ගීතාවලිය 16:1-11

දාවිත් රචනා කළ මික්ටැම්.* 16  දෙවියනි, මා ඔබේ රැකවරණය පතන නිසා මාව ආරක්ෂා කරන්න.+   මම යෙහෝවා දෙවිට මෙසේ කීවෙමි. “ඔබ යෙහෝවා දෙවිය. මා ගත කරන යහපත් ජීවිතයෙන් ඔබට ප්‍රයෝජනයක් තිබේද?+   මාගේ යහපත්කමින් ප්‍රයෝජන ලබන්නේ පොළොවේ සිටින ශුද්ධ තැනැත්තන්ය.උතුම් අය වන ඔවුන් මාගේ සතුටය.”+   වෙනත් දෙවිවරුන්ව පිළිගන්නා අය බොහෝ වේදනා අද්දකිති.+ඔවුන් පාන පූජා ලෙස ලේ ඔප්පු කරන විට මම ඊට සහභාගි නොවන්නෙමි.+ඒ දෙවිවරුන්ගේ නම්වත් මාගේ මුවින් සඳහන් නොකරන්නෙමි.+   යෙහෝවා දෙවිට මා කරන සේවය මාගේ උරුමයයි.+ ප්‍රීතියෙන් පිරුණු මාගේ කුසලානයත් ඔහුයි.+දෙවියනි, මාගේ උරුමය රක්ෂා කරන්නේද ඔබයි.   මට උරුම වූ කොටස ගැන මම සතුටු වෙමි.+ඇත්තෙන්ම ඒ ගැන මම බොහෝ සෙයින් ප්‍රීති වෙමි.   මට මඟ පෙන්වූ යෙහෝවා දෙවිට මම ප්‍රශංසා කරමි.+මාගේ ඇතුළාන්තයටම කාවැදුණු ඒ මඟ පෙන්වීම් රාත්‍රී කාලයේදී මාව නිවැරදි කළේය.+   යෙහෝවා දෙවි සැමවිටම මා ඉදිරියේ සිටිනවා කියා මම විශ්වාස කරමි.+ඔහු මාගේ දකුණු පැත්තේ සිටින නිසා මම නොසැලී සිටිමි.+   මාගේ පවිත්‍ර හදවත ප්‍රීතියෙන් ඉපිල යන්නේය. මම ප්‍රීතියෙන් ඉපිල යන්නෙමි.+මාගේ ජීවිතය ගැන මා තුළ කිසි බියක් නැත.+ 10  මන්ද ඔබ මාව මිනී වළෙහි දිගටම තබන්නේ නැත.+ඔබට පක්ෂපාත තැනැත්තාට මිනී වළෙහි කුණු වීමට ඔබ ඉඩහරින්නේ නැත.+ 11  ජීවනයට යන මාර්ගය මට පෙන්වන්න.+මා ඔබ ඉදිරියේ සිටින විට සැබෑ ප්‍රීතිය ඇත්තේය.+ඔබේ දකුණු පැත්තේ සිටීමෙන් මට සැමදාටම සතුට ලැබෙන්නේය.+

පාදසටහන්

මෙම හෙබ්‍රෙව් යෙදුමේ අර්ථය නිශ්චිතව පැවසිය නොහැක.