යෙරෙමියා 14:1-22

14  නියං කාලය ගැන යෙහෝවා දෙවිගෙන් යෙරෙමියාට ලැබුණු පණිවිඩය මෙසේය.+  යූදා දේශය හඬා වැලපෙන්නේය.+ එහි දොරටු දිරාපත් වී+ පොළොවටම පහත් වී ඇත.+ වැලපීමේ හඬක් යෙරුසලමෙන් මට ඇසුණේය.+  උත්තමයෝ වතුර ගෙන ඒමට තරාතිරමෙන් අඩු අයව පිටත් කර යැව්වෝය.+ ඔවුහු භාජන රැගෙන වතුර වළවල් ළඟට ගියත් එහි වතුර නැති නිසා+ ආපසු හැරී ආවෝය. බලාපොරොත්තු සුන් වීමෙන් ලැජ්ජාවට පත් වූ ඔවුහු+ තම හිස් වසාගත්තෝය.+  දේශයට වර්ෂාව නොලැබුණු බැවින් පොළොව ඉරි තැළී ඇත.+ ගොවියෝ ලැජ්ජාවෙන් තම හිස් වසාගෙන සිටිති.+  තණබිම්වල ළපටි තණකොළ නැති නිසා මුවදෙන පවා උගේ අලුත උපන් පැටවාව අත්හැර ගියාය.  සීබ්‍රාවෝ+ පාළුවට ගිය හෙල් මත හිවලුන් මෙන් පිපාසිතව හති දමති. කෑමට තණකොළ නැති නිසා උන්ගේ දෑස් අඳුරු වී ඇත.+ එබැවින් උන් ගල් ගැසී බලා සිටිති.  යෙහෝවා දෙවියනි, අපි අනේක වාරයක් ඔබට ද්‍රෝහිව ක්‍රියා කළෙමු.+ ඔබට විරුද්ධව අපි පව් කළෙමු.+ අපේ වැරදි අපට විරුද්ධව සාක්ෂි දෙයි. නමුත් ඔබේ නාමය නිසා අපට පිහිට වෙන්න.+  ඊශ්‍රායෙල් සෙනඟගේ බලාපොරොත්තුව ඔබයි.+ විපත්තියේදී+ ඔවුන්ව ගලවන්නෙත් ඔබයි.+ එසේවුවත් දැන් ඔබ මේ දේශයට විදේශිකයෙකු ලෙසද රාත්‍රියක් ගත කිරීමට පැමිණි සංචාරකයෙකු ලෙසද සිටින්නේ මන්ද?+  ඔබ වියවුල් වූ මිනිසෙකු මෙන්ද තම සෙනඟව ගලවාගත නොහැකි බලවන්තයෙකු මෙන්ද සිටින්නේ මන්ද?+ නමුත් යෙහෝවා දෙවියනි, ඔබ සිටින්නේ අප සමඟය.+ අප ඔබේ නාමය දරන සෙනඟයි.+ අනේ, අපව අත් නොහරින්න. 10  යෙහෝවා දෙවි සෙනඟ ගැන මෙසේ පැවසුවේය. “ඔවුහු තමන් යන ගමන ගැන සොයා බලන්නේ නැතුව+ මහත් ආශාවෙන් ඒ මේ අත සැරිසැරුවෝය.+ යෙහෝවා දෙවි වන මම ඔවුන් ගැන කොහෙත්ම ප්‍රසන්න නැත.+ එබැවින් මම දැන් ඔවුන් කළ වැරදි සිහි කර ඔවුන්ට දඬුවම් කරමි.”+ 11  යෙහෝවා දෙවි මට මෙසේ පැවසුවේය. “මේ සෙනඟට යහපතක් වෙන්න කියා ඔබ ඔවුන් වෙනුවෙන් යාච්ඤා නොකරන්න.+ 12  ඔවුන් නිරාහාරව සිට මට කන්නලව් කළත් මම ඔවුන්ට ඇහුම්කන් නොදෙමි.+ ඔවුන් දවන පූජා හා ධාන්‍ය පූජා ඔප්පු කළත් මට ඉන් කිසි සතුටක් නොලැබේ.+ මම ඔවුන්ට කඩුවෙන්ද සාගතයෙන්ද වසංගතවලින්ද පහර දී ඔවුන්ව විනාශ කර දමන්නෙමි.”+ 13  එවිට මම මෙසේ කීවෙමි. “විශ්වයේ පාලකයා වන යෙහෝවා දෙවියනි, අනාගතවක්තෘවරු සෙනඟට මෙසේ කියති. ‘ඔබට විරුද්ධව කඩු ඔසවනු ලබන්නේ නැත. ඔබට සාගතවලට මුහුණ දීමට සිදු වෙන්නේ නැත. දෙවි ඔබට මේ දේශය තුළ සමාදානය ලබා දෙන්නේය.’”