ගීතාවලිය 55:1-23

සංගීත අධ්‍යක්ෂක වෙතය. තත් භාණ්ඩ ඇතුව ගායනා කිරීම සඳහාය. මස්කිල්. දාවිත් රචනා කළ ගීතයකි. 55  අනේ දෙවියනි, මාගේ යාච්ඤාවට සවන් දෙන්න.+මට කරුණාව පෙන්වන්න කියා මා ඔබට කන්නලව් කරන විට එය නොඇසුණා සේ නොසිටින්න.+   මට සවන් දී මාගේ ඉල්ලීම ඉටු කරන්න.+ප්‍රශ්න ගැටලු නිසා මා කැලඹී සිටින්නෙමි.+නොසන්සුන්කමක් හැර වෙන කිසිවක් මාගේ සිතට නොදැනේ.   මා නොසන්සුන්ව සිටින්නේ දුෂ්ටයා ගෙනෙන පීඩා නිසාත් සතුරා පවසන දේවල් නිසාත්ය.+ඔවුහු දිගින් දිගටම මාගේ සිතට වේදනා දෙති.+කෝපයෙන් මට විරුද්ධව ක්‍රියා කරති.+   මාගේ හදවත වේදනාවෙන් දැවෙයි.+මරණ බිය මාව වෙළාගෙන සිටියි.+   භීතිය මා තුළ ලැගුම් ගෙන සිටියි.+තැතිගැන්ම මාගේ ජීවිතේ කොටසක් වී තිබේ.   මම මෙසේ කියමි. “අනේ, මට පරෙවියෙකුට මෙන් පියාපත් තිබුණා නම්!+මම ඉගිලී ගොස් වෙන තැනක ලැගුම් ගන්නෙමි.+   දුර ඈතට ඉගිලී යන්නෙමි.+පාළුකරයට ගොස් එහි වාසය කරන්නෙමි.+සීලාහ්   සැඩ සුළඟින්ද කුණාටුවෙන්ද මිදීඉක්මනින්ම ආරක්ෂිත ස්ථානයකට යන්නෙමි.+   යෙහෝවා දෙවියනි, ඔවුන්ව වියවුලට පත් කරන්න. ඔවුන්ගේම කතාවෙන් ඔවුන් අතර භේද ඇති කරන්න.+මන්ද ඔවුන්ගේ සැහැසික ක්‍රියාද ආරවුල්ද නගරය පුරාම දකින්න තිබේ.+ 10  ඔවුහු දිවා රෑ දෙකෙහිම නගරයේ පවුරු මත සැරිසරති.+නගරය පුරාම කෝලහල හා ගැටුම් පවතී.+ 11  නගරයේ සෑම තැනක්ම කරදරවලින් පිරී තිබේ.වංචාවන්ද හිංසාවන්ද එහි ප්‍රධාන මංසන්ධියේ දකින්න තිබේ.+ 12  මට නින්දා කරන්නේ මාගේ සතුරෙකු නම්+මේ දුක මට ඉවසීමට පුළුවන.මට විරුද්ධව උදම් ඇණුවේ මා සමඟ මහත් වෛරයෙන් සිටින කෙනෙක් නම්+ඔහුගෙන් සැඟවී සිටීමට මට පුළුවන.+ 13  එහෙත් එසේ කළේ මා හා සමාන,+මාව හොඳින් දැන හඳුනන, මාගේ කිට්ටු මිත්‍රයෙකු වූ ඔබය.+ 14  කලින් අපි සමීප මිතුරන් ලෙස සිටියෙමු.+සෙනඟ සමඟ දෙවිගේ ගෘහයට නොයෙක් වර ගියෙමු.+ 15  දුෂ්ටකම මාගේ සතුරන්ගේ සිත් තුළ මුල් ඇද තිබේ.+එබැවින් විනාශය ඔවුන් පිටට පැමිණේවා!+ඔවුන්ට පණපිටින්ම මිනී වළට යෑමට සිදු වේවා!+ 16  නමුත් මම හඬගසන්නේ යෙහෝවා දෙවිටය.+එවිට ඔහු මාව ගලවාගන්නේය.+ 17  දිවා රෑ දෙකෙහිම මාගේ දුක දෙවිට කියමින් මම හඬා වැලපුණෙමි.+දෙවි මාගේ හඬට සවන් දෙන්නේය.+ 18  ඔවුන් මට විරුද්ධව කරන සටනින් දෙවි මාව බේරාගන්නේය. මාගේ සිතට සහනයක් දෙන්නේය.+මන්ද මහත් හමුදාවක් මෙන් ඔවුහු මට විරුද්ධව නැඟී සිටිති.+ 19  අතීතයේ පටන් සිංහාසනයේ හිඳගෙන සිටින+දෙවි, මාගේ හඬ අසා ඔවුන්ට දඬුවම් කරන්නේය.+සීලාහ්මන්ද ඔවුහු තම ජීවිත මාර්ගය වෙනස් කර නොගනිති.+දෙවි කෙරෙහි කිසිදු ගරුබියක්ද ඔවුන් තුළ නැත.+ 20  ඔහු* තමාගේ මිතුරන්ට විරුද්ධව අත එසෙව්වේය.+ඔහු තම පොරොන්දුව කඩ කළේය.+ 21  ඔහුගේ වදන් වෙඬරු මෙන් සුමුදුය.+නමුත් ඔහුගේ සිත වෛරයෙන් පිරී තිබේ.+ඔහුගේ මුවින් පිට වන වදන් මිහිරිය.*+නමුත් ඒවා තියුණු කඩු මෙනි.+ 22  ඔබේ සියලු බර යෙහෝවා දෙවිට භාර දෙන්න.+එවිට ඔහු ඔබව ශක්තිමත් කරන්නේය.+ඔහු කිසිදාක ධර්මිෂ්ඨයාට වැටෙන්න ඉඩ නොදෙන්නේය.+ 23  දෙවියනි, ඔබ ලේ වගුරුවන, වංචාකාරී අයව ගැඹුරු වළකට හෙළන්නෙහිය.+ඔවුහු දිගු කල් ජීවත් නොවන්නෝය.+නමුත් මාගේ විශ්වාසය ඔබ කෙරෙහිය.+

පාදසටහන්

“ඔහු” ලෙස යොමු දක්වන්නේ 12-14 දක්වා පදවල සඳහන් කළ ගීතිකාකරුගේ මිතුරෙකුව සිටි තැනැත්තාටය.
මූ.අ., “තෙල්වලට වඩා සුමුදුය.”