යෙරෙමියා 40:1-16

40  ආරක්ෂක භටයන්ගේ ප්‍රධානියා වූ නෙබුෂරදාන්+ යෙරුසලමේ සහ යූදාහි වැසියන්ව වහලුන් ලෙස රැගෙන යද්දී යෙරෙමියාවද විලංගු දා රැගෙන ගියේය. නමුත් බැබිලෝනියට යන අතරතුර ඔහු යෙරෙමියාව රාමාහිදී+ නිදහස් කර හැරියේය.+ ඉන්පසු යෙහෝවා දෙවිගෙන් යෙරෙමියාට පණිවිඩයක් ලැබිණ.  ආරක්ෂක භටයන්ගේ ප්‍රධානියා යෙරෙමියාව නිදහස් කළ අවස්ථාවේදී ඔහුට මෙසේ කීවේය. “මේ ස්ථානයට සිදු වූ විපත ගැන ඔබේ දෙවි වන යෙහෝවා කලින් ප්‍රකාශ කළා.+  යෙහෝවා දෙවි තමන් ප්‍රකාශ කළ ඒ විපත්ති ගෙන ඒමට තීරණය කළේ ඔබේ සෙනඟ යෙහෝවා දෙවිට විරුද්ධව පව් කළ නිසයි. ඔවුන් ඔහුගේ හඬට අකීකරු වූ නිසයි.+  ඔබේ අත්වල දමා තිබෙන විලංගු ගලවා අද මම ඔබව නිදහස් කරනවා. ඔබ කැමති නම් මාත් සමඟ බැබිලෝනියට යන්න එන්න. එහිදී මම ඔබව රැකබලා ගන්නම්.+ නමුත් ඔබ බැබිලෝනියට යන්න අකමැති නම් මේ දේශයේ කැමති තැනකට ගොස් ජීවත් වෙන්න ඔබට නිදහස තිබෙනවා.”+  නමුත් යෙරෙමියා දෙගිඩියාවෙන් සිටින බව දුටු නෙබුෂරදාන් ඔහුට තවදුරටත් මෙසේ කීවේය. “යූදාහි නගරවල ඉතුරු වී සිටින සෙනඟව බලා කියා ගැනීමට බැබිලෝනියේ රජ ෂාපාන්ගේ පුත්‍රයා වූ+ අහිකාම්ගේ පුත්+ ගෙදලියාව+ පත් කර තිබෙනවා. ඔබ ගොස් ඔහු සමඟ ජීවත් වෙන්න. ඔබ ඊට අකමැති නම් ඔබ කැමති තැනකට ගොස් ජීවත් වෙන්න ඔබට නිදහස තිබෙනවා.”+ එසේ කී පසු ආරක්ෂක භටයන්ගේ ප්‍රධානියා යෙරෙමියාට ආහාරත් තෑග්ගකුත් දී යන්න හැරියේය.+  ඉන්පසු යෙරෙමියා මිෂ්පාහි+ සිටි අහිකාම්ගේ පුත්‍රයා වූ ගෙදලියා වෙතට ගියේය.+ දේශයේ ඉතුරුව සිටි සෙනඟ අතරේ වාසය කරමින් සිටි ගෙදලියා සමඟ යෙරෙමියාද ජීවත් විය.  බැබිලෝනියේ රජු විසින් අහිකාම්ගේ පුත් ගෙදලියාව දේශය බලා කියා ගැනීමටත් බැබිලෝනියේ වහල්භාවයට ගෙන නොගිය පුරුෂයන්වද ස්ත්‍රීන්වද දරුවන්වද දිලිඳු අයවද බලා කියා ගැනීමටත්+ පත් කර ඇති බව කලක් ගත වූ පසු පිටිසර පෙදෙස්වල විසිරී සිටි යූදාහි යුධ හමුදාවේ ප්‍රධානීන්ට+ හා ඔවුන්ගේ භට පිරිසට දැනගැනීමට ලැබිණ.  එබැවින් නෙතනියාගේ පුත්‍රයා වූ ඉෂ්මායෙල්ද+ කාරියාගේ පුත්‍රයන් වූ යෝහානාන්+ හා යොනාතාන්ද තන්හුමෙත්ගේ පුත්‍රයා වූ සෙරායාද නෙටොෆා ගමෙහි වැසියෙකු වූ ඒෆයිගේ පුත්‍රයෝද+ මයකා නගරයේ වැසියෙකුගේ පුත්‍රයෙකු වූ+ යෙෂනියාද+ ඔවුන්ගේ භට පිරිස්ද+ මිෂ්පා නගරයේ සිටි ගෙදලියා වෙතට ආවෝය.  