යෙසායා 10:1-34

10  දුෂ්ට දේ නියෝග කරන අයටද අසාධාරණ නීති පනවන අයටද බොහෝ දුක් පැමිණෙයි.+  ඔවුහු දුප්පතුන්ගේ පැමිණිලි ගණනකට නොගනිති. අසරණ වූ පීඩිත ජනයාට යුක්තිය ඉටු කරන්නේද නැත.+ ඔවුහු වැන්දඹුවන්ගෙන්ද පියා නැති දරුවන්ගෙන්ද සූරා කති.+  ජනයෙනි, ඔබව සෝදිසි කරනු ලබන දවස පැමිණෙන විට ඔබ කරන්නේ කුමක්ද?+ ඈත දේශයකින් ඔබව විනාශ කිරීමට පැමිණෙන ජනයා ඉදිරියේ ඔබ කුමක් කරාවිද?+ ඔබ උපකාරය පතා දුවන්නේ කා ළඟටද?+ ඔබේ කීර්තියට සිදු වන්නේ කුමක්ද?+  ඒ දවසේදී ඔබට සිදු වන්නේ සිරකරුවන් අතරේ බියෙන් නැමී සිටින්නයි. එසේත් නැත්නම් සතුරන් අතින් මැරුම් කන්නයි. ඔබ මළ සිරුරුවලින් වැසී යනු ඇත.+ ඔබේ දුෂ්ටකම හේතුවෙන් දෙවිගේ කෝපය තවමත් නිවී නැත. ඔහුගේ හස්තය ඔබට විරුද්ධව දිගු කර තිබේ.+  “මගේ කෝපය ප්‍රකාශ කිරීමට භාවිත කරන වේවැල+ නම් ඇසිරියානු+ රජයි! ඔහුගේ අතේ තිබෙන්නේ මගේ උදහස ප්‍රකාශ කිරීමට භාවිත කරන සැරයටියයි.  මට ද්‍රෝහි වූ+ මේ සෙනඟට දඬුවම් කරන්න මම ඔහුව එවන්නෙමි. මගේ උදහසට ලක් වූ සෙනඟට විරුද්ධව ගොස් බොහෝ වස්තු කොල්ල කන්නත් වීථියේ පාගා දමන මඩ මෙන් ඔවුන්ගේ දේශය පාගා දමන්නත්+ මම ඔහුට අණ කරන්නෙමි.+  ඔහුගේ සිතේ එවැනි අදහසක් නොතිබුණත් ඔහු එසේ කිරීමට පෙලඹෙයි. ඔහු එසේ කිරීමට නොසිතුවත් සැලසුම් යොදයි. මන්ද ඔහුගේ එකම ආශාව+ වන්නේ බොහෝ ජාතීන්ව සහමුලින්ම විනාශ කර දමන්නයි.+  ඇසිරියානු රජ මෙසේ උදම් අනයි. ‘මා යටතේ දැන් අධිපතීන් ලෙස සේවය කරන්නේ රජවරුන් නොවෙයිද?+  කල්නො+ නගරයට සිදු වූයේ කර්කෙමිෂ්+ දේශයට සිදු වූ දේම නොවෙයිද? අර්පාද්+ නගරය හා හමාත්+ නගරය අතර කිසි වෙනසක් තිබෙනවාද? එසේනම්, දමස්කය+ හා සමාරිය+ අතර තිබෙන වෙනස කුමක්ද? 10  යෙරුසලමටත් සමාරියටත් වඩා බොහෝ දේවතා රූපවලට වැඳුම්පිදුම් කරන ජාතීන්ට විරුද්ධව මම සටන් කළ විට මගේ අතින් බේරාගන්න ඒ ජාතීන්ගේ දෙවිවරුන් සමත් වුණාද?+ 11  ඒ ජාතීන්ට කළ ලෙසම මට සමාරියටත් එහි දෙවිවරුන්ටත් කරන්න බැරිද?+ මම යෙරුසලමටත් එහි දේවතා රූපවලටත් කරන්නේ ඒ දේම නොවෙයිද?’