යෙරෙමියා 8:1-22

8  යෙහෝවා දෙවි මෙසේ පවසන්නේය. “ඒ කාලයේදී ජනයා, යූදාහි රජවරුන්ගේද අධිපතීන්ගේද පූජකයන්ගේද අනාගතවක්තෘවරුන්ගේද යෙරුසලමේ වැසියන්ගේද ඇටකටු ඔවුන්ගේ සොහොන් ගෙවල්වලින් එළියට ඇද දමන්නෝය.+  ඔවුහු ඒ ඇටකටු යෙරුසලමේ වැසියන් ප්‍රිය කළ, නමස්කාර කළ, පිහිට පැතූ, වැඳ වැටුණු,+ ඉර හා සඳ ඇතුළු සියලු ආකාශ වස්තූන් ඉදිරියේ අතුරා තබන්නෝය.+ කිසිවෙක් ඒවා එකතු කරන්නේවත් නැවත ඒවා තැන්පත් කරන්නේවත් නැත. ඒවා පොළොව මතුපිටම කුණු වී පොහොර වී යන්නේය.”+  ස්වර්ගයේ සේනාවල අධිපති වන යෙහෝවා දෙවි මෙසේ පවසන්නේය. “මේ නපුරු පරම්පරාවෙන් ඉතුරු වන අයව මම සීසීකඩ විසුරුවාහරින්නෙමි.+ එසේ විසිරී සිටින අය ජීවත් වීමට වඩා මරණයට ඇලුම් කරනු ඇත.”+  “ඔබ ඔවුන්ට මේ දේද කියන්න. ‘යෙහෝවා දෙවි මෙසේ පවසන්නේය. “යමෙක් වැටුණොත් ඔහු නැඟිටින්නේ නැද්ද?+ වැරදි මඟේ ගිය කෙනෙක් හැරී යහමඟෙහි ගියොත් තවත් කෙනෙකු තමන් කිරීමට අදහස් කළ දේ වෙනස් කරන්නේ නැද්ද?+  නමුත් යෙරුසලමේ සෙනඟ දිගටම මට විරුද්ධව කැරලිගසන්නෝය. මා ඉදිරියේ වංචාසහගතව ක්‍රියා කරන්නෝය.+ තම වැරදි ක්‍රියා අත්හැරීමට ඔවුහු කිසිසේත් කැමති නැත.+  මම ඔවුන්ට හොඳින් ඇහුම්කන් දුනිමි.+ ඔවුන් කියන දේ අසාගෙන සිටියෙමි.+ ඔවුන් දිගින් දිගටම කතා කළේ නපුරු දේමය. ‘මම මොනවාද මේ කළේ’ කියා පවසමින් තමන් කළ වැරදි ගැන කිසිවෙක් පසුතැවිලි වුණේ නැත.+ යුද්ධයකට වේගයෙන් දිව යන අශ්වයන් මෙන් ඔවුහුද වැඩිදෙනා ගමන් කරන මඟට ඇදී යන්නෝය.+  තමන් සංක්‍රමණය කළ යුත්තේ කුමන කාලයේද කියා මානකොකා හරියටම දනී.+ කොබෙයියා,+ තුරිතයා හා කොණ්ඩයාට පවා ඒ කාලය ගැන හොඳ අවබෝධයක් තිබේ. නමුත් යෙහෝවා දෙවි වන මා ළඟදීම විනිශ්චයක් ගෙනෙන බව මාගේ සෙනඟ තවම තේරුම්ගෙන නැත.”’”+  “‘“අපි ඥානවන්ත සෙනඟක්. යෙහෝවා දෙවිගේ නීතිය තිබෙන්නේ අප ළඟයි” කියා ඔබ කියන්නේ කෙසේද?+ ලියන්නන්ගේ පන්හිඳෙන්+ ලියවුණු බොරු නිසා සෙනඟ මුළාව ගොසින්ය.  ඥානවන්තයෝ ලැජ්ජාවට පත් වී+ බියෙන් වෙවුලති. ඔවුහු උගුලකට හසු වන්නාක් මෙන් තමන් කළ දේවල ප්‍රතිඵල නියත වශයෙන්ම අද්දකිනු ඇත. ඔවුහු යෙහෝවා දෙවිගේ මඟ පෙන්වීම් නොසලකාහැරියෝය. එබැවින් ඔවුන් තුළ කිසි ප්‍රඥාවක් තිබිය හැකිද?+ 10  මම ඔවුන්ගේ භාර්යාවන්ව වෙනත් මිනිසුන් අතට භාර දෙන්නෙමි. ඔවුන්ගේ ඉඩකඩම් අන් අයට අයිති කර දෙන්නෙමි.+ මා එසේ කරන්නේ ඔවුන් අතරේ සිටින ලොකු කුඩා සෑම කෙනෙක්ම අයුතු ලෙස වාසි ප්‍රයෝජන ලබාගන්නා නිසාය.+ අනාගතවක්තෘවරුන් හා පූජකයන් පවා සෙනඟව නොමඟ යවන නිසාය.