ගීතාවලිය 17:1-15

දාවිත්ගේ යාච්ඤාවකි. 17  යෙහෝවා දෙවියනි, මාගේ සාධාරණ ඉල්ලීමට සවන් දෙන්න. මාගේ කන්නලව්වට ඇහුම්කන් දෙන්න.+අවංකව මා කරන මේ යාච්ඤාවට කන් දෙන්න.+   මාගේ මේ කාරණයට තීන්දුව ඔබගෙන් ලැබේවා!+ඔබ එයට සාධාරණ විනිශ්චයක් ලබා දේවා!+   ඔබ මාගේ සිත විමසා බලා රාත්‍රියේදී මාව සෝදිසි කළෙහිය.+ඔබ මා පවිත්‍ර කළෙහිය. මා කුමන්ත්‍රණ නොකළ කෙනෙකු බව ඔබ දකින්නෙහිය.+මම කිසි වැරදි දෙයක් නොකීමට තීරණය කළෙමි.+   මිනිසුන් කෙසේ ක්‍රියා කළත් ඔබ පවසා ඇති දේට එකඟව කටයුතු කිරීමට මම අදිටන් කරගතිමි.සොරා යන මාර්ගයේ නොයෑමට මම වගබලා ගතිමි.+   ඔබ පෙන්වන මාර්ගයේ මම දිගටම ගමන් කරමි.+එවිට මාගේ පය කිසිදා පැටලෙන්නේ නැත.+   දෙවියනි, ඔබ මට පිළිතුරු දෙන නිසා මම ඔබේ නාමයෙන් අයැදිමි.+අනේ, මට කන් දෙන්න. මා කියන දේට ඇහුම්කන් දෙන්න.+   ගැලවුම්කරුවෙනි, ඔබේ රැකවරණය පතන අයට ඔබේ මහත් ප්‍රේමය* විශිෂ්ට අන්දමින් පෙන්වන්න.+ඔබේ බලවත් හස්තයට* විරුද්ධ වන අයගෙන් ඔවුන්ව ආරක්ෂා කරන්න.+   ඇසේ කලු ඉංගිරියාව මෙන් මාව රැකගන්න.+ඔබේ පියාපත් සෙවණෙහි මාව සඟවාගන්න.+   මන්ද දුෂ්ටයෝ මට විරුද්ධව ක්‍රියා කරති.මාගේ ජීවිතය විනාශ කර දැමීමට දැනටමත් සතුරෝ මා වටා රැස්ව සිටිති.+ 10  ඔවුහු තමන්ගේ සිත් දැඩි කරගෙන සිටිති.*+අහංකාර ලෙස කතා කරති.+ 11  අප යන යන තැන ඔවුහු අපව වට කරති.+අපව බිම හෙළන්නේ කොයි මොහොතේද කියා බලා සිටිති.+ 12  ඔවුන් එක් එක් කෙනා ගොදුර ඉරා දමන තෙක් නොඉවසිල්ලෙන් සිටින සිංහයන් මෙනි.+මඟ රැක සිටින තරුණ සිංහයන්ට ඔවුන් සමානය. 13  යෙහෝවා දෙවියනි, ඔවුන්ට විරුද්ධව නැඟී සිටින්න.+ඔවුන්ව පහතට ඇද දමන්න. ඔබේ කඩුව ගෙන දුෂ්ටයාගෙන් මාව ගලවාගන්න.+ 14  යෙහෝවා දෙවියනි, ඔබේ බලවත් හස්තය දිගු කර+ මේ ලෝකයේ මනුෂ්‍යයන්ගෙන්+ මාව ගලවාගන්න.දැන් ගත කරන ජීවිතය ගැන පමණක් සිතන මනුෂ්‍යයන්ගෙන්+ මාව බේරාගන්න.ඔබ රැස් කර තිබෙන යහපත් දෙයින් ඔවුහු තමන්ගේ බඩ පුරවාගනිති.+ඔවුහු දරුපල ලබා තෘප්තිමත් ජීවිතයක් ගත කරති.+ඔවුන්ට පසුව ඔවුන්ගේ දරුවෝද ඔවුන් රැස් කළ සම්පත් භුක්ති විඳිති.+ 15  නමුත් මාගේ ධර්මිෂ්ඨකම නිසා මම ඔබේ මුහුණ දකින්නෙමි.+මම අවදි වන විට ඔබව දැකීමෙන් සතුටු වන්නෙමි.+

පාදසටහන්

හෝ, “ළැදි ප්‍රේමය.”
මූ.අ., “දකුණු හස්තයට.”
මූ.අ., “ඔවුහු තෙලින් තර වී සිටිති.”