නික්මයාම 22:1-31

22  “යමෙකු ගවයෙකුව හෝ බැටළුවෙකුව හෝ සොරකම් කර ඌව මැරුවොත් නැතහොත් ඌව විකුණුවොත් ඔහු අයිතිකරුට වන්දියක් ගෙවිය යුතුයි. ඔහු ගවයෙකු වෙනුවෙන් ගවයන් පස්දෙනෙකුවද බැටළුවෙකු වෙනුවෙන් බැටළුවන් හතරදෙනෙකුවද වන්දිය වශයෙන් දිය යුතුයි.+  (“සොරෙකු+ ගෙයක් බිඳින අතරතුරදී+ ඔහුට පහර දී ඔහු මිය ගියොත් පහර දුන් තැනැත්තා ඔහුගේ ලේවලට වග කිව යුතු නැත.+  නමුත් සොරාට පහර දුන්නේ එළිය තිබියදී නම් පහර දුන් තැනැත්තා ඔහුගේ ලේවලට වග කිව යුතුයි.) “සොරෙකු තමා සොරකම් කළ දේ වෙනුවෙන් අනිවාර්යයෙන්ම වන්දි ගෙවිය යුතුයි. ඔහුට වන්දිය ගෙවන්න බැරි නම් තමන් සොරකම් කළ දේ වෙනුවෙන් ඔහු තමාවම දාසකමට විකිණිය යුතුයි.+  සොරකම් කළ ගවයෙකුව හෝ බූරුවෙකුව හෝ බැටළුවෙකුව හෝ සොරා ළඟ සිට හසු වුණොත් ඔහු ඒ සතාගේ වටිනාකම මෙන් දෙගුණයක් අයිතිකරුට ගෙවිය යුතුයි.  “මිනිසෙකු වෙනත් කෙනෙකුගේ කෙතක හෝ මිදිවත්තක හෝ තමාගේ සතාට නිදැල්ලේ යන්න හැර එම සතා එහි අස්වැන්න කා දැමුවොත් ඔහු වන්දියක් ගෙවිය යුතුයි.+ ඔහු තම කෙතේ හෝ මිදිවත්තේ පලදාවෙන් හොඳම කොටස වන්දිය ලෙස දිය යුතුයි.  “ගින්නක් කටු ගස්වලට පැතිර, ඒ ළඟ තිබෙන ධාන්‍ය ගොඩවල් හෝ නොකැපූ අස්වැන්න හෝ මුළු කෙතම හෝ ගිනි ගත්තොත්+ ඒ ගින්න ඇවිළූ තැනැත්තා විනාශ වූ දේ වෙනුවෙන් වන්දියක් ගෙවිය යුතුයි.  “යමෙකු සුරක්ෂිතව තබාගැනීමට තම අසල්වැසියාට මුදල් හෝ වෙන යම් දෙයක් හෝ භාර දුන් පසු+ එය ඔහුගේ නිවසෙන් සොරකම් කරනු ලැබුවොත් ඔබ කළ යුත්තේ මෙයයි. සොරාව හසු වුණොත් ඔහු සොරකම් කළ දේ මෙන් දෙගුණයක් වන්දි වශයෙන් ගෙවිය යුතුයි.+  සොරාව හසු නොවුණොත් බඩු සුරක්ෂිතව තබා තිබූ නිවසේ අයිතිකරුම ඒ බඩු සොරකම් කළාද නැද්ද කියා තීරණය කිරීම සඳහා ඔහුව සැබෑ දෙවි ඉදිරියට* ගෙන යා යුතුයි.+  යමෙකු වෙනත් කෙනෙකු ළඟ සිටින ගවයෙකුව හෝ බූරුවෙකුව හෝ බැටළුවෙකුව හෝ දැක එසේ නැතහොත් ඒ තැනැත්තා ළඟ තිබෙන වස්ත්‍රයක් දැක, ‘මේක අයිති මටයි’ කියා කීවොත් ඒ දෙදෙනා තම නඩුව+ සැබෑ දෙවි ඉදිරියට ගෙන යා යුතුයි.