නික්මයාම 15:1-27

15  ඒ අවස්ථාවේදී මෝසෙස් සහ ඊශ්‍රායෙල් සෙනඟ යෙහෝවා දෙවිට මේ ප්‍රශංසා ගීය ගායනා කළෝය.+“යෙහෝවා දෙවි අසරුවන්ව මුහුදට හෙළා+ විශිෂ්ට ජයක් අත් කරගත්තේය.එහෙයින් මම ඔහුට ගී ගයන්නෙමි.+   මගේ ශක්තියද බලයද යෙහෝවා දෙවිය.+ මගේ ගැලවුම්කරුත් ඔහුය.+මගේ පියාගේ දෙවිත්+ මගේ දෙවිත් ඔහුමය. මම ඔහුට ප්‍රශංසා කරන්නෙමි.+ ඔහුගේ නාමය ගෞරවයට පත් කරන්නෙමි.+   යෙහෝවා දෙවි යුධ දක්ෂයෙකි.+ ඔහුගේ නාමය යෙහෝවාය.+   දෙවි, පාරාවෝගේ අශ්ව රථද හමුදාවද මුහුදට හෙළුවේය.+ඔහුගේ දක්ෂතම යුධ භටයෝද රතු මුහුදේ ගිලුණෝය.+   මහා ජල කඳ ඔවුන්ව වසාගත්තේය.+ ගලක් මෙන් ඔවුහු මුහුදු පතුලටම කිඳා බැස්සෝය.+   යෙහෝවා දෙවියනි, ඔබේ දකුණත බලවත්ය.+යෙහෝවා දෙවියනි, ඔබ ඔබේ දකුණතින් සතුරන්ව සුනුවිසුනු කර දමන්නෙහිය.+   ඔබ තේජසින් ඉතා උසස් නිසා ඔබට විරුද්ධව නැඟී සිටින්නන්ව ඔබ පහතට හෙළන්නෙහිය.+ඔබේ උදහස නිසා ඔවුහු පිදුරු මෙන් දැවී යන්නෝය.+   ඔබේ එක හුස්මට+ ජලය දෙපසට තල්ලු වී ගියේය.ජල ධාරාවෝ වේල්ලකින් හිර කර තබන්නාක් මෙන් නොසෙල්වී සිටියෝය.මහ මුහුදේ ජල කඳ මිදුණේය.   ‘මම ඔවුන්ව ලුහුබැඳ+ ඔවුන්ව අල්ලාගන්නෙමි.+තෘප්තියට පැමිණෙන තුරු කොල්ල කා ගත් දේ බෙදන්නෙමි.+මම කඩුව ඇද ඔවුන්ව පන්නා දමන්නෙමි’+ කියා සතුරා කීවේය. 10  ඔවුන් ජලයෙන් යට වී+ යන පිණිස ඔබ ඔබේ හුස්ම මුහුද දෙසට පිම්බෙහිය.+ඔවුහු රුදුරු ජල කඳට හසු වී ඊයම් මෙන් කිඳා බැස්සෝය.+ 11  යෙහෝවා දෙවියනි, ඔබට සමාන තව දෙවි කෙනෙක් සිටීද?+ඔබ තරම් ශුද්ධ කෙනෙක් තවත් සිටීද?+පුදුම දනවන ක්‍රියා+ කරන තැනැත්තා ඔබය. ප්‍රශංසාව+ හා ගරුබිය+ ලැබිය යුතු තැනැත්තාද ඔබය. 12  ඔබ ඔබේ දකුණත+ දිගු කළ විට පොළොව ඇරී සතුරන්ව ගිලගත්තේය.+ 13  ඔබ මුදාගත්+ ඔබේ සෙනඟට මඟ පෙන්වමින් ඔබේ ඉමහත් ප්‍රේමය* ඔබ ඔවුන්ට පෙන්වූවෙහිය.ඔබේ මහත් බලය විදහාපෙන්වමින් ඔබේ ශුද්ධ වාසස්ථානයට+ ඔවුන්ව ගෙන යන්නෙහිය. 14  මනුෂ්‍යයෝ මේ ගැන දැනගෙන+ භයෙන් වෙවුලන්නෝය.+පිලිස්තියේ වැසියන්ට මහත් වේදනා+ ඇති වන්නේය. 15  ඒදොම්හි අධිපතියෝ කැලඹෙන්නෝය.මෝවබ්හි බලවන්තයෝ තැතිගන්නෝය.+කානාන්හි සියලු වැසියෝ බෙලහීන වන්නෝය.+ 16  භීතිය ඔවුන්ව වෙළාගන්නේය.