ගණන් කතාව 24:1-25

24  ඊශ්‍රායෙල් සෙනඟට ආශීර්වාද කිරීමට යෙහෝවා දෙවි කැමති බව බාලාම් තේරුම්ගත් විට ඔහු කලින් වතාවලදී කළාක් මෙන් ඔවුන්ට විරුද්ධව තම මන්තර බලය+ යොදාගත හැකිද කියා පරීක්ෂා කර බැලීමට ගියේ නැත.+ ඔහු පාළුකරය දෙස බැලූ විට  ඊශ්‍රායෙල් සෙනඟ තම තමන්ගේ ගෝත්‍රවලට අනුව කූඩාරම් ගසාගෙන සිටින ආකාරය දුටුවේය.+ ඒ අවස්ථාවේදී දෙවිගේ බලය ඔහු තුළ ක්‍රියාත්මක විය.+  එවිට ඔහු මෙම පණිවිඩය+ දැන්වූවේය. “ඇස් පැහැදුණා වූ+ තැනැත්තා වන බෙයොර්ගේ පුත් බාලාම්ගේ වචන අසන්න.   දෙවිගේ වචනය ප්‍රකාශ වූ තැනැත්තාට ඇහුම්කන් දෙන්න.+ඇස් ඇරී තිබියදීම බිම වැටී+ සියලු බලැති දෙවිගේ දර්ශනයක්+ දුටු ඒ තැනැත්තාගේ වචන මේවාය.   යාකොබ්, ඔබේ කූඩාරම් කොපමණ අලංකාරද! ඊශ්‍රායෙල්, ඔබේ කඳවුර මොන තරම් දැකුම්කලුද!+   ඒවා ඈතට විහිදී යන විශාල නිම්න මෙන්ද+ගඟ අසල තිබෙන අලංකාර උයනක් මෙන්ද+යෙහෝවා දෙවි සිටෙවූ අගිල් ගස්* මෙන්දජලාශ අසල තිබෙන දේවදාර ගස් මෙන්ද පෙනේ.+   ඔහුගේ භාජනවලින් වතුර ඉතිරී යන්නේය.ඔහුගේ බීජ ජලාශ අසල වපුරන්නේය.+ඔහුගේ රජ+ ආගග්ට වඩා උසස් වන්නේය.+ඔහුගේ රාජ්‍යය විශිෂ්ටාකාරයෙන් පිහිටුවනු ලබන්නේය.+   දෙවි ඊජිප්තු දේශයෙන් ඔහුව පිටතට ගෙනාවේය.ඊශ්‍රායෙල්ගේ ගමන කුළු හරකෙකු මෙන් වේගවත්ය.+ඔහුට පීඩා කරන ජාතීන්ව ඔහු ගිල දමන්නේය.+ඊතල විද ඔවුන්ව සුනුවිසුනු කරන්නේය.+ ඔවුන්ගේ ඇටකටු කා දමන්නේය.+   ඔහු සිංහයෙකු මෙන් බිම දිගා විය.සිංහයෙකුව අවදි කරන්න තරම් ධෛර්යය ඇත්තේ කාටද?+ඔබට ආශීර්වාද කරන අයට ආශීර්වාද ලැබෙනු ඇත.+ඔබට ශාප කරන අය පිටට ශාප පැමිණෙනු ඇත.”+ 10  එවිට බාලාක් රජ මහත් සේ උදහස් වී තම අත්ලට ගසාගෙන+ බාලාම්ට මෙසේ කීවේය. “මා ඔබව කැඳෙව්වේ සතුරන්ට ශාප කරන්නයි.+ නමුත් ඔබ තුන් වතාවක්ම ඔවුන්ට බොහෝ සෙයින් ආශීර්වාද කළා. 11  දැන් ඔබ යන තැනකට යන්න. මම හිතාගෙන හිටියේ ඔබව ගෞරවයට පත් කරන්නයි.+ ඒත් යෙහෝවා දෙවි ඊට ඉඩ දුන්නේ නැහැ.” 