+ 14  යෙහෝවා දෙවි මට තවදුරටත් මෙසේ පැවසුවේය. “අනාගතවක්තෘවරු මාගේ නාමයෙන් බොරු අනාවැකි පවසති.+ මම ඔවුන්ව එව්වේවත් ඔවුන්ට එවැනි දේවල් කිරීමට අණ කළේවත් ඔවුන් සමඟ කතා කළේවත් නැත.+ ඔවුන් ඔබට ප්‍රකාශ කරන්නේ බොරු දර්ශනය.+ ඔවුහු පේන කියති. තම වංචනික සිතුවිලිවලට අනුව කිසි කමකට නැති අනාවැකි ඔබට ප්‍රකාශ කරති.+ 15  අනාවැකි කීමට මම ඔවුන්ව එව්වේ නැත. නමුත් මාගේ නාමයෙන් අනාවැකි කියමින්, කඩුවෙන් පහර කන්නේවත් දේශයට සාගතයක් පැමිණෙන්නේවත් නැත කියා පැවසූ ඒ අනාගතවක්තෘවරුන් සම්බන්ධයෙන් යෙහෝවා දෙවි වන මම මෙසේ පවසමි. ‘ඔවුහු කඩුවෙන් සහ සාගතයෙන් පහර කන්නෝය.+ 16  ඔවුන්ගේ අනාවැකි ඇසූ සෙනඟද කඩුවෙන් සහ සාගතයෙන් පහර කා, යෙරුසලමේ වීථිවල වැටී සිටින්නෝය. ඔවුන්වද ඔවුන්ගේ භාර්යාවන්වද ඔවුන්ගේ දූපුතුන්වද තැන්පත් කිරීමට කිසිවෙක් එහි නොසිටිනු ඇත.+ ඔවුන් කළ දුෂ්ටකම් නිසා ලැබිය යුතු නිසි දඬුවම මම ඔවුන්ට දෙන්නෙමි.’+ 17  “ඔබ ඔවුන්ට මේ දේත් ප්‍රකාශ කරන්න. ‘මාගේ දෑසින් රෑ දහවල් දෙකේම, නොනවත්වා කඳුළු ගලා ඒවා!+ මන්ද අවිවාහක තරුණියක මෙන් වූ මාගේ සෙනඟට බරපතළ පහරක් වැදී+ සුව කළ නොහැකි ලෙස තුවාල වී සිටියි.+ 18  බලන්න! මා කෙතට ගියොත් මට දකින්න ලැබෙන්නේ කඩුවෙන් මැරුම් කා වැටී සිටින අයවයි.+ මා නුවරට ඇතුල් වුණොත් මට පෙනෙන්නේ සාගතය නිසා රෝගීව සිටින අයවයි.+ අනාගතවක්තෘවරු සහ පූජකයෝ ඔවුන් නොදන්නා දේශයක ඒ මේ අත සැරිසරති.’”+ 19  ඔබ යූදා වැසියන්ව සම්පූර්ණයෙන්ම අත්හැරියෙහිද?+ සියොන් නුවරත් ඔබට පිළිකුලක් වීද?+ අපට සුවයක් නොලැබෙන තරමටම ඔබ අපට පහර දුන්නේ ඇයි?+ අපි සාමය ඇති වෙයි කියා බලාපොරොත්තුවෙන් සිටියෙමු. නමුත් ඉන් කිසිදු පලක් නොවීය. අපි සුවය ලැබීමට ආශාවෙන් සිටියෙමු. නමුත් සිදු වූයේ ඉතා භයානක දෙයකි.+ 20  යෙහෝවා දෙවියනි, අප කළ දුෂ්ටකම්ද අපේ මුතුන්මිත්තන් කළ වැරදිද අපි පිළිගනිමු.+ අපි සියලුදෙනාම ඔබට විරුද්ධව බොහෝ පව් කළෙමු.+ 21  දෙවියනි, අපව නොවටිනා අය ලෙස සලකා අපව අහක නොදමන්න. ඔබේ නාමය වෙනුවෙන් එසේ නොකරන්න.+ ඔබේ තේජවත් සිංහාසනය හෙළා නොදකින්න.+ දෙවියනි, මේ සියල්ල සිහි කර ඔබ අප සමඟ ඇති කරගත් ගිවිසුම කඩ නොකරන්න.+ 22  ජාතීන් නමස්කාර කරන බොරු දෙවිවරුන් අතරේ+ වර්ෂාව ගෙන ඒමට හැකි කෙනෙකු සිටිනවාද? නැත්නම් මහා වර්ෂාවක් ගෙන ඒමට අහසට පුළුවන්ද?+ යෙහෝවා දෙවියනි, මේ සියල්ල කළ හැකි එකම තැනැත්තා ඔබයි.+ ඔබට මේ සියල්ල කළ හැකි නිසා අපි ඔබ කෙරෙහි බලාපොරොත්තුවෙන් සිටින්නෙමු.+

පාදසටහන්