+යෙහෝවා දෙවියනි, ඔබේ මහත් බලයෙන් ඔබ බිහි කළ+ ඊශ්‍රායෙල් ජාතිය+ දේශය මැදින් යන තෙක්+ඔවුහු ගල් ගැසී බලා සිටින්නෝය. 17  යෙහෝවා දෙවියනි, ඔබේ වාසය සඳහා ස්ථිර ලෙස පිහිටෙවූ ස්ථානයට+ ඔබ ඔවුන්ව ගෙන යන්නෙහිය.යෙහෝවා දෙවියනි, ඔබේම අතින් ඔබ සෑදූ ශුද්ධස්ථානය+ වන ඔබට අයිති කන්දේ ඔබ ඔවුන්ව පිහිටුවන්නෙහිය.*+ 18  යෙහෝවා දෙවි සදාකාලයෙන් සදාකාලයට රජකම් කරන්නේය.+ 19  පාරාවෝගේ අසරුවෝද+ යුධ රථද මුහුද මැදට ගිය විට+යෙහෝවා දෙවි මහා ජල කඳ ඔවුන් මතට හෙළුවේය.+එනමුත් ඊශ්‍රායෙල් ජනයා මුහුද හරහා වියළි මඟක ඇවිද ගියෝය.”+ 20  ආරොන්ගේ සහෝදරිය වූ අනාගතවක්තෘවරියක වන මිරියම්+ රබානක් අතට ගත්තාය.+ අනික් ස්ත්‍රීහුද රබන් ගසමින් හා නටමින් ඇය පසුපස ගියෝය.+ 21  ඊශ්‍රායෙල් පුරුෂයන් වදන් පෙළක් ගැයූ පසු මිරියම්ද මේ වදන් පෙළ ගැයුවාය.+ “යෙහෝවා දෙවි අසරුවන්ව මුහුදට හෙළා+ විශිෂ්ට ජයක් අත් කරගත්තේය.+එහෙයින් ඔහුට ප්‍රශංසා ගී ගයමු.”+ 22  පසුව මෝසෙස් ඊශ්‍රායෙල් සෙනඟව රතු මුහුදේ සිට ෂුර් පාළුකරය+ දක්වා ගෙන ගියේය. ඔවුන් දවස් තුනක් පුරා පාළුකරයේ ගමන් කළත් ඔවුන්ට බීමට වතුර සම්බ නොවීය.+ 23  අන්තිමේදී ඔවුහු මාරාහ්+ නම් ස්ථානයට පැමිණියෝය. නමුත් ඒ ස්ථානයේ තිබූ වතුර තිත්ත වූ බැවින් ඔවුන්ට එය බීමට නොහැකි විය. ඔහු එම ස්ථානයට මාරාහ්*+ යන නම තැබුවේ ඒ නිසාය. 24  ඒ අවස්ථාවේදී සෙනඟ මෝසෙස්ට විරුද්ධව මැසිවිලි නඟමින්,+ “අපිට බොන්න වතුර කෝ” කියා ඇසුවෝය. 25  එවිට මෝසෙස් යෙහෝවා දෙවිට කන්නලව් කළේය.+ යෙහෝවා දෙවි ඔහුට කුඩා පැළෑටියක් පෙන්වූවේය. පසුව ඔහු එම පැළෑටිය රැගෙන වතුරට විසි කළේය. එවිට වතුර බීමට ගත හැකි ලෙස මිහිරි විය.+ එහිදී ඔවුන්ගේ සිත් සෝදිසි කර බලන+ පිණිස දෙවි ඔවුන්ට පනතක්ද නියෝගයක්ද දුන්නේය. 26  දෙවි ඔවුන්ට මෙසේ කීවේය. “මා ඔබේ දෙවි වන යෙහෝවාය. ඔබ මගේ හඬට ඉතා ඕනෑකමින් සවන් දී මා හරියයි කියන දේ කරන්න. මගේ ආඥාවලට කන් දී මගේ සියලු පනත්වලට කීකරු වන්න.+ ඔබ එසේ කළොත් ඊජිප්තුවරුන් පිටට ගෙනා එක වසංගතයක්වත් මම ඔබ පිටට නොගෙනෙන්නෙමි.+ ඔබට සුවය ගෙන දෙන්නේ යෙහෝවා දෙවි වන මමය.”+ 27  පසුව ඔවුහු ඒලිම් වෙතට ආවෝය. එහි දිය උල්පත් දොළහක්ද තාල වර්ගයට අයත් ගස් හැත්තෑවක්ද+ තිබූ බැවින් ඔවුහු එහි කඳවුරු බැඳගත්තෝය.

පාදසටහන්

හෝ, “ළැදි ප්‍රේමය.”
මූ.අ., “සිටුවන්නෙහිය.”
තේරුම, “තිත්ත.”