නික්මයාම 36:1-38

36  “යෙහෝවා දෙවි සෑදීමට අණ කළ මේ සියලු දේවල් දෙවි දුන් සැලැස්මට අනුව සෑදිය යුතුයි.+ මන්ද යෙහෝවා දෙවි බෙසලෙල්ටද ඔහොලියාබ්ටද+ අන් සියලු දක්ෂ මිනිසුන්ටද ශුද්ධ කූඩාරම සෑදීම සඳහා අවශ්‍ය ප්‍රඥාව+ හා තේරුම්ගැනීමේ හැකියාව+ ලබා දී තිබෙනවා.”  මෝසෙස්, බෙසලෙල්වද ඔහොලියාබ්වද යෙහෝවා දෙවි ප්‍රඥාව දුන් අනික් සියලුම දක්ෂ පුරුෂයන්වද තමා වෙතට කැඳෙව්වේය.+ ඒ සියලුදෙනා කැමැත්තෙන්ම වැඩ කිරීමට ඉදිරිපත් වූහ.+  ඔවුහු ඊශ්‍රායෙල් සෙනඟ ශුද්ධ කූඩාරමේ වැඩ සඳහා ගෙනා සම්මාදම්+ මෝසෙස්ගෙන් ඉල්ලාගෙන වැඩකටයුතු ආරම්භ කළෝය. ඉන්පසුවත් ඊශ්‍රායෙල් සෙනඟ දිගින් දිගටම සම්මාදම් ගෙනාවෝය. සෙනඟ සෑම උදෑසනකම කැමැත්තෙන්ම මෝසෙස්ට සම්මාදම් ගෙනැවිත් දුන්නෝය.  පරිශුද්ධ සේවය සඳහා අවශ්‍ය කරන දේවල් සාදමින් සිටි දක්ෂ මනුෂ්‍යයෝ තමන්ගේ වැඩ නතර කර  මෝසෙස් ළඟට පැමිණ මෙසේ කීවෝය. “යෙහෝවා දෙවි සාදන්න කියා පැවසූ දේවල් සඳහා සෙනඟ අවශ්‍ය ප්‍රමාණයටත් වඩා වැඩියෙන් ද්‍රව්‍ය ගෙනැවිත් තිබෙනවා.”  එහෙයින් මෝසෙස් කඳවුරේ සිටි සියලුදෙනාටම මෙසේ දන්වන්න කියා කීවේය. “සෙනඟෙනි, ශුද්ධ කූඩාරමේ වැඩ සඳහා තවත් සම්මාදම් ගෙනෙන්න එපා.” මෙලෙස සම්මාදම් ගෙන ඒමෙන් සෙනඟව වළක්වනු ලැබීය.  මන්ද ඔවුහු අවශ්‍ය ප්‍රමාණයටත් වඩා වැඩියෙන් සම්මාදම් ගෙනාවෝය.  වැඩවලට දක්ෂ+ සියල්ලෝ සම්මුඛ වීමේ කූඩාරම+ සහ එහි රෙදි තිර දහය සෑදුවෝය. රෙදි තිර දහය සාදන පිණිස ඔවුහු සිහින්ව කටින ලද ලිනන් නූල්ද නිල් පැහැති නූල්ද රත්නිල් පැහැගැන්වූ ලොම්ද තද රතු පැහැති නූල්ද භාවිත කළෝය. කෙරුබ්වරුන්ගේ රූපද එම රෙදි තිරවල මැසුවෝය. බෙසලෙල් ඒ වැඩ සියල්ල අධීක්ෂණය කළේය.  සෑම රෙදි තිරයක්ම සාදන ලද්දේ එකම ප්‍රමාණයටය. ඒවායේ දිග රියන් විසිඅටක් හා පළල රියන් හතරක් විය. 10  ඔහු රෙදි තිර පහක් එකිනෙකට මූට්ටු කර එක් විශාල රෙද්දක් සෑදුවේය.+ අනික් රෙදි තිර පහද එකිනෙකට මූට්ටු කර තවත් විශාල රෙද්දක් සෑදුවේය. 11  ඉන්පසු ඔහු මූට්ටු කළ ඒ එක් විශාල රෙද්දක අවසාන රෙදි තිරයේ වාටිය දිගේ නිල් පැහැති නූල්වලින් මුදු මැසුවේය. අනික් විශාල රෙද්දේ අවසාන රෙදි තිරයේද ඔහු එලෙසම මුදු මැසුවේය.