+ දෙවි ඔවුන්ගෙන් දුෂ්ටයයි ප්‍රකාශ කරන තැනැත්තා අනික් තැනැත්තාට වන්දියක් ගෙවිය යුතුයි. ඔහු තම අසල්වැසියාගෙන් ගැනීමට උත්සාහ කළ දේ මෙන් දෙගුණයක් ගෙවිය යුතුයි.+ 10  “යමෙකු තම බූරුවෙකුව හෝ ගවයෙකුව හෝ බැටළුවෙකුව හෝ වෙන ඕනෑම සතෙකුව හෝ බලාගැනීමට තම අසල්වැසියාට දුන් පසු ඌ මැරුණොත් නැත්නම් දරුණු ලෙස තුවාල වුණොත් එසේත් නැත්නම් කිසිවෙකු බලා නොසිටි අවස්ථාවක යමෙකු විසින් ඌව පැහැරගෙන ගියොත් 11  සතාව බලාගැනීමට භාරගත් තැනැත්තා තමා සතාව සොරකම් නොකළ බවට+ යෙහෝවා දෙවිගේ නමින් අයිතිකරුට දිවුරා+ ප්‍රකාශ කළ යුතුයි. සතාගේ අයිතිකරුද ඔහු පැවසූ දේ පිළිගත යුතුයි. නැති වූ සතා වෙනුවෙන් වන්දියක් ගෙවිය යුතු නැත. 12  නමුත් සතා ඔහුගේ රැකවරණයේ සිටියදී* වෙනත් කෙනෙකු ඌව සොරකම් කළොත් ඔහු අයිතිකරුට වන්දියක් ගෙවිය යුතුයි.+ 13  වෙනත් සතෙකු+ ඌව මරා දැමුවොත් ඔහු සාක්ෂියක්+ හැටියට මළ සතාව ගෙනැවිත් අයිතිකරුට පෙන්විය යුතුයි. මරා දැමූ සතා වෙනුවෙන් ඔහු වන්දියක් ගෙවිය යුතු නැත. 14  “යමෙකු තම අසල්වැසියාගෙන් සතෙකු ඉල්ලාගත් පසු+ සතාගේ අයිතිකරු නැති වේලාවක ඌ දරුණු ලෙස තුවාල ලැබුවොත් නැතහොත් මැරුණොත් ඌ වෙනුවෙන් අනිවාර්යයෙන්ම වන්දියක් ගෙවිය යුතුයි.+ 15  ඌට අනතුරක් සිදු වුණේ උගේ අයිතිකරු ළඟ සිටියදීම නම් ඌ වෙනුවෙන් වන්දියක් ගෙවිය යුතු නැත. කුලියට ගත් සතෙකුට අනතුරක් සිදු වුණොත් අයිතිකරුට කුලිය පමණක් ගෙවිය යුතුයි. 16  “මිනිසෙකු විවාහ ගිවිසගෙන නැති කන්‍යාවක රවටා ඇය සමඟ සයනය කළොත්+ ඔහු අනිවාර්යයෙන්ම නියමිත මුදල ගෙවා ඇයව තම භාර්යාව ලෙස භාරගත යුතුයි.+ 17  ඇගේ පියා ඔහුට ඇයව විවාහ කර දීමට කොහෙත්ම කැමති නැත්නම් සාමාන්‍යයෙන් කන්‍යාවක විවාහ කරගනිද්දී ගෙවන මුදල ඔහු ගෙවිය යුතුයි.+ 18  “ඔබ අතරේ මන්තරකාරියක සිටිනවා නම් ඇයව මරා දැමිය යුතුයි.+ 19  “යමෙකු සතෙකු සමඟ ලිංගික සම්බන්ධකම් පැවැත්වුවහොත් ඔහුව අනිවාර්යයෙන්ම මරා දැමිය යුතුයි.+ 20  “යෙහෝවා දෙවිට හැර වෙනත් දෙවිවරුන්ට පුදපූජා ඔප්පු කරන ඕනෑම කෙනෙකුව අනිවාර්යයෙන්ම මරා* දැමිය යුතුයි.