ගීතාවලිය 9:1-20

සංගීත අධ්‍යක්ෂක වෙතය. මත්ලාබන්.* දාවිත් රචනා කළ ගීතයකි. א [ආලෙෆ්] 9  යෙහෝවා දෙවියනි, මම මාගේ මුළු හදවතින්ම ඔබට ප්‍රශංසා කරන්නෙමි.+ඔබේ සියලු පුදුමාකාර ක්‍රියා ගැන ප්‍රකාශ කරන්නෙමි.+   මම ඔබ ගැන සන්තෝෂයෙන් සිටිමි. සතුටින් ඉපිල යමි.+මහෝත්තමයාණෙනි, මම ඔබේ නාමයට ප්‍රශංසා ගී ගයන්නෙමි.+ ב [බේත්]   මාගේ සතුරන්ට පසුබැසීමට සිදු වන විට+ඔවුහු ඔබ ඉදිරියේ වැටී විනාශ වී යන්නෝය.+   මන්ද ඔබ මාගේ නඩුව අසා මට යුක්තිය ඉටු කර දුන්නෙහිය.+ඔබ සිංහාසනයේ හිඳ ධර්මිෂ්ඨකමින් විනිශ්චය කරන්නෙහිය.+ ג [ගීමෙල්]   ඔබ ජාතීන්ට තරවටු කළෙහිය.+ දුෂ්ටයාව විනාශ කළෙහිය.+ඔබ ඔවුන්ගේ නාමය සදහටම මකා දැමුවෙහිය.+   සතුරා විනාශ වී සදහටම තුරන් වී යන්නේය.+ඔබ විනාශ කළ නුවරවල්ද පාළු වී යන්නේය.+ඔබේ සතුරන් ගැන නැවත කිසිදා අසන්නවත් ලැබෙන්නේ නැත.+ ה [හේ]   යෙහෝවා දෙවි සදහටම රජකම් කරන්නේය.+ඔහු විනිශ්චය කිරීම සඳහා තම සිංහාසනය ස්ථිරව පිහිටෙව්වේය.+   පොළෝතලයේ වෙසෙන වැසියන්ව ඔහු ධර්මිෂ්ඨකමින් විනිශ්චය කරන්නේය.+ජාතීන්ව ඔහු සාධාරණව විනිශ්චය කරන්නේය.+ ו [වාව්]   යෙහෝවා දෙවි තැළී පොඩි වී සිටින සියල්ලන්ට ආරක්ෂාව ලබා දෙන උස් බලකොටුවකි.+විපතකට මුහුණ දෙන විටද ඔහු උස් බලකොටුවකි.+ 10  ඔබේ නාමය හඳුනන්නෝ ඔබ ගැන විශ්වාසයෙන් සිටිති.+යෙහෝවා දෙවියනි, ඔබේ මඟ පෙන්වීම් පතන අයව ඔබ කිසිසේත් අත්නාරින්නෙහිය.+ ז [ෂායින්] 11  ජනයෙනි, සියොන්හි වාසය කරන යෙහෝවා දෙවිට ප්‍රශංසා ගී ගයන්න.+සෙනඟ අතරේ ඔහුගේ ක්‍රියා ගැන පවසන්න.+ 12  ලේ වගුරුවන අයව ඔහු සොයන විට+ පීඩිත අයව සිහියේ තබාගනු ඇත.+පීඩිත අයගේ මොරගැසීම ඔහු කිසිසේත් අමතක නොකරනු ඇත.+ ח [චේත්] 13  යෙහෝවා දෙවියනි, මට කරුණාව පෙන්වන්න. මට වෛර කරන්නන් මට කරන හිංසා දෙස බලන්න.+මරණය අබියස සිටින මාව බේරාගන්න.+ 14  සියොන් දියණියගේ+ දොරටු අසලදී+ඔබේ සියලු ප්‍රශංසනීය ක්‍රියා ගැන මා පවසන පිණිසත්+ඔබ දෙන ගැලවීම ගැන මා ප්‍රීති වන පිණිසත් එසේ කරන්න.+ ט [ටේත්] 15  ජාතීහු තමුන් කැපූ වළේම වැටී සිටිති.+ඔවුන් එළූ දැලටම+ ඔවුන්ගේ පය පැටලී ඇත.+ 16  යෙහෝවා දෙවි යුක්තිය ඉටු කරන ආකාරයෙන් තමන් කවුද කියා ප්‍රකාශ කර ඇත.+දුෂ්ටයෝ තමන්ගේම ක්‍රියාවලට හසු වෙති.+හිගෙයීයන්.* සීලාහ්. י [යෝද්] 17  දුෂ්ටයෝ+ එනම්, දෙවිව අමතක කරන සියලු ජාතීහු+මිනී වළට යති.+ 18  දිලිඳුන්ව සදහටම අමතක කරනු නොලැබේ.+නිහතමානී අයගේ බලාපොරොත්තුව කවදා හෝ ඉටු වෙයි.+ כ [කෆ්] 19  යෙහෝවා දෙවියනි, නැඟී සිටින්න! දූවිලි වැනි මිනිසුන්ට ඔබට වඩා බලවත් වීමට ඉඩ නොදෙන්න.+ජාතීන්ව ඔබ ඉදිරියේ විනිශ්චය කරන්න.+ 20  යෙහෝවා දෙවියනි, තමන් දූවිලි හා සමාන බව ජාතීන් දැනගන්නා පිණිස+ඔවුන්ව භයෙන් වෙළී යෑමට සලස්වන්න.+ සීලාහ්.

පාදසටහන්

මෙම හෙබ්‍රෙව් වචනයෙහි අර්ථය නිශ්චිතව පැවසිය නොහැක. සමහර පරිවර්තකයන්, ‘පුත්‍රයාගේ මරණය සම්බන්ධවය’ කියා එම වචනය පරිවර්තනය කර ඇත.
මෙම හෙබ්‍රෙව් යෙදුමේ අර්ථය නිශ්චිතව පැවසිය නොහැක.