එවිට ෂාපාන්ගේ පුත්‍රයා වූ+ අහිකාම්ගේ පුත්+ ගෙදලියා+ ඔවුන්ටත් ඔවුන් සමඟ පැමිණි භටයන්ටත් දිවුරා+ මෙසේ පැවසුවේය. “කල්දිවරුන්ට සේවය කරන්න භය වෙන්න එපා. මේ දේශයේ වාසය කරමින් බැබිලෝනියේ රජුට සේවය කරන්න. එසේ කළොත් ඔබට කිසි කරදරයක් වෙන්නේ නැහැ.+ 10  මම මිෂ්පා නගරයේම නැවතී සිටිනවා.+ එවිට මේ ස්ථානයට පැමිණෙන කල්දිවරුන් ඉදිරියේ සෙනඟ වෙනුවෙන් පෙනී සිටින්න මට පුළුවන්. නමුත් ඔබ වයින්ද+ තෙල්ද ගිම්හාන කාලයේ හැදෙන පලතුරුද* රැස් කරගෙන ඔබ අයිති කරගත් නගරවලට ගිහින් ජීවත් වෙන්න.” 11  බැබිලෝනියේ රජු, යූදා සෙනඟගෙන් යම් කොටසක් ඉතුරු කර ගිය බවත් ඔවුන්ව බලා කියා ගැනීමට ෂාපාන්ගේ පුත්‍රයා වූ අහිකාම්ගේ පුත් ගෙදලියාව පත් කළ බවත්+ මෝවබ් දේශයේද අම්මොන්වරුන් අතරේද ඒදොම් දේශයේද අනිකුත් දේශයන්වලද සිටි යුදෙව්වරුන්ට+ දැනගැනීමට ලැබිණ. 12  එබැවින් විවිධ දේශවලට විසිරී ගොස් සිටි යුදෙව්වරු නැවත යූදා දේශයට හැරී ඒමට පටන්ගත්තෝය. එසේ පැමිණි අය මිෂ්පා නගරයේ සිටි ගෙදලියාව හමු වීමට ගියෝය.+ වයින්ද ගිම්හාන කාලයේ හැදෙන පලතුරුද විශාල ප්‍රමාණයක් ඔවුහු එක් රැස් කළෝය. 13  කාරියාගේ පුත්‍රයා වූ+ යෝහානාන්ද+ පිටිසර පෙදෙස්වල විසිරී සිටි හමුදාවේ අනිකුත් ප්‍රධානීහුද+ මිෂ්පාහි සිටි ගෙදලියා වෙතට පැමිණ 14  ඔහුට මෙසේ කීවෝය. “අම්මොන්වරුන්ගේ රජු+ වන බාලිස් ඔබව මරා දැමීමට නෙතනියාගේ පුත්+ ඉෂ්මායෙල්ව+ එවූ බව ඔබ දන්නේ නැද්ද?” නමුත් ඔවුන් කී දේ අහිකාම්ගේ පුත් ගෙදලියා විශ්වාස නොකළේය.+ 15  කාරියාගේ පුත් යෝහානාන්+ මිෂ්පාහිදී ගෙදලියාට රහසින් මෙසේ කීවේය. “නෙතනියාගේ පුත් ඉෂ්මායෙල්ව මරා දමන්න මට අවසර දෙන්න. ඒ ගැන මම කාටවත් දැනගන්න ඉඩ තියන්නේ නැහැ.+ ඔහුව මැරුවේ නැත්නම් ඔහු ඔබව මරා දමයි. එහෙමවුණොත් ඔබ වෙතට එන යූදාහි වැසියන් නැවත සීසීකඩ විසිරී යයි. මේ දේශයේ ඉතුරු වූ යුදෙව්වන්වත් නැත්තටම නැති වී යන්න ඉඩ දෙන්න පුළුවන්ද?”+ 16  නමුත් අහිකාම්ගේ පුත්‍රයා වූ+ ගෙදලියා,+ “ඔබ ඉෂ්මායෙල් ගැන කියන දේවල් බොරු. ඒ නිසා ඔහුව මරන්න එපා”+ කියා කාරියාගේ පුත්‍රයා වූ යෝහානාන්ට කීවේය.

පාදසටහන්

මෙහි කතා කරන්නේ විශේෂයෙන් අත්තික්කා ගැනයි. සමහරවිට ඉඳිත් ඊට ඇතුළත් විය හැකියි.