ගීතාවලිය 132:1-18
කන්ද නඟින විට ගැයූ ගීතයකි.
132 යෙහෝවා දෙවියනි, දාවිත්ව සිහි කරන්න.+ඔහු අද්දුටු පීඩා අමතක නොකරන්න.+
2 ඔහු යෙහෝවා දෙවි වන ඔබටඑසේය, යාකොබ්ගේ+ බලවත් දෙවි+ වන ඔබට දිවුරා මෙසේ පොරොන්දු වූ හැටි+ අමතක නොකරන්න.
3 “මාගේ නිවසට මම ඇතුල් නොවන්නෙමි.+මාගේ යහන වෙතට මම නොයන්නෙමි.+
4 මාගේ දෑස් පියා නොගන්නෙමි.+මාගේ දෙනෙත්වලින් නින්ද පහ කරන්නෙමි.+
5 යෙහෝවා දෙවිගේ ගිවිසුම් පෙට්ටිය තැබීමට ස්ථානයක් වෙන් කරන තුරු+එසේය, යාකොබ්ගේ බලවත් දෙවිගේ තේජවත් කූඩාරම සඳහා ස්ථානයක් වෙන් කරන තුරු මම එසේ සිටින්නෙමි.”+
6 අපට ගිවිසුම් පෙට්ටිය* ගැන එෆ්‍රාතාහිදී අසන්න ලැබිණ.+තුරුලියෙන් වට වූ ප්‍රදේශයකදී එය අපට සම්බ වුණේය.+
7 අපි දෙවිගේ තේජවත් කූඩාරමට ඇතුල් වෙමු.+ඔහුගේ පා පුටුව ඉදිරියේ වැඳ වැටෙමු.+
8 යෙහෝවා දෙවියනි,ඔබේ තේජවත්+ ගිවිසුම් පෙට්ටිය+ රැගෙන එන විට ඒ සමඟ ඔබත් ඔබේ වාසස්ථානයට පැමිණෙන්න.+
9 දෙවියනි, ඔබේ පූජකයෝ ධර්මිෂ්ඨකම නමැති වස්ත්‍රයෙන් සැරසී සිටිත්වා!+ඔබේ විශ්වාසවන්ත සේවකයෝ ප්‍රීති ඝෝෂා නඟත්වා!+
10 ඔබේ සේවක දාවිත්ට දුන් පොරොන්දුව නිසා+ඔබේ අභිෂේක ලත් තැනැත්තාව ප්‍රතික්ෂේප නොකරන්න.+
11 යෙහෝවා දෙවි දාවිත්ට දිවුරා පොරොන්දුවක් වුණේය.+ඔහු ඒ පොරොන්දුව කිසිදා කඩ නොකරන්නේය.+ ඒ පොරොන්දුව මෙසේය.“ඔබෙන් පැවතෙන්නෙකුව+ඔබේ සිංහාසනයේ හිඳුවන්නෙමි.+
12 ඔබේ පුත්‍රයන් මාගේ ගිවිසුම රක්ෂා කර+මා ඔවුන්ට ලබා දෙන සිහිගැන්වීම්වලට කීකරු වන්නේ නම්,+ඔවුන්ගේ පුත්‍රයෝද සදහටම+ඔබේ සිංහාසනයේ හිඳගනු ඇත.”+
13 යෙහෝවා දෙවි තම වාසස්ථානය ලෙස සියොන් තෝරාගත්තේය.+ඔහු ඊට බොහෝ සෙයින් ආශා කළේය.+
14 “එය සදහටම මාගේ වාසස්ථානය වන්නේය.+එයට බොහෝ සෙයින් මා ආශා කළ බැවින් මම එහි වාසය කරන්නෙමි.+
15 මාගේ ආශීර්වාදය එයට ලැබෙන බැවින් එහි ගබඩා ආහාරවලින් පිරී යන්නේය.+මම එහි වෙසෙන දිලිඳුන්ට ආහාර සපයා දී ඔවුන්ව තෘප්තිමත් කරන්නෙමි.+
16 එහි පූජකයන්ට ගැලවීම නමැති වස්ත්‍රය පළඳවන්නෙමි.+එහි වෙසෙන මාගේ විශ්වාසවන්ත සේවකයෝ නිසැකවම ප්‍රීති ඝෝෂා නඟනු ඇත.
17 දාවිත් සතු ශක්තිය* තව තවත් වැඩි වීමට සලස්වන්නෙමි.+මාගේ අභිෂේක ලත් තැනැත්තාගේ පෙළපත සුරැකීමට මම පියවර ගත්තෙමි.*+
18 ඔහුගේ සතුරන්ට ලැජ්ජාව නමැති වස්ත්‍රය පළඳවන්නෙමි.+නමුත් ඔහුගේ පාලනය*+ සපල වනු ඇත.”+
පාදසටහන්
^ හෝ, “ශුද්ධ කූඩාරම.”
^ මූ.අ., “අඟ.”
^ හෝ, “මාගේ අභිෂේක ලත් තැනැත්තා වෙනුවෙන් මම පහනක් සූදානම් කළෙමි.”
^ මූ.අ., “ඔටුන්න.”
