ගීතාවලිය 25:1-22

දාවිත් රචනා කළ ගීතයකි. א [ආලෙෆ්] 25  යෙහෝවා දෙවියනි, මාගේ සියලු සිතුවිලි මම ඔබට දන්වන්නෙමි.+ ב [බේත්]   මාගේ දෙවියනි, මා විශ්වාසය තබන්නේ ඔබ කෙරෙහිය.+එබැවින් මාව ලැජ්ජාවට පත් වීමට ඉඩ නොදෙන්න.මාගේ දුකේදී මාගේ සතුරන්ට සතුටු වීමට ඉඩ නොදෙන්න.+ ג [ගීමෙල්]   ඔබ කෙරෙහි බලාපොරොත්තු තබන කිසිවෙක් ලැජ්ජාවට පත් නොවන්නේය.+ලැජ්ජාවට පත් වන්නේ මට ද්‍රෝහිකම් කිරීමට උත්සාහ කරන අයය.+ ד [දාලෙත්]   යෙහෝවා දෙවියනි, ඔබේ මාර්ග දැනගැනීමට මට උපකාර කරන්න.+ඔබේ මාවතේ ගමන් කිරීමට මට උගන්වන්න.+ ה [හේ]   සත්‍යය නමැති ඔබේ මාවතේ මාව ගෙන යමින් මට උගන්වන්න.+මන්ද ඔබ මට ගැලවීම සලසා දෙන දෙවිය.+ ו [වාව්] දවස පුරා මා බලාපොරොත්තු තබන්නේ ඔබ කෙරෙහිය.+ ז [ෂායින්]   යෙහෝවා දෙවියනි, ඔබ මහත් ප්‍රේමයකින්* පිරි+ දයාවන්ත දෙවි කෙනෙක් බව අමතක නොකරන්න.+අතීතයේ සිටම ඔබ එම ගුණාංග විදහාපෙන්වා ඇත.+ ח [චේත්]   තරුණ වියේදී මා කළ පාපද මාගේ වැරදිද සිහි නොකරන්න.+යෙහෝවා දෙවියනි, ඔබේ මහත් ප්‍රේමයත්*+යහපත්කමත් මට පෙන්වන්න.+ ט [ටේත්]   යෙහෝවා දෙවි යහපත්ය. අවංකය.+ඔහු පව්කාරයන්ට හරි මඟ කියා දෙන්නේය.+ י [යෝද්]   ඔහු යටහත්පහත් අයට ඔහුගේ නීති පිළිපැදීමට උපකාර කරන්නේය.+ඔවුන්ට ඔහුගේ මාර්ගය ගැන උගන්වන්නේය.+ כ [කෆ්] 10  යෙහෝවා දෙවිගේ ගිවිසුම රකින,+ ඔහුගේ සිහිගැන්වීම්වලට කීකරු වන අයට+ඔහුගේ සියලු මාවත්වල ප්‍රේමය* හා සැබෑකම සම්බ වන්නේය. ל [ලාමෙද්] 11  යෙහෝවා දෙවියනි, මම බරපතළ වැරදි කර ඇත.ඔබේ නාමය වෙනුවෙන්+ මාගේ වැරදිවලට සමාව දෙන්න.+ מ [මෙම්] 12  යෙහෝවා දෙවි කෙරෙහි ගරුබියක් ඇති තැනැත්තා කවුද?+ඔහු තෝරාගත යුතු මාර්ගය කුමක්ද කියා දෙවි ඔහුට කියා දෙන්නේය.+ נ [නුන්] 13  දෙවිගේ යහපත්කම ජීවිත කාලය පුරාම ඔහු අද්දකින්නේය.+ඔහුගේ දරුවෝද පොළොව උරුම කරගන්නෝය.+ ס [සාමෙක්] 14  යෙහෝවා දෙවිට සමීප විය හැක්කේ ඔහු කෙරෙහි ගරුබියක් ඇති අයටය.+තම ගිවිසුම ගැන දෙවි ඔවුන්ට උගන්වන්නේය.+ ע [ආයින්] 15  මාගේ ඇස් යෙහෝවා දෙවි දෙසටම යොමු කර ඇත.+මන්ද එළා තිබෙන දැලෙන් මාගේ දෙපා මුදාගන්නේ ඔහුය.+ פ [පේ] 16  මා දෙස බලා මට කරුණාව පෙන්වන්න.+මන්ද මම තනි වී සිටිමි. පීඩාවලින් වේදනා විඳිමි.+ צ [ට්සාධේ] 17  මාගේ සිතේ දුක් වේදනා බොහෝය.+එබැවින් මා විඳින මේ පීඩාවලින් මාව ගලවාගන්න.+ ר [රේෂ්] 18  මාගේ දුක් කරදර දෙස බලා+මා කළ සියලු පාපවලට මට සමාව දෙන්න.+ 19  බලන්න, මාගේ සතුරෝ බොහෝය.+ඔවුහු මා සමඟ මහත් වෛරයකින් සිටිති. මට හිරිහැර කරන්න ඔවුහු නිතරම උත්සාහ කරති.+ ש [ෂින්] 20  මාගේ ජීවිතය රැක දෙන්න. මාව බේරාගන්න.+මා ඔබගෙන් රැකවරණය පතන බැවින් මාව ලැජ්ජාවට පත් වීමට ඉඩ නොදෙන්න.+ ת [ටාව්] 21  මා විශ්වාසවන්තව කටයුතු කළ නිසාත් ප්‍රතිපත්තිගරුකව ක්‍රියා කළ නිසාත් එය මට ආරක්ෂාවක් වේවා!+මන්ද මම ඔබ කෙරෙහි බලාපොරොත්තු තබමි.+ 22  දෙවියනි, ඊශ්‍රායෙල්වරුන්ගේ සියලු විපත්තිවලින් ඔවුන්ව බේරාගන්න.+

පාදසටහන්

හෝ, “ළැදි ප්‍රේමයකින්.”
හෝ, “ළැදි ප්‍රේමයත්.”
හෝ, “ළැදි ප්‍රේමය.”