මාක් 2:1-28

2  කෙසේවෙතත් ඔහු දවස් කිහිපයකට පසු නැවත කපර්ණවුමට පැමිණියේය. ඔහු නැවතී සිටි නිවසට නැවත පැමිණි බව+ සියල්ලන්ට ආරංචි වූ නිසා,  ඒ නිවසට බොහෝදෙනෙක් රැස් වූහ. කොතරම් සෙනඟක් රැස්ව සිටියාද කිවහොත් නිවස තුළත් දොරකඩ අසලත් කිසිම ඉඩකඩක් නොතිබිණ. ඔහු ඔවුන් සියලුදෙනාට ශුභාරංචිය+ ගැන දේශනා කළේය.  ඒ අතරේදී හතරදෙනෙකු විසින් උසුලාගෙන ආ අංශභාග රෝගියෙකු+ සමඟ මිනිසුන් පිරිසක් ඔහු වෙතට ආවෝය.  නමුත් විශාල සමූහයක් රැස්ව සිටි නිසා ඔහුව යේසුස් ළඟටම ගෙන එන්න ඔවුන්ට නොහැකි විය. ඒ නිසා ඔවුහු යේසුස් සිටි තැනට ඉහළින් වහලෙන් කොටසක් ඉවත් කර එතැනින් අංශභාග රෝගියා සිටි ඇඳ පහත් කළෝය.+  යේසුස් ඔවුන්ගේ විශ්වාසය+ දැක, “පුතේ, දැන් ඔබේ පව්වලට සමාව ලැබී තිබෙනවා”+ කියා අංශභාග රෝගියාට කීවේය.  එතැන ඉඳගෙන සිටි නීතිය පිටපත් කරන්නන්ගෙන් සමහරෙක් මෙසේ සිතූහ.+  “මේ මිනිසා මේ විදිහට කතා කරන්නේ ඇයි? ඔහු කරන්නේ දේවඅපහාසයක්. පව්වලට සමාව දෙන්න පුළුවන් දෙවිට මිස+ වෙන කාටද?”  නමුත් ඔවුන් සිතන ආකාරය යේසුස්ට විගස අවබෝධ වී ඔවුන්ගෙන් මෙසේ ඇසුවේය. “ඔබ එසේ සිතන්නේ ඇයි?+  වඩා පහසු කුමක්ද? අංශභාග රෝගියාට, ‘ඔබේ පව්වලට සමාව ලැබී තිබෙනවා’ කියා පැවසීමද නැතහොත්, ‘නැඟිට, ඔබේ ඇඳ රැගෙන ඇවිදින්න’ කියා පැවසීමද?+ 10  මනුෂ්‍ය පුත්‍රයාට+ මේ පොළොවෙහි පව්වලට සමාව දෙන්න බලය තිබෙන බව+ ඔබ දැනගත යුතුයි. . . .” ඉන්පසු ඔහු අංශභාග රෝගියාට මෙසේ කීවේය. 11  “නැඟිට, ඔබේ ඇඳ රැගෙන ගෙදර යන්න.”+ 12  එවිට ඔහු විගස නැඟිට, තම ඇඳ රැගෙන සියලුදෙනා ඉදිරියෙහි ඇවිදගෙන පිටත්ව ගියේය.+ එය දුටු සියල්ලෝම අතිශයින් පුදුමයට පත් වී, “මේ වගේ දෙයක් නම් අපි කවදාවත් දැකලා නැහැ”+ කියා පවසමින් දෙවිට ප්‍රශංසා කළෝය. 13  තවත් අවස්ථාවකදී ඔහු ගලීල මුහුද අසලට ගියේය. විශාල සමූහයක් ඔහු වෙතට පැමිණි අතර ඔහු ඔවුන්ට උගන්වන්න පටන්ගත්තේය. 14  ඔහු පිටත්ව යද්දී අල්ෆෙවුස්ගේ පුත් ලෙවී+ බදු එකතු කිරීමේ කාර්යාලයේ ඉඳගෙන සිටිනවා දැක, “මගේ අනුගාමිකයෙක් වන්න” කියා ඔහුට කීවේය. ඔහු නැඟිට, යේසුස් අනුව ගියේය.*+ 15  පසු අවස්ථාවකදී යේසුස් තම ගෝලයන් සමඟ ලෙවීගේ නිවසෙහි කෑමකට ඉඳගෙන සිටියදී, බදු එකතු කරන්නන්+ සහ පව්කාරයන් බොහෝදෙනෙක් ඔවුන් සමඟ කෑමට ඉඳගත්හ. ඔවුන්ගෙන් බොහෝදෙනෙක් එතැන් සිට ඔහුගේ අනුගාමිකයන් බවට පත් වූහ.+ 16  නමුත් ඔහු පව්කාරයන් සහ බදු එකතු කරන්නන් සමඟ කෑම කනවා දුටු පරිසිවරුන්ගේ* නිකායට අයත් නීතිය පිටපත් කරන්නන් කිහිපදෙනෙක් ඔහුගේ ගෝලයන්ගෙන් මෙසේ ඇසූහ. “ඔහු බදු එකතු කරන්නන් හා පව්කාරයන් සමඟත් කෑම කනවාද?”