දේශනාකාරයා 12:1-14

12  යෞවනයෙනි, ඔබට ජීවිතය දුන් ශ්‍රේෂ්ඨ සැදුම්කරුව+ ඔබේ යොවුන් වියේදීම සිහි කරන්න.+ එසේ නොකළොත් ජීවිතයේ දුෂ්කර දවස් පැමිණි පසු,+ “මට ජීවිතයෙන් කිසි සතුටක් ලැබෙන්නේ නැහැ”+ කියා ඔබ පවසනු ඇත.  ඒ නිසා ඉර, හඳ හා තාරකා අඳුරු වීමට කලින්ද+ අහස අඳුරෙන් වැසී ගොස් නොනැවතීම වැසි ඇද හැළීමට කලින්ද ඔහුව සිහි කරන්න.  මන්ද ඒ කාලයේදී නිවසේ+ මුරකරුවෝ වෙවුලති. ශක්තිමත් පුරුෂයෝ කෙළින් සිටගන්න බැරි තරමටම දුර්වල වෙති.+ අඹරන ස්ත්‍රීන්ගේ+ ගණන අඩු වී ඇති නිසා වැඩ නවතිනු ඇත. ජනේලයෙන්+ එබිකම් කරන කාන්තාවන්ගේ පෙනීමද දුර්වල වෙයි.  මාවතට පිවිසෙන දොරවල් වැසෙන අතර+ ඇඹරුම් ගලේ ශබ්දයද හීන වී යයි.+ ඒ කාලයේදී යමෙක් කුරුල්ලෙකුගේ හඬට පවා අවදි වෙයි. ගායිකාවන්ගේ හඬ නොඇසෙන තරම්ය.+  උස් තැන් දකින විටත් මාර්ගයේ ගමන් කරන විටත් මහත් බියක් දැනෙනු ඇත. ආමන්ඩ් ගසේ මල් පිපෙන අතර+ තණකොළ පෙත්තා ගාටමින් ඇවිදිනු ඇත. කෑම රුචිය පවා නැති වන්නේය.* මන්ද මිනිසා තම විශ්‍රාම ස්ථානයට* ගමන් කරන්නේය.+ විලාප කියන්නෝද මඟ දිගේ ඇවිදගෙන යති.+  රිදී ලණුව දෙකට කැඩෙන්නත් රන් බඳුන පොඩි වෙන්නත්+ දිය උල්පත ළඟ ඇති පැන් කළය බිඳෙන්නත් ළිඳේ බොලොක්කය කැඩෙන්නත් කලින් ඔබේ දෙවිව සිහි කරන්න.  මන්ද පොළොවෙන් ගන්නා ලද දූවිල්ල නැවත පොළොවටම එකතු වන්නේය.+ ජීව බලය+ එය දුන් සැබෑ දෙවි+ වෙතටම හැරී යන්නේය.+  උපදේශකයාගේ නිගමනය මෙයයි.+ “සියල්ල නිෂ්ඵලය! කිසිම දෙයකින් ප්‍රයෝජනයක් නැත.”+  උපදේශකයා ප්‍රඥාව වැඩි දියුණු කරගෙන+ තමන් ඉගෙනගත් දේ ජනයාට නිතරම කියා දුන්නේය.+ ඊට අමතරව, ඔහු සෑම කාරණයක් ගැනම හොඳින් සොයා බලා ගැඹුරින් කල්පනා කර බැලුවේය.+ ඔහු එසේ කළේ හිතෝපදේශයන් ගණනාවක් පිළියෙල කිරීමේ අරමුණින්ය.+ 10  උපදේශකයා ප්‍රිය වදන්+ සෙවීමටත් සත්‍ය වචන නිසි ලෙස ලියා තැබීමටත් උත්සාහ කළේය.+ 11  ප්‍රඥාවන්තයන්ගේ වචන කෙවිටක් හා සමානය.+ එඬේරෙකුගෙන්+ ලැබෙන එම වදන් එකතු කර තබාගන්නා අය හොඳට සවි කළ ඇණ මෙනි.+ 12  මාගේ පුත්‍රය, මා දැන් පවසන දේ සිතට ගන්න. මේ වදන්වලට අමතරව ලියන ලද දේ ගැන මා දෙන අනතුරු ඇඟවීම මෙයයි. පොත් පත් ලිවීමෙහි කෙළවරක් නැත. ඒවා අධ්‍යයනය කිරීමට දරන උත්සාහයද ඉතා වෙහෙසකරය.+ 13  සියල්ල සලකා බැලූ පසු මගේ අවසන් නිගමනය මෙයයි. සැබෑ දෙවිට ගරුබිය දක්වමින්+ ඔහුගේ ආඥා පිළිපදින්න.+ මිනිසාගේ යුතුකම එයයි. 14  මන්ද සැබෑ දෙවි මිනිසාගේ සියලු ක්‍රියා ගැනත් සියලු රහස් කාරණා ගැනත් සොයා බලා ඒවා යහපත්ද නැද්ද කියා විනිශ්චය කරනු ඇත.+

පාදසටහන්

මූ.අ., “කේප ගෙඩිවලින් පලක් නැත.” කෑම රුචිය වැඩි කිරීමට කන කුඩා ගෙඩි වර්ගයකි.
මුල් භාෂාවේ, ‘බොහෝ කල් විශ්‍රාම ගන්නා ස්ථානය’ යන අදහස ඇතුළත්ය.