+ 12  “යෙහෝවා දෙවි වන මම සියොන් කන්දටත් යෙරුසලමටත් නියම කළ දේ ඉටු කළ පසු, ඇසිරියාවේ රජුගේ අහංකාරකමටත් ඔහු උද්ධච්චකමින් කළ සියලු දේවලටත් නිසි දඬුවම් දෙන්නෙමි.+ 13  මන්ද ඔහු මෙසේ කියා තිබේ. ‘මම හැම දෙයක්ම කරන්නේ මගේම ශක්තියෙන්+ හා මගේම බුද්ධියෙන්. මම ජාතීන්ගේ දේශ සීමාවන් පවා වෙනස් කර+ ඔවුන්ගේ වස්තු කොල්ල කනවා.+ බලවන්තයෙකු මෙන් ඔවුන්ගේ වැසියන්වත් යටත් කරගන්නවා.+ 14  යමෙකු කුරුලු කූඩුවකට අත දමා+ බිත්තර එකතු කරන්නාක් මෙන් මම ජාතීන්ගේ වස්තු කොල්ල කා+ මුළු පොළොවම අල්ලාගන්නවා. කිසි කුරුල්ලෙක් කූඩුව ළඟට ඇවිත් තටු ගසන්නේවත් හොට ඇර කෑගසන්නේවත් නැහැ.’” 15  දර පළන්නාට වඩා පොරව උසස් වෙන්න වෑයම් කරනවාද? කියතෙන් කපන තැනැත්තාට වඩා එය උතුම් කියා කියතට කිව හැකිද? සැරයටියකට හෝ දණ්ඩකට හෝ පුළුවන්ද එය අල්ලගෙන සිටින තැනැත්තාව පාලනය කරන්න?+ 16  සැබෑ ස්වාමීන්ද ස්වර්ගයේ සේනාවල අධිපතිද වන යෙහෝවා දෙවි ඒ රජුගේ ශක්තිමත් පුරුෂයන්ගේ සවිය නැති කර දැමීමට දරුණු රෝගයක් එවයි.+ ඔහුගේ තේජස දවා දැමීමට ගින්නක් පත්තු කරනු ඇත.+ 17  ඊශ්‍රායෙල්වරුන්ගේ ආලෝකයද+ ඔවුන්ගේ ශුද්ධ තැනැත්තාද වන දෙවි ගින්නක්+ මෙන් පැමිණ ඔහුගේ වල් පැළෑටි සහ කටු පඳුරු+ එක දවසකින් දවා දමයි. 18  ඔහුගේ වනළැහැබේද පලතුරු උයනේද අලංකාරය පහව යයි.+ දරුණු රෝගයකින් පෙළෙන කෙනෙකු වැහැරී යන්නාක් මෙන් ඒවා විනාශ වී යයි.+ 19  ඔහුගේ වනළැහැබේ ඉතුරු වන ගස් ළාබාල දරුවෙකුට වුවත් ගණන් කිරීමට හැකි වෙයි.+ 20  ඒ කාලයේදී ඊශ්‍රායෙල් දේශයේ ඉතුරු වන අයද+ යාකොබ්ගේ ගෘහයේ බේරී ජීවත් වන අයද නැවත කිසිදා තමන්ට පහර දුන් තැනැත්තාගෙන් උපකාර පතන්නේ නැත.+ ඔවුහු ඊශ්‍රායෙල්හි ශුද්ධ තැනැත්තා+ වන යෙහෝවා දෙවිව මුළු හදින්ම විශ්වාස කර+ ඔහුගෙන් උපකාර පතන්නෝය. 21  බලවත් දෙවි වෙතට නැවත හැරී එන්නේ යාකොබ්ගේ පෙළපතට අයත් වන කුඩා පිරිසක් පමණි.*+ 22  ඊශ්‍රායෙල්වරුනි, ඔබ දැන් මුහුදේ වැලි මෙන් වූ විශාල සෙනඟක් වුවද+ ඔබෙන් නැවත හැරී එන්නේ කුඩා පිරිසක් පමණි.+ ඔබ පිට පැමිණීමට නියම කර තිබෙන විනාශය+ සැඩ දිය පහරක් මෙන් පැමිණෙයි. එය සාධාරණ විනාශයකි.