+ 12  විශාල රෙදි දෙකේම ඇති වාටිය දිගේ එකිනෙකට සමාන්තරව මුදු පනහ බැගින් ඔහු මැසුවේය.+ 13  අවසානයේදී ඔහු රන් කොකු පනහක් සාදා කොකුවලින් රෙදි දෙක එකිනෙකට සම්බන්ධ කළේය. මෙසේ රෙදි දෙක එකිනෙකට සම්බන්ධ කර ශුද්ධ කූඩාරම වැසීම සඳහා තනි රෙද්දක් ලෙස එය සෑදුවේය.+ 14  ඉන්පසු කූඩාරමට දමන එම පළමු රෙද්දට උඩින් දැමීමට ඔහු තවත් ආවරණයක් සෑදුවේය. ඒ සඳහා ඔහු එළු රෝමවලින් සෑදූ තිර එකොළහක් යොදාගත්තේය.+ 15  එම තිර එකොළහම එකම ප්‍රමාණයට සෑදුවේය. එක් තිරයක දිග රියන් තිහක් හා පළල රියන් හතරක් විය.+ 16  ඔහු තිර පහක් එකිනෙකට මූට්ටු කර එක් විශාල ආවරණයක් සෑදුවේය. අනික් හයද එකිනෙකට මූට්ටු කර තවත් විශාල ආවරණයක් සෑදුවේය.+ 17  ඉන්පසු ඔහු එම විශාල ආවරණයේ කෙළවරේ වාටිය දිගේ මුදු පනහක් මැසුවේය. අනික් ආවරණයේ වාටිය දිගේද එලෙසම මුදු මැසුවේය.+ 18  ආවරණ දෙක එකිනෙකට සම්බන්ධ කර එක් රෙද්දක් සාදන පිණිස ඔහු තඹ කොකු පනහක් සෑදුවේය.+ 19  කූඩාරම වැසීම සඳහා රතු සායම් දැමූ බැටළු හම්වලින් තවත් ආවරණයක්ද ඊට උඩින්+ දැමීම සඳහා සීල් මත්ස්‍යයන්ගේ හම්වලින්+ තවත් ආවරණයක්ද ඔහු සෑදුවේය. 20  පසුව ෂිටිම් ලීවලින්+ ඔහු කූඩාරම සඳහා රාමු සාදා ඒවා කෙළින් සිටෙව්වේය. 21  එක් රාමුවක දිග රියන් දහයක්ද පළල රියන් එකහමාරක්ද විය.+ 22  ඔහු ඒවා සඳහා ලී ඇණ දෙක බැගින් සෑදුවේය. එම ලී ඇණවල පිහිටීම එකිනෙකට සමාන්තරව තිබිණ. කූඩාරමේ සෑම රාමුවක්ම ඔහු එලෙස සෑදුවේය.+ 23  නෙගෙබ් වෙතට මුහුණ ලා තිබෙන කූඩාරමේ දකුණු පැත්ත සඳහා ඔහු රාමු විස්සක් සෑදුවේය.+ 24  ඔහු එක් රාමුවක් අනික් රාමුව ළඟ කෙළින් සිටුවා ඒවා පොළොවේ රැඳෙව්වේය. රාමුවල තිබෙන ලී ඇණ පොළොවට සවි කරන පිණිස ඔහු රිදී අඩි හතළිහක්ද සෑදුවේය. ඒ සෑම රාමුවකටම අඩි දෙක බැගින් තිබිණ.+ 25  කූඩාරමේ උතුරු පැත්ත සඳහා ඔහු තවත් රාමු විස්සක් සෑදුවේය.+ 26  ඒ එක් එක් රාමුව එක ළඟ සිටෙව්වේය. රාමු පොළොවේ රඳවන පිණිස ඔහු රිදී අඩි හතළිහක්ද සෑදුවේය. ඒ සෑම රාමුවකටම අඩි දෙක බැගින් තිබිණ.