ගීතාවලිය 145:1-21
දාවිත් රචනා කළ ප්‍රශංසා ගීතයකි.
א [ආලෙෆ්]
145 රජ්ජුරුවනි, මාගේ දෙවියනි, මම ඔබට ප්‍රශංසා කරන්නෙමි.+ඔබේ නාමයට සදාකාලයෙන් සදාකාලයට ප්‍රශංසා කරන්නෙමි.+
ב [බේත්]
2 දවස මුළුල්ලේම ඔබට ප්‍රශංසා කරන්නෙමි.+සදාකාලයෙන් සදාකාලයට ඔබේ නාමයට ප්‍රශංසා කරන්නෙමි.+
ג [ගීමෙල්]
3 යෙහෝවා දෙවි වන ඔබ ඉතා ශ්‍රේෂ්ඨය. ඔබ බොහෝ සෙයින් ප්‍රශංසාව ලැබීමට වටින්නෙහිය.+ඔබේ ශ්‍රේෂ්ඨත්වය කොතරම්ද කියා දැනගත හැක්කේ කාටද!+
ד [දාලෙත්]
4 පරම්පරාවක් පරම්පරාවක් පාසා ඔබේ ක්‍රියා ගැන ඔබට ප්‍රශංසා කරනු ඇත.+ඔබේ බලවත් ක්‍රියා ගැන ප්‍රකාශ කරනු ඇත.+
ה [හේ]
5 ඔබ තේජශ්‍රීයෙන් කොතරම් උසස්ද කියාත්+ඔබ කර ඇති පුදුමාකාර ක්‍රියා ගැනත් මම ගැඹුරින් කල්පනා කරමි.+
ו [වාව්]
6 බිය උපදවන දේවල් කර ඔබ විදහාපෙන්වූ ඔබේ මහත් බලය ගැන ඔවුහු කතා කරනු ඇත.+ඔබේ ශ්‍රේෂ්ඨත්වය ගැන මම ප්‍රකාශ කරන්නෙමි.+
ז [ෂායින්]
7 ඔබේ යහපත්කම මොන තරම්ද කියා ඔවුහු සැමදා කතා කරනු ඇත.+ඔබේ ධර්මිෂ්ඨකම ගැන ඔවුහු ප්‍රීති ඝෝෂා නඟනු ඇත.+
ח [චේත්]
8 යෙහෝවා දෙවි කරුණාවන්තය. දයාන්විතය.+ඔහු කෝප වීමට ඉක්මන් නොවන්නේය. ඔහු පෙන්වන ප්‍රේමය* අතිමහත්ය.+
ט [ටේත්]
9 යෙහෝවා දෙවි සියල්ලන්ට යහපත කරන්නේය.+තම හස්තයෙන් නිර්මාණය කළ සියල්ලන්ට ඔහු දයාව පෙන්වන්නේය.+
י [යෝද්]
10 යෙහෝවා දෙවියනි, ඔබ සෑදූ සියල්ල ඔබව පසසන්නේය.+ඔබේ විශ්වාසවන්ත සේවකයෝ ඔබට ප්‍රශංසා කරන්නෝය.+
כ [කෆ්]
11 ඔබේ රාජ්‍යයේ තේජස ගැන ඔවුහු වර්ණනා කරන්නෝය.+ඔබේ මහත් බලය ගැන කතා කරන්නෝය.+
ל [ලාමෙද්]
12 එසේ කරන්නේ ඔබේ බලවත් ක්‍රියා ගැනත්+ඔබේ රාජ්‍යයේ තේජස ගැනත්+ සියලු මනුෂ්‍යයන්ට දන්වන පිණිසය.
מ [මෙම්]
13 ඔබේ රජකම සදහටම පවතින්නේය.+ඔබේ පාලනය පරම්පරාවෙන් පරම්පරාවට පවතින්නේය.+
ס [සාමෙක්]
14 වැටී සිටින සියල්ලන්ට නැඟී සිටීමට යෙහෝවා දෙවි උපකාර කරන්නේය.+හෙම්බත්ව නැමී සිටින සියල්ලන්ට කෙළින් සිටගැනීමට ඔහු උදව් කරන්නේය.+
ע [ආයින්]
15 බලාපොරොත්තු ඇතුව සියල්ලෝම ඔබ දෙස බලා සිටිති.+නිසි වේලාවට ඔබ ඔවුන්ට කෑම සපයන්නෙහිය.+
פ [පේ]
16 ඔබේ හස්තය විදහා+ඔබ ජීවමාන සියල්ලන්ගේ ආශාව තෘප්තිමත් කරන්නෙහිය.+
צ [ට්සාධේ]
17 යෙහෝවා දෙවිගේ සියලු මාර්ග ධර්මිෂ්ඨය.+ඔහු කරන සෑම දෙයකින්ම ඔහුගේ විශ්වාසවන්තකම දකින්නට ලැබෙන්නේය.+
ק [කෝෆ්]
18 යෙහෝවා දෙවි තමාට හඬගසන සියල්ලන්ට සමීපව සිටියි.+අවංකකමින් ඔහුට හඬගසන සියල්ලන්ට ඔහු ළංව සිටියි.+
ר [රේෂ්]
19 ඔහුට ගරුබිය දක්වන අයගේ ආශාව ඔහු ඉෂ්ට කරන්නේය.+උපකාරය ඉල්ලා ඔවුන් කන්නලව් කරන විට ඔහු ඔවුන්ට සවන් දී ඔවුන්ව බේරාගන්නේය.+
ש [ෂින්]
20 යෙහෝවා දෙවි තමාට ප්‍රේම කරන සියල්ලන්ව ආරක්ෂා කරන්නේය.+නමුත් සියලු දුෂ්ටයන්ව ඔහු සහමුලින්ම විනාශ කර දමන්නේය.+
ת [ටාව්]
21 මාගේ මුවින් මම යෙහෝවා දෙවිට ප්‍රශංසා කරන්නෙමි.+සියලුදෙනාම ඔහුගේ ශුද්ධ නාමයට සදාකාලයෙන් සදාකාලයට ප්‍රශංසා කරනු ලබත්වා!+
පාදසටහන්
^ හෝ, “ළැදි ප්‍රේමය.”
