ගීතාවලිය 5:1-12
සංගීත අධ්‍යක්ෂක වෙතය. නිහියලොත්* ඇතුව ගායනා කිරීම සඳහාය. දාවිත් රචනා කළ ගීතයකි.
5 යෙහෝවා දෙවියනි, මට සවන් දෙන්න.+මා සුසුම්ලමින් හඬන විට මාව තේරුම්ගන්න.
2 මාගේ රජ්ජුරුවනි,+ මාගේ දෙවියනි, මා යාච්ඤා කරන්නේ ඔබටය.+උපකාරය පතා මා කරන මොරගැසීමට සවන් දෙන්න.+
3 යෙහෝවා දෙවියනි, උදෑසනින්ම ඔබට මාගේ හඬ ඇසෙනු ඇත.+එසේ ඔබ අමතන මම, ඔබගෙන් පිළිතුරක් ලැබෙන තෙක් බලා සිටින්නෙමි.+
4 ඔබ දුෂ්ටකමට ප්‍රිය කරන දෙවි කෙනෙක් නොවෙයි.+දුෂ්ටයෙකුට එක මොහොතක්වත් ඔබ සමඟ සිටීමට අවසර නොලැබෙයි.+
5 පුරසාරම් දොඩන කිසිවෙකුට ඔබේ අනුමැතිය නොලැබෙන්නේය.+නපුරු දේ කරන්නන්ට ඔබ ද්වේෂ කරන්නෙහිය.+
6 බොරු කියන්නන්ව ඔබ විනාශ කරන්නෙහිය.+ලේ වගුරුවන,+ රැවටිලිකාර අය+ යෙහෝවා දෙවි වන ඔබට පිළිකුලකි.
7 ඔබේ මහත් ප්‍රේමය*+ නිසාමම ඔබේ ගෘහයට එන්නෙමි.+ඔබ කෙරෙහි ගරුබියෙන් යුතුව ඔබේ ශුද්ධ මාලිගාව දෙසට හැරී වැඳ වැටෙන්නෙමි.+
8 යෙහෝවා දෙවියනි, ඔබේ ධර්මිෂ්ඨ මාර්ගයේ මාව ගෙන යමින්+ සතුරන්ගෙන් මාව ආරක්ෂා කරන්න.+ඔබේ මාර්ගයේ දිගටම ගමන් කිරීමට මට උපකාර කරන්න.+
9 මන්ද ඔවුන් කියන කිසිවක් විශ්වාස කළ නොහැක.+ඔවුහු චාටු බස් දොඩති.+ඔවුන්ගේ සිත්* නපුරුකමින් පිරී තිබේ.+ඔවුන්ගේ උගුර විවර වී තිබෙන සොහොනකි.+
10 ඔවුන් වරදකරුවන් බව ඔබ දන්නෙහිය.+ඔවුන්ගේ කූට උපායන්වලට ඔවුහුම හසු වන්නෝය.+ඔවුන් ඔබට විරුද්ධව කැරලිගසා තිබේ.+බොහෝ වැරදි කළ ඔවුන්ව පන්නා දමන්න.+
11 ඔබේ රැකවරණය සොයා එය ලබාගන්නෝ සන්තෝෂවත්ය.+සදහටම ඔවුහු සතුටින් ප්‍රීති ඝෝෂා නඟති.+ඔවුන්ට අනතුරක් කිරීමට ඔබ කිසිවෙකුට ඉඩ නොදෙන්නෙහිය.ඔබේ නාමයට ප්‍රේම කරන්නෝ සතුටින් ඉපිල යන්නෝය.+
12 යෙහෝවා දෙවියනි, ඔබ ධර්මිෂ්ඨයන්ට ආශීර්වාද කරන්නෙහිය.+ඔබේ අනුමැතිය ඔවුන්ට ලබා දෙන්නෙහිය. විශාල පලිහක් මෙන්+ ඔබ ඔවුන්ව ආරක්ෂා කරන්නෙහිය.+
පාදසටහන්
^ මෙම හෙබ්‍රෙව් වචනයෙහි අර්ථය නිශ්චිතව පැවසිය නොහැක. එය නලා වර්ගයක් හෝ එක්තරා තාලයක් විස්තර කිරීමට භාවිත කරන වචනයක් විය හැක.
^ හෝ, “ළැදි ප්‍රේමය.”
^ හෝ, “ඇතුළාන්තය.”