+ 27  කූඩාරමේ බස්නාහිර පැත්ත එනම්, එහි පිටුපස කොටස සඳහාද ඔහු රාමු හයක් සෑදුවේය.+ 28  කූඩාරමේ පිටුපස පැත්තේ දෙකෙළවරේ ආධාරක කණු ලෙස තැබීම සඳහා ඔහු තවත් රාමු දෙකක් සෑදුවේය.+ 29  එක් රාමුවක් එකිනෙකට සමාන වූ ලෑලි දෙකකින් සාදා තිබුණු අතර එහි මුදුන එකිනෙකට සම්බන්ධ කර තිබිණ. එය එසේ සම්බන්ධ කර තිබුණේ කූඩාරමේ පළමු වළල්ල තිබෙන ස්ථානයේදීය. රාමු දෙකම එයාකාරයට සාදා තිබුණු අතර එම රාමු දෙක කූඩාරමේ ආධාරක කණු ලෙස සවි කර තිබිණ.+ 30  මෙසේ, කූඩාරමේ පිටුපස කොටස සඳහා රාමු අටක් තිබිණ. ඒ එක් එක් රාමුව එක ළඟ සිටුවා තිබිණ. රාමු පොළොවේ රඳවන පිණිස ඔහු රිදී අඩි දහසයක් සෑදුවේය. සෑම රාමුවකටම අඩි දෙක බැගින් තිබිණ.+ 31  රාමු එකිනෙකට සම්බන්ධ කරන පිණිස ඔහු ෂිටිම් ලීවලින් පොලු සෑදුවේය. කූඩාරමේ එක් පැත්තක තිබෙන රාමු සවි කිරීම සඳහා පොලු පහක් සෑදුවේය.+ 32  කූඩාරමේ අනික් පැත්තේ තිබෙන රාමු සවි කිරීම සඳහාද ඔහු පොලු පහක් සෑදුවේය. කූඩාරමේ බස්නාහිර පැත්ත එනම්, එහි පිටුපස කොටස සඳහා තවත් පොලු පහක් සෑදුවේය.+ 33  ඉන්පසු ඔහු රාමුවේ හරි මැද්දෙන් යවන පොල්ලද සෑදුවේය. එය එක් කෙළවරක සිට අනික් කෙළවර දක්වාම තිබෙන ආකාරයෙන් සාදා තිබිණ.+ 34  සෑම රාමුවක්ම හා ඒවා එකිනෙකට සම්බන්ධ කරන පොලුද ඔහු රනින් ආලේප කළේය. ඔහු ඒ පොලු දැමීම සඳහා රනින් වළලු සාදා රාමු මත සවි කළේය.+ 35  නිල් පැහැති නූල්වලින්, රත්නිල් පැහැගැන්වූ ලොම්වලින්, තද රතු පැහැති රෙදිවලින් හා සිහින්ව කටින ලද ලිනන් නූල් යොදාගෙන ඔහු තවත් තිර රෙද්දක්+ සාදා එහි කෙරුබ්වරුන්ගේ+ රූප මැසුවේය. 36  පසුව ෂිටිම් ලීවලින් කණු හතරක් සාදා ඒවා රනින් ආලේප කර රිදී අඩි හතරකින් ඒවා පොළොවේ රඳවා තැබුවේය. තිර රෙද්ද එල්ලීම සඳහා ඔහු කණු මත රන් ඇණ සවි කළේය.+ 37  කූඩාරමට ඇතුල් වන ස්ථානය සඳහා නිල් පැහැති නූල්වලින්ද රත්නිල් පැහැගැන්වූ ලොම්වලින්ද තද රතු පැහැති නූල්වලින්ද සිහින්ව කටින ලද ලිනන් නූල්වලින්ද තිරයක් වියන ලදි.+ 38  තිරය එල්ලීම සඳහා ඔහු කණු පහක්ද ඇණද සාදා ඒවා රනින් ආලේප කළේය. ඒවා පොළොවේ රඳවන පිණිස තඹ අඩි පහක්ද සෑදුවේය.+

පාදසටහන්