+ 11  තුවාලයකට මතුපිටින් පමණක් බෙහෙත් දමන්නාක් මෙන් සාමය නැති විටදී පවා, ‘දැන් සාමය පැමිණ ඇත! සාමය පැමිණ ඇත’+ කියා මාගේ සෙනඟව බොරුවට සැනසවීමට ඔවුහු උත්සාහ කරති.+ 12  ඔවුන් කරන මේ පිළිකුල්සහගත ක්‍රියා ගැන ඔවුන්ට කිසි ලැජ්ජාවක් ඇති වීද?+ නැත. ඔවුන්ට ඒ ගැන කිසිම ලැජ්ජාවක් නොදැනෙයි. ලැජ්ජාව කියන්නේ කුමක්ද කියාවත් ඔවුහු නොදනිති.+ “‘එබැවින් මැරී වැටෙන අය අතරේ ඔවුහුද සිටිනු ඇත. ඔවුන් කළ දේවලට මා දඬුවම් කරන දවසේදී+ ඔවුන්ගේ වැටීම සිදු වන බව යෙහෝවා දෙවි වන මම පවසන්නෙමි.’”+ 13  “යෙහෝවා දෙවි මෙසේද පවසන්නේය. ‘අස්වැන්න නෙළන කාලයේදී මම ඔවුන්ව විනාශ කර දමන්නෙමි.+ ඒ කාලයේදී මිදිවැලේ පලදාවවත්+ අත්තික්කා ගසේ අත්තික්කා ගෙඩිවත් නොතිබෙයි. අතු ඉති සියල්ල වියළී යයි. මා ඔවුන්ට දුන් සියල්ල ඔවුන්ට අහිමි වෙයි.’” 14  “අපි මෙතැනට වී නිහඬව වාඩි වී සිටින්නේ කුමකටද? අපි එකට එකතු වී ආරක්ෂාව තර කර තිබෙන නුවරවලට ඇතුල් වී+ එහිදී මිය යමු. අපි යෙහෝවා දෙවිට විරුද්ධව පව් කළ නිසා ඔහු අපට විෂ මිශ්‍ර වතුර බීමට දුන්නේය.+ අපේ දෙවි යෙහෝවා අප පිටට විනාශයක් ගෙනෙන්න තීරණය කර ඇත.+ 15  සාමය ඇති වෙයි කියා අප බලාපොරොත්තුවෙන් සිටියත් එයින් කිසි පලක් වූයේ නැත.+ අප සහනයක් ලැබීමට ආශාවෙන් සිටියත් සිදු වූයේ ඉතා භයානක දෙයකි.+ 16  ඔහුගේ අශ්වයන්ගේ ශබ්දය දාන් දෙසින්+ ඇසෙන්නේය. උන්ගේ ඝෝෂාව නිසා මුළු දේශයම දෙදරුම් කන්නේය.+ සතුරෝ ඇවිත් මුළු දේශයම විනාශ කරන්නෝය. නගරයත් එහි වැසියන්වත් විනාශ කර දමන්නෝය.” 17  යෙහෝවා දෙවි මෙසේ පවසන්නේය. “කිසිම ආකාරයකින් මෙල්ල කළ නොහැකි+ විෂඝෝර සර්පයන්ව මම ඔබ අතරට එවන්නෙමි.+ උන් ඔබට දෂ්ට කරනු ඇත.” 18  සනසන්න බැරි තරමටම+ මාගේ සිත ශෝකයෙන් පිරී ඇත. 19  “යෙහෝවා දෙවි සියොන් නගරය අත්හැර ගොස් ඇද්ද?+ ඇගේ රජ්ජුරුවෝ දැන් එහි නැද්ද”+ කියා පවසමින් මාගේ සෙනඟ ඈත දේශයක සිට උපකාරය ඉල්ලා මොරගසන හඬ මට ඇසෙයි.+ “රූපවලටත් කිසි කමකට නැති වෙනත් දෙවිවරුන්ටත් නමස්කාර කර ඔවුන් මාව උදහස් කළේ ඇයි?”+ 20  “අස්වැන්න නෙළන කාලය ගෙවී ගොස් ඇත. ගිම්හානයද අවසන් වී ගියේය. නමුත් අපට තවමත් ගැලවීම ලැබී නැත.”+ 21  මාගේ සෙනඟගේ වැටීම+ දුටු විට මට මහත් වේදනාවක් දැනිණ.+ මම බොහෝ සෙයින් ශෝක වුණෙමි. එමෙන්ම මම පුදුමයට පත් වුණෙමි.+ 22  ගිලියද් දේශයේ බෝල්සම් තෛලය නැද්ද?+ එහි සුව කරන කිසිවෙකු නැද්ද?+ එසේනම් මාගේ සෙනඟ තවමත් සුවයක්+ ලබා නැත්තේ ඇයි?+

පාදසටහන්