+ 21  “ඔබ අතරේ ජීවත් වන විදේශිකයන්ට ඔබ හිංසා පීඩා නොකළ යුතුයි. ඔවුන්ගෙන් අයුතු ප්‍රයෝජන නොගත යුතුයි.+ මන්ද ඔබත් ඊජිප්තු දේශයේදී විදේශිකයන් ලෙස ජීවත් වූහ.+ 22  “ඔබ වැන්දඹුවන්ට හෝ පියා නැති දරුවන්ට හෝ හිරිහැර නොකළ යුතුයි.+ 23  ඔබ ඔවුන්ට හිරිහැර කළොත් ඔවුන් හැඬූ කඳුළින් මට කරන කන්නලව්වලට මම අනිවාර්යයෙන්ම සවන් දෙන්නෙමි.+ 24  එවිට මම ඔබට විරුද්ධව මහත් සේ උදහස් වී+ ඔබව කඩුවෙන් මරා දමන්නෙමි. ඔබේ භාර්යාවෝ වැන්දඹුවන්ද ඔබේ පුත්‍රයෝ පියා නැති දරුවන්ද වනු ඇත.+ 25  “මාගේ සෙනඟ අතරේ සිටින දුප්පත් කෙනෙකුට ඔබ ණයට මුදල් දුන්නොත්+ පොලියට මුදල් දෙන කෙනෙකු මෙන් ක්‍රියා නොකරන්න. ඔහුගෙන් පොලී අය නොකරන්න.+ 26  “ඔබ ඇපයක් වශයෙන් ඔබේ අසල්වැසියාගෙන් ඔහුගේ පිට වස්ත්‍රය ගත්තොත්+ ඉර බැස යෑමට පෙර එය නැවත ඔහුට දිය යුතුයි. 27  මන්ද ඔහුට පොරවාගැනීමට තිබෙන්නේ එය පමණයි.+ ඔබ ඒ වස්ත්‍රය ඔබ ළඟ තබාගත්තොත් ඔහු නිදාගන්නා විට පොරවාගන්නේ කුමකින්ද? ඔහු හඬමින් මට කන්නලව් කළොත් මම අනිවාර්යයෙන්ම ඔහුට සවන් දෙන්නෙමි. මන්ද මා අනුකම්පාවෙන් පිරුණු දෙවි කෙනෙකි.+ 28  “ඔබ දෙවිට ශාප නොකළ යුතුයි.+ ඔබ අතරේ සිටින අධිපතියෙකු ගැන වුවද ඔබ අවමන්සහගත ලෙස කතා නොකළ යුතුයි.+ 29  “ඔබේ සාරවත් අස්වැන්නෙන් හා මඩින ලද යුෂවලින් මට යමක් දීමට පසුබට නොවන්න.+ ඔබේ කුලුඳුලන්වද ඔබ මට දිය යුතුයි.+ 30  කුලුඳුල් වසු පැටවෙකු හා බැටළු පැටවෙකු සම්බන්ධයෙන් ඔබ කළ යුත්තේ මෙයයි.+ ඌව දවස් හතක් උගේ මව සමඟ තබන්න.+ අටවෙනි දවසේදී ඌව මට දෙන්න. 31  “ඔබ මාගේ ශුද්ධ සෙනඟ බව පෙන්විය යුතුයි.+ ඔබ වෙනත් සතෙකු විසින් මරා දමනු ලැබූ සතෙකුගේ මස් නොකෑ යුතුයි.+ උගේ මස් බල්ලන්ට දැමිය යුතුයි.+

පාදසටහන්

එනම්, යෙහෝවා දෙවිව නියෝජනය කළ විනිශ්චයකරුවන් ඉදිරියට.
මෙහි විස්තර කරන්නේ සතාව බලාගැනීමට භාරගත් තැනැත්තාගේ නොසැලකිලිමත්කම නිසා සතාව යමෙකු සොරකම් කළොත් පිළිපැදිය යුතු නීතිය ගැනයි.
හෙබ්‍රෙව් බසින්, හේරේම්. විනාශය සඳහා යමක් යෙහෝවා දෙවිට කැප කිරීම ඉන් අදහස් වේ.