නෙහෙමියා 2:1-20

2  අර්තක්ෂස්තා+ රජ්ජුරුවන්ගේ පාලන සමයේ විසිවන+ අවුරුද්දේ නීසාන්+ මාසයේ එක්තරා දිනයකදී, රජ්ජුරුවන්ට වයින් බීමට ආශාවක් ඇති විය. මමද සුපුරුදු පරිදි වයින් රැගෙන ගොස් එතුමාට පිළිගැන්වූවෙමි.+ නමුත් එදින මා ඔහු වෙත ගියේ මහත් දුකකිනි. මින් පෙර කිසිදාක මම එසේ ඔහු ඉදිරියට ගොස් නැත.+  මාගේ වෙනස දුටු රජ මට මෙසේ පැවසීය. “ඔබට අසනීපයක් නැති බව නම් මම දන්නවා. ඒත් ඇයි ඔබ දුකින් සිටින්නේ?+ මොනවා හරි ප්‍රශ්නයක්ද? නැත්නම් යම් කාරණයක් නිසා ඔබ කලකිරී සිටිනවාද?”+ ඒ වචන ඇසූ මා තුළ ඇති වූයේ ඉමහත් බියකි.  මම රජ්ජුරුවන්ට මෙසේ පැවසුවෙමි. “රජ්ජුරුවනි, ඔබ සදහටම ජීවත් වේවා!+ මා දුකින් සිටින්නේ මාගේ මුතුන්මිත්තන් සැතපී සිටින+ නුවරට+ සිදු වී ඇති දේ නිසයි. එය විනාශ වෙලා. එහි දොරටු ගින්නෙන් පිලිස්සී ගිහින්.”+  රජ මට මෙසේ පිළිතුරු දුන්නේය. “ඉතින් ඔබට මගෙන් මොනවාද කෙරෙන්න ඕනේ?”+ ඒ මොහොතේම මම ස්වර්ගයේ සිටින දෙවිට+ යාච්ඤා කර,+  රජ්ජුරුවන්ට මෙසේ කීවෙමි. “අවසරයි රජතුමනි, මට ඔබතුමාගේ කරුණාව ලැබේවා!+ මාගේ මුතුන්මිත්තන් සැතපී සිටින නුවර පිහිටා ඇති යූදා පළාතට යන්න මට අවසර දෙනවාද? ඔබ මට අවසර දුන්නොත්+ මට පුළුවන් එහි ගොස් ඒ නුවර නැවත ගොඩනඟන්න.”+  ඒ අවස්ථාවේදී රජ්ජුරුවන් සමඟ රැජිනද සිටියාය. රජ මාගෙන් මෙසේ ඇසීය. “මම ඔබට අවසර දුන්නොත් ඔබට ඒ ගමන යන්න කොතරම් කාලයක් ගත වෙයිද? නැවත ඔබට මෙහි පැමිණිය හැක්කේ කවදාද?” මා ඔහුට ඒ තොරතුරු පැහැදිලි කළ විට+ රජ මට යන්න අවසර දුන්නේය.+  මම රජ්ජුරුවන්ට තවදුරටත් මෙසේ පැවසුවෙමි. “රජතුමනි, මහ ගඟෙන්*+ එගොඩ සිටින ආණ්ඩුකාරයන්ට+ පෙන්වන්න මට ලිපි+ කිහිපයක් ලබා දීම නුවණට හුරු දෙයක් කියා ඔබතුමාට පෙනේ නම් ඒ දේ ලබා දෙන ලෙසද මම බැගෑපත්ව ඔබෙන් ඉල්ලා සිටිනවා. එවිට ඒ ලිපි පෙන්වා යූදා පළාතට යන්න මට අවසර ලබාගත හැකි වෙයි.  ඒ වගේම දේවමාලිගාවේ+ බලකොටුවේ*+ දොරටු සඳහාත් නුවරේ පවුරු+ සඳහාත් මට පදිංචි වීමට නිවසක් තැනීම සඳහාත් යම් දැව ප්‍රමාණයක් අවශ්‍යයි. ඔබතුමාට අයිති වනාන්තරයේ භාරකරු වන ආසාෆ්ට ඒ ගැන සඳහන් කර ලිපියක් පිළියෙල කර දෙන මෙන්ද මම ඔබෙන් ඉල්ලා සිටිනවා.” මට දෙවිගේ ආශීර්වාද ලැබුණු නිසා රජ මට මේ සියල්ල සඳහා අවසර දුන්නේය.+  මා සමඟ ඒ ගමන යෑම සඳහා හමුදාපතීන් හා අසරුවන් කිහිපදෙනෙකුව රජ මට ලබා දුන්නේය. දින කිහිපයකින් පසු මම මහ ගඟෙන් එගොඩ සිටි ආණ්ඩුකාරයන්ව+ හමු වී, රජ්ජුරුවන් සකස් කළ ලිපි ඔවුන්ට ලබා දුන්නෙමි. 10  යම් කෙනෙක් ඊශ්‍රායෙල්වරුන්ට උදව් කරන්න පැමිණ සිටි බව හෝරොන්හි වැසියෙකු+ වූ සන්බලට්ට+ සහ අම්මොන් ජාතික+ නිලධාරියෙකු වූ ටොබියාට+ ආරංචි වූ විට ඔවුහු කලබල වූහ.+ 11  කල් යත්ම යෙරුසලමට පැමිණි මම එහි දින තුනක් ගත කළෙමි. 