දානියෙල් 12:1-13

12  “ඔබේ සෙනඟ+ වෙනුවෙන් නැඟී සිටින ශ්‍රේෂ්ඨ අධිපතියා+ වන මිකායෙල්+ ඒ කාලයේදී පියවර ගන්නේය.*+ විපත්ති සහිත කාලයක් පැමිණෙන්නේය. මුල්ම ජාතිය පිහිටෙවූ දා පටන් ඒ කාලය පැමිණෙන තුරු එවැනි දරුණු තත්වයක් උදා නොවන්නේය.+ ඒ කාලයේදී ඔබේ සෙනඟ ගැලවෙනු ඇත.+ ලියවිල්ලෙහි සඳහන් කර ඇති සියලුදෙනාම ගැලවෙන්නෝය.+  භූමියේ සැතපී සිටින බොහෝදෙනෙක් නැඟිටින්නෝය.+ නැඟිට එන සමහරෙකුට සදාකාල ජීවනය ලැබෙන්නේය.+ එහෙත් නැඟිට එන තවත් සමහරෙකු නින්දාවට පත් වන අතර ඔවුන්ව සදාකාලයෙන් සදාකාලයටම පිළිකුල් කරනු ලබන්නේය.+  “ගැඹුරු අවබෝධය ඇති අය දීප්තිමත් අහස මෙන් බැබළෙන්නෝය.+ ධර්මිෂ්ඨ ජීවිතයක් ගත කිරීමට බොහෝදෙනෙකුට උදව් කරන සියලුදෙනා+ තාරකා මෙන් සදාකාලයෙන් සදාකාලයටම බැබළෙන්නෝය.  “දානියෙල්, ඔබට හෙළි කළ මේ වචන ලියවිල්ලක සටහන් කර අවසාන කාලය දක්වා+ එම ලියවිල්ල වසා මුද්‍රා කර තබන්න.+ බොහෝදෙනෙකු නිවැරදි දැනුම සෙවීමට මහත් වෙහෙසක් දරන නිසා ඔවුන්ට එය නොඅඩුව ලැබෙන්නේය.”+  දානියෙල් වන මම, තවත් දෙදෙනෙකු ගඟ අසල සිටිනවා දුටුවෙමි.+ එක් කෙනෙක් මෙගොඩ සිටගෙන සිටියේය. අනික් කෙනා එගොඩ සිටියේය.+  ඔවුන්ගෙන් එක් කෙනෙක් ලිනන් වස්ත්‍රය ඇඳගෙන+ ගඟට ඉහළින් සිටි තැනැත්තාගෙන් මෙසේ ඇසුවේය. “මේ පුදුමසහගත දේවල් සියල්ල සිදු වීමට කොපමණ කාලයක් ගත වෙයිද?”+  එවිට ලිනන් වස්ත්‍රය ඇඳගෙන සිටි ඒ තැනැත්තා අත් දෙකම ස්වර්ගය දෙසට ඔසවා සදාකාලයෙන් සදාකාලයටම ජීවත් වන තැනැත්තාණන්ගේ නාමයෙන්+ දිවුරා+ මෙසේ කීවේය. “කාලයක්ද කාලවල්ද කාල භාගයක්ද නියම කර ඇත.+ ශුද්ධ තැනැත්තන්ගේ බලය නැති කර දමා+ වැඩි කල් ගත වීමට කලින් මේ සියල්ල සිදු වී අවසන් වනු ඇත.”  ඔහුගේ වචන ඇසූ නමුත් මම ඒවා තේරුම් නොගත්තෙමි.+ එබැවින් මම ඔහුගෙන් මෙසේ ඇසුවෙමි. “මාගේ ස්වාමීනි, මේ දේවල් අවසන් වෙන්නේ කොහොමද?”+  ඔහු මට මෙසේ පිළිතුරු දුන්නේය. “දානියෙල්, ඔබ දැන් යන්න. මන්ද අවසාන කාලය දක්වා ලියවිල්ල වසා මුද්‍රා කර තිබේ.+ 10  බොහෝදෙනෙක් තමන්වම පවිත්‍ර කරගෙන+ නිකැළැල් තත්වයකට පත් වන්නෝය.+ දුෂ්ටයෝ දිගටම දුෂ්ට ලෙස ක්‍රියා කරන්නෝය.+ ඔවුන්ගෙන් කිසිවෙක් මේ දේවල් තේරුම් නොගන්නෝය.+ එහෙත් ගැඹුරු අවබෝධය ඇති අය තේරුම්ගන්නෝය.+ 11  “දිනපතා ඔප්පු කරන පූජාව+ නවත්වා,+ විනාශයට හේතු වන පිළිකුල් දේ+ පිහිටුවනු ලබන කාලය පටන් දවස් එක්දහස් දෙසිය අනූවක් ගත වන්නේය. 12  “දවස් එක්දහස් තුන්සිය තිස්පහ අවසන් වන තෙක්ම ඉවසිලිවන්තව බලා සිටින තැනැත්තා සන්තෝෂවත්ය.+ 13  “ඔබ අවසානය දක්වාම ස්ථිරව සිටින්න.+ ඉන්පසු ඔබ සැතපී සිටිනු ඇත.+ එහෙත් ඔබට වෙන් කළ කොටස ලබාගැනීම සඳහා ඔබ ආපසු නැඟිටිනු ඇත.”+

පාදසටහන්

මූ.අ., “නැඟී සිටින්නේය.” හෙබ්‍රෙව් භාෂාවේ, තමා සතු රාජ්‍ය බලය යොදාගන්නවා යන අදහසද ඇතුළත් වී තිබේ.