+ 17  යේසුස්ට එය ඇසී, “වෛද්‍යවරයෙක් අවශ්‍ය වෙන්නේ රෝගීන්ටයි. නිරෝගී අයට වෛද්‍යවරයෙකුගෙන් වැඩක් නැහැ. මම ආවේ ධර්මිෂ්ඨයන්ට උපකාර කරන්න නොවෙයි. පව්කාරයන්ට උපකාර කරන්නයි”+ කියා ඔවුන්ට කීවේය. 18  යොහන්ගේ ගෝලයනුත් පරිසිවරුනුත් සිරිතක් ලෙස නිරාහාරව සිටියහ. දිනක් පිරිසක් ඇවිත් ඔහුගෙන් මෙසේ ඇසූහ. “යොහන්ගේ ගෝලයනුත් පරිසිවරුන්ගේ ගෝලයනුත් සිරිතක් හැටියට නිරාහාරව සිටිනවා. ඒත් ඇයි ඔබේ ගෝලයන් එහෙම කරන්නේ නැත්තේ?”+ 19  යේසුස් ඔවුන්ට මෙසේ කීවේය. “මනාලයා තමන් සමඟ සිටින විට මනාලයාගේ මිතුරන් නිරාහාරව සිටිය යුතුද?+ මනාලයා ඔවුන් සමඟ සිටින තුරු ඔවුන්ට නිරාහාරව සිටින්න බැහැ.+ 20  නමුත් මනාලයාව ඔවුන්ගෙන් වෙන් කරනු ලබන දවස පැමිණෙයි. ඒ දවසේදී ඔවුන් නිරාහාරව සිටියි.+ 21  කිසි කෙනෙක් අලුත් රෙදි කැබැල්ලක් තබා පරණ වස්ත්‍රයක ඉරුණු තැනක් මහන්නේ නැහැ. එවැනි දෙයක් කළොත් ඒ අලුත් රෙදි කැබැල්ල වඩා ශක්තිමත් නිසා එය වස්ත්‍රයෙන් ඇදී, ඉරුම තවත් වැඩි වෙයි.+ 22  ඒ වගේම කිසි කෙනෙක් අලුත් වයින් පරණ සම් භාජනවලට දමන්නෙත් නැහැ. එසේ කළොත් ඒ සම් භාජන පැළී යයි. එවිට වයින් ඉහිරී යන අතර සම් භාජනද නාස්ති වී යයි.+ අලුත් වයින් දමන්නේ අලුත් සම් භාජනවලටයි.”+ 23  තවත් අවස්ථාවක සබත් දවසකදී ඔහු ධාන්‍ය කෙත් මැදින් ගමන් කරමින් සිටියේය. ඔහු සමඟ ගිය ඔහුගේ ගෝලයෝ ධාන්‍ය කරල්+ කඩමින්+ ගියහ. 24  එහෙයින් පරිසිවරු, “මේ බලන්න ඔවුන් කරන දේ! ඔවුන් කරන්නේ සබත් දවසේදී කිරීමට තහනම් දෙයක්!+ ඔවුන් එහෙම දෙයක් කරන්නේ ඇයි” කියා ඔහුගෙන් ඇසූහ. 25  ඔහු ඔවුන්ට මෙසේ කීවේය. “දාවිත්,+ තමාටත් තමා සමඟ සිටි මිනිසුන්ටත් කෑමට කිසිවක් නැතුව බඩගිනි වූ විට කළ දේ+ ඔබ කවදාවත් කියවා නැද්ද? 26  ඒ අවස්ථාවේදී දෙවිගේ ගෘහයේ නායක පූජකයා හැටියට සිටියේ අබියාතර්.+ ඔහු ගැන සඳහන් කර ඇති වාර්තාවට අනුව දාවිත් දෙවිගේ ගෘහයට ඇතුල් වී, පූජකයන්ට මිස වෙන කිසිවෙකුට කෑමට අවසර නොතිබුණු+ පිදීමේ රොටි+ කා, ඔහු සමඟ සිටි මිනිසුන්ටත් ඉන් කොටසක් දුන්නා.”+ 27  ඔහු ඔවුන්ට මෙසේද කීවේය. “දෙවි සබත් දවස ඇති කළේ මිනිසාගේ ප්‍රයෝජනයටයි.+ එසේ නැතුව සබත් දවස මාර්ගයෙන් මිනිසාව බැඳ තබන්න නොවෙයි.+ 28  ඇත්තෙන්ම සබත් දවස පවතින්නේ මනුෂ්‍ය පුත්‍රයාගේ බලය යටතේයි.”+

පාදසටහන්

“අනුව” යන්න භාවිත කර තිබෙන්නේ ඔවුන් ඔහුගේ අනුගාමිකයන් වූ බව දැක්වීමටයි.
යේසුස්ගේ කාලයේ සිටි ප්‍රසිද්ධ ආගමික නායකයන් පිරිසකි.