12  ඉන්පසුව මම රාත්‍රියේ නැඟිට මිනිසුන් කිහිපදෙනෙකු සමඟ එළිමහනට ගියෙමි. එහෙත් යෙරුසලම+ වෙනුවෙන් කළ යුතු දේ ගැන මාගේ දෙවි මට දුන් මඟ පෙන්වීම් මම කිසිවෙකුටවත් පැවසුවේ නැත.+ ඒ අවස්ථාවේදී මා නැඟ ගිය බූරුවාව මිස වෙන කිසි සතෙකුව අපි රැගෙන ගියේ නැත. 13  මම යෙරුසලමෙහි පවුරු+ වටා ගොස් ඒවා කැඩී බිඳී තිබූ ස්ථානත් ගින්නෙන් විනාශ වී තිබූ එහි දොරටුත්+ සෝදිසි කර බැලුවෙමි. ඒ සඳහා මම නිම්න දොරටුවෙන්+ පිටත්ව ගොස් මහ සර්ප පොකුණත්* කසළ දොරටුවත්*+ පසු කරගෙන ගියෙමි. 14  මම උල්පත් දොරටුව+ ළඟටත් රාජකීය පොකුණ ළඟටත් ගියෙමි. එහෙත් මා නැඟ ගිය බූරුවාට එතැනින් එහාට යන්න තරම් එහි ඉඩ තිබුණේ නැත. 15  ඒ රාත්‍රියේ මම නිම්නය+ හරහා යමින් පවුරුද සෝදිසි කර බැලුවෙමි. ඒ කාර්යය නිම කළායින් පසු මම නිම්න දොරටුවෙන්+ නැවත නුවරට ඇතුල් වුණෙමි. 16  මා ගියේ කොතැනකටද කියාවත් මා කළේ කුමක්ද කියාවත් එහි පත් කරනු ලැබූ නිලධාරීහු+ දැන සිටියේ නැත. යුදෙව්වන්ටවත් පූජකයන්ටවත් වංශවත් අයටවත් නිලධාරීන්ටවත් මම ඒ ගැන කිසිවක් පවසා තිබුණේ නැත. 17  අන්තිමේදී මම ඔවුන්ට මෙසේ පැවසුවෙමි. “අප කොතරම් අසරණව සිටිනවාද කියා ඔබ සියලුදෙනා හොඳින් දන්නවා. බලන්න, යෙරුසලම විනාශ වී තිබෙන ආකාරය! එහි දොරටු පවා ගින්නෙන් පුලුස්සලා. එය අපිට මොන තරම් නින්දාවක්ද!+ අපි මේ ගැන මොනවා හරි කළ යුතුයි. අපි සියලුදෙනාම එකතු වී යෙරුසලමේ පවුරු නැවත ගොඩනඟමු.” 18  ඉන්පසුව මාගේ දෙවිගේ ආශීර්වාදය+ මට තිබුණු බවත්+ මට රජ්ජුරුවන්ගේ අවසරය+ තිබුණු බවත් මම ඔවුන්ට පැහැදිලි කර දුන්නෙමි. ඒ දේවල් ඇසූ ඔවුන් තුළ මේ වැදගත් කාර්යය කිරීමට මහත් ධෛර්යයක් ඇති විය.+ එමනිසා සියලුදෙනා එක හඬින්, “අපි එකතු වී පවුරු නැවත ගොඩනඟමු” කියා පැවසූහ. 19  හෝරොන්හි වැසියෙකු වූ සන්බලට්ටත්+ අම්මොන්+ ජාතික නිලධාරියෙකු+ වූ ටොබියාටත්+ අරාබි+ ජාතිකයෙකු වූ ගෙෂෙම්ටත්+ අප කරන්න යන දේ ගැන ආරංචි වූ විට ඔවුහු අපට නින්දා කරන්න පටන්ගත්තෝය.+ එසේම, “ඔබ මොනවාද මේ කරන්නේ? ඔබ රජ්ජුරුවන්ට විරුද්ධව කැරලිගසන්නද හදන්නේ”+ කියා ඔවුහු අපෙන් ඇසූහ. 20  නමුත් මම ඔවුන්ට මෙසේ පිළිතුරු දුන්නෙමි. “ස්වර්ගයේ සිටින දෙවි+ අපේ උපකාරයට සිටින නිසා අපි කරන මේ කාර්යය අනිවාර්යයෙන්ම සාර්ථක වෙනවා.+ ඒ ගැන අපිට සැකයක් නැහැ. අපි මේ කාර්යය කරනවාමයි. නමුත් මෙය මතක තබාගන්න. යෙරුසලමෙහි ඔබේ නම සිහි වෙන්න+ තරම් ඔබ කිසිම දෙයක් කරලා නැහැ. ඔබෙන් එක් කෙනෙකුටවත් යෙරුසලමෙහි අයිතිවාසිකමක්වත් උරුමයක්වත් නැහැ.”+

පාදසටහන්

එස්රා 4:9හි පාදසටහන බලන්න.
මෙය නැවත ගොඩනඟනු ලැබූ දේවමාලිගාවට උතුරින් පිහිටා තිබිණ.
මෙය ඒන්-රොගෙල් කියා හැඳින්වූ දිය උල්පත විය හැකියි.
සෙප්ටුඅජින්ට් සහ ලතින් වල්ගේට් පරිවර්තනවල, “ගොම දොරටුව” ලෙස සඳහන් වේ.