+ 23  විශ්වයේ පාලකයාද ස්වර්ගයේ සේනාවල අධිපතිද වන යෙහෝවා දෙවි නියම කර තිබෙන එම විනාශය+ මුළු දේශයටම බලපායි.+ 24  විශ්වයේ පාලකයාද+ ස්වර්ගයේ සේනාවල අධිපතිද වන යෙහෝවා දෙවි මෙසේ පවසයි. “සියොන්හි වාසය කරන මාගේ සෙනඟෙනි,+ ඊජිප්තුවරුන් ඔබට කළාක් මෙන්+ සැරයටියෙන්+ හා දණ්ඩෙන් ඔබට පහර දුන් ඇසිරියානු රජුට බිය නොවන්න. 25  මන්ද තව කෙටි කාලයකින් මාගේ උදහස+ පහ වෙයි. මම ඔවුන් පිටට මගේ උදහස ප්‍රකාශ කර ඔවුන්ව විනාශ කර දමන්නෙමි.+ 26  ස්වර්ගයේ සේනාවල අධිපති වූ යෙහෝවා දෙවි වන මම ඔරෙබ්+ පර්වතය ළඟ මිදියන්වරුන්ව පරාජය කළාක් මෙන් ඔහුට කසයකින් පහර දෙන්නෙමි.+ ඊජිප්තුවේදී කළාක් මෙන්+ මම මුහුද දෙසට සැරයටිය දිගු කරන්නෙමි.+ 27  “ඒ දවසේදී ඔහු ඔබ පිට පැටවූ බරෙන් ඔබ නිදහස් වන්නහුය.+ ඔහු ඔබ පිට තැබූ වියගහද අහකට ගනු ඇත.+ තෛලය* නිසා වියගහ මුළුමනින්ම කැඩී යයි.”+ 28  අයියත්+ නම් නගරයට ඔහු ඇතුල් විය. මිග්‍රොන් නගරය මැදින්ද ගොස් මික්මාෂ්හි+ තමන්ගේ බඩු තැන්පත් කළේය. 29  ඔහු කඳු මාවත පසු කර ගොස් ගෙබා+ නගරයේ රාත්‍රිය ගත කළේය. ඔහුගේ සේනාව නිසා රාමාහි+ වැසියෝ බිය වී ඇත. සාවුල් රජ වාසය කළ ගිබෙයා+ නගරයේ වැසියෝ පලා ගොස් ඇත. 30  ගල්ලිම්+ නගරයේ වැසියෙනි, හඬ නඟන්න. ලායිෂා නගරයේ වැසියෙනි, සූදානමින් සිටින්න. අනාතොත්හි+ අසරණ වැසියෙනි, ඔබත් සූදානමින් සිටින්න! 31  මද්මේනාහි වැසියෝ පලා ගොස් ඇත. ගෙබිම්හි වැසියෝ ආරක්ෂිත තැන් සොයා යති. 32  දිවා කාලයේදී ඇසිරියානු ජාතිකයෝ නොබ්+ නගරයේ නතර වෙති. ඔවුහු යෙරුසලමේ කන්ද+ එනම්, සියොන් නුවර පිහිටි කන්දට විරුද්ධව තම අත් අමෝරාගෙන සිටිති. 33  නමුත් සැබෑ ස්වාමීන්ද ස්වර්ගයේ සේනාවල අධිපතිද වන යෙහෝවා දෙවි ගස්වල අතු කපා දමන්නේය.+ දැවැන්ත ගස්ද පොළොවට හෙළනු ඇත. උත්තමයන්ව පහත් කරනු ලබයි.+ 34  දෙවි යකඩ ආයුධයකින් වනළැහැබේ ගස් කපා දමයි. බලවත් තැනැත්තෙකු නිසා ලෙබනොන්හි ගස් පොළොවට කඩා වැටෙයි.+

පාදසටහන්

යෙසා 7:3හි සඳහන්, “ෂෙයර්-යාෂුබ්” යන හෙබ්‍රෙව් නමෙහි අර්ථයට සමාන අර්ථයකි.
මෙය දැවීම සඳහා හෝ රජවරුන්ව අභිෂේක කිරීම සඳහා භාවිත වූ තෙල් විය හැකියි.