සේ ගෞරවයට පත් වනු ඇත.+ ඔහු සියොන් කන්ද පුරාම යුක්තියත් ධර්මිෂ්ඨකමත් පතුරවන්නේය.+  ඒ කාලයේදී,* විශ්වාසවන්තව සිටීමෙන් මහත් ගැලවීමක් අත් වෙයි.+ එමෙන්ම ප්‍රඥාව, දැනුම+ හා යෙහෝවා දෙවි කෙරෙහි දක්වන ගරුබිය+ වටිනා වස්තුවකි.  ඔවුන්ගේ රණශූරයෝ පවා වීථිවල කෑගසති. ඔවුන්ගේ සාම දූතයෝද+ හඬා වැලපෙති.  මංමාවත් පාළුවට ගොස් ඇත.+ ඒවායෙහි කිසිවෙක් ගමන් නොකරති.+ සතුරා ගිවිසුම කඩ කළේය.+ ඔහු කිසි මිනිසෙකු ගැනවත් තැකීමක් නොකරයි.+ ඔහු නුවරවල් පාගා දමන්නේය.+  කෙත්වතු පාළුවට ගොස් ඇත. දේශය වැලපෙයි.+ ලෙබනොන් දේශය නාස්තියට ගොස් ලැජ්ජාවට පත් වී ඇත.+ ෂාරොන් තැනිතලාව+ දැන් කාන්තාරයකි. බාෂාන් හා කර්මෙල් දේශයන්හි ගස්වල කොළ හැළෙයි.+ 10  යෙහෝවා දෙවි මෙසේ පවසන්නේය. “මම දැන් පියවර ගන්නෙමි.+ මම මගේ තේජස සියල්ලන්ට දකින්න සලස්වා+ මට හිමි ගෞරවය ලබාගන්නෙමි.+ 11  ඔබ වියළි තණකොළ+ වැනි වූ අදහස් සිතෙහි පෝෂණය කර පිදුරු වැනි වූ උපායන් යොදන්නෙහිය. ගින්නක් මෙන් වූ ඔබේ දුෂ්ට සිතුවිලි ඔබ තුළම දැවී පවතියි.+ 12  සියලුදෙනා හුණුගල් මෙන්ද කපා ඉවත දැමූ කටු පඳුරු මෙන්ද පිලිස්සී යන්නෝය.+ 13  දුර ඈත වෙසෙන ජනයෙනි, මා කරන්න යන දේ මම ඔබට දන්වන්නෙමි.+ ළඟ සිටින ජනයෙනි, මම ඔබටත් මගේ බලය පෙන්වන්නෙමි.+ 14  සියොන්හි වෙසෙන පව්කාරයෝ තැතිගෙන සිටිති.+ දෙවිව අත්හැර ගිය ද්‍රෝහියෝ භයෙන් වෙවුලමින්+ මෙසේ කියති. ‘දැවෙන ගින්නක් ළඟින් සිටිය හැක්කේ කාටද?+ බුරබුරා නඟින ගිනිදලු ළඟ බොහෝ වේලා නැවතී සිටිය හැක්කේ කාටද?’+ 15  “නිරතුරුවම ධර්මිෂ්ඨ මඟෙහි ගමන් කරන තැනැත්තෙක් සිටියි.+ ඔහුගේ මුවින් පිට වන්නේ අවංක වචනය.+ ඔහු වංචාවෙන් ලාභ ඉපයීම හෙළාදකියි.+ අල්ලස් ගැනීමේ සිතුවිල්ලක්වත් ඔහුගේ සිතට පහළ නොවෙයි.+ ඔහු දුෂ්ට දේ දෙස බලන්නවත්+ මිනී මැරීමක් ගැන අසන්නවත් කැමති නැත. 16  ඔහු වාසය කරන්නේ උස් කන්දක් මතය.+ ඔහු කිසිවෙකුට ළඟා විය නොහැකි සුරක්ෂිත පර්වතයක් මත වසන්නේය.+ ඔහු කිසිදා කුසගින්නෙන්වත්+ පිපාසයෙන්වත් සිටින්නේ නැත.”+ 17  තේජශ්‍රීයෙන් පාලනය කරන රජෙකුව ඔබ දකින්නහුය.+ දුර ඈත පිහිටි දේශයක්ද ඔබේ නෙත ගැටෙයි.+ 18  එවිට ඔබ භීතියෙන් කල් ගෙවූ කාලය ගැන මතක් කරගනිමින්,+ “ලේකම් කෝ? කප්පම් ගෙවන තැනැත්තාට සිදු වුණේ කුමක්ද?+ මුරකොටු භාරව සිටින තැනැත්තා කෝ”+ යයි සිතන්නහුය. 19  ගොතගසමින් නොතේරෙන භාෂාවක් කතා කරන+ ඒ අහංකාර සෙනඟව ඔබ යළි දකින්නේ නැත. 20  අප ප්‍රීති ප්‍රමෝදයෙන් උත්සව පැවැත්වූ නුවර+ වන සියොන්+ දෙස බලන්න! යෙරුසලම සුවසේ වාසය කළ හැකි ස්ථානයක් බව ඔබට පෙනෙයි. එය කිසිවෙකුට අකුළා දැමිය නොහැකි කූඩාරමකි.+ එහි කූඤ්ඤ ගලවා දමන්නවත් එහි ලණු කඩන්නවත් කිසිවෙකුට නොහැකිය.+ 21  උදාර තැනැත්තාණන්+ වන යෙහෝවා දෙවි ඒ ස්ථානයේ සිට ගංගාවක්+ මෙන්ද මහ ඇළක් මෙන්ද අප වට කර ආරක්ෂාව දෙන්නේය. එහි සතුරු නැව්වලටවත් ඔරුවකටවත් යාත්‍රා කළ නොහැක. 22  මන්ද යෙහෝවා දෙවි අපගේ විනිශ්චයකරුය.+ යෙහෝවා දෙවි අපේ නීතිදායකයාය.+ අපේ රජුද යෙහෝවා දෙවිය.+ ඔහු ස්ථිර වශයෙන්ම අපව ගලවාගන්නේය.+ 23  සතුරාගේ නැවෙහි රුවල දිගහැර නැත. එහි ලණු බුරුල් වී එල්ලෙමින් තිබේ. එහි කුඹගස ඒ මේ අත සෙලවෙයි. ඒ කාලයේදී, සතුරාගෙන් බොහෝ දේ කොල්ල කා එකිනෙකා අතරේ බෙදාගනු ඇත. කොර අය පවා එතැනට ගොස් ඇති තරම් වස්තු පැහැරගනිති.+ 24  දේශයේ වාසය කරන සියල්ලන්ගේ වරදට සමාව දෙනු ලබයි.+ කිසිවෙකුවත්, “මා ලෙඩින්”+ යයි පවසන්නේ නැත.

පාදසටහන්

මූ.අ., “ඔහුගේ කාලයේදී.”