12  එවිට බාලාම්, රජුට මෙසේ කීවේය. “ඔබ මා ළඟට එවූ පණිවිඩකරුවන්ට මම මෙහෙම කිව්වා නේද? 13  ‘බාලාක් රජ ඔහුගේ මාලිගාව රන් හා රිදීවලින් පුරවා දුන්නත් මට යෙහෝවා දෙවිගේ අණට විරුද්ධව නම් ක්‍රියා කරන්න බැහැ. මම හොඳක් හෝ නරකක් හෝ කරන්න සිතුවත් එය දෙවිගේ කැමැත්තට විරුද්ධ නම් මට ඒ දේ කරන්න බැහැ. යෙහෝවා දෙවි පවසන දේ මිස වෙන කිසිවක් මට කියන්න බැහැ.’+ 14  මම මගේ සෙනඟ වෙතට හැරී යනවා. නමුත් ඊශ්‍රායෙල්වරු මතු දවස්වලදී ඔබේ සෙනඟට කරන දේ+ මම ඔබට කියන්නම්.”+ 15  ඉන්පසු ඔහු මෙම අනාවැකිය කීවේය.+“ඇස් පැහැදුණා වූ තැනැත්තා වන බෙයොර්ගේ පුත් බාලාම්ගේ වචන අසන්න.+ 16  දෙවිගේ වචනය ප්‍රකාශ වූද+මහෝත්තම දෙවි දෙන දැනුම ලැබුවා වූද තැනැත්තාගේ වචන අසන්න.ඇස් ඇරී තිබියදීම බිම වැටී+ සියලු බලැති දෙවිගේ දර්ශනයක් දුටු+ ඒ තැනැත්තාගේ වචන මේවාය. 17  මම ඔහුව දකින්නෙමි.+ එහෙත් දැන් නොවේ.මට ඔහුව පෙනේ. එහෙත් ළඟට නොපෙනේ.යාකොබ්ගෙන් පැවතෙන්නන්ගෙන් තරුවක්+ පායනු ඇත.ඊශ්‍රායෙල්ගෙන් පැවතෙන්නන්ගෙන් රාජ යෂ්ටියක් ඔසවනු ලබන්නේය.+ඔහු මෝවබ්ගේ හිස කැබලි කරන්නේය.+කලහකාරී පුත්‍රයන්ගේ හිස්කබල කුඩු කර දමන්නේය. 18  ඊශ්‍රායෙල් එඩිතරව තම බලය පෙන්වන්නේය.ඒදොම් තම සතුරන්ගේ උරුමය වන්නේය.+සේයිර්+ තම සතුරන්ට අයිති වන්නේය.+ 19  යාකොබ්ගෙන් පැවතෙන්නෙක් ඔවුන්ව යටත් කරගන්නේය.+ඔහු නුවරේ සිටින කිසිවෙකුව ඉතුරු නොකරන්නේය.”+ 20  බාලාම් අමලෙක්වරුන්ව දැක මෙම අනාවැකිය කීවේය.+“අමලෙක්වරු ජාතීන් අතරේ ප්‍රථමයෝය.+නමුත් අවසානයේදී ඔවුහු නැත්තටම නැති වී යන්නෝය.”+ 21  බාලාම්, කේනිවරුන්ව+ දැක මෙම අනාවැකිය කීවේය.“ඔබේ වාසස්ථානය ශක්තිමත්ය. ඔබේ කැදැල්ල පර්වතයක පිහිටා තිබේ. 22  කායන්*+ ගිනිබත් කිරීමට කෙනෙකු පැමිණෙන්නේය.ඇසිරියාව තව ස්වල්ප කාලයකින් ඔබව වහලුන් ලෙස ගෙන යන්නේය.”+ 23  බාලාම් තවදුරටත් මෙම අනාවැකිය ප්‍රකාශ කළේය.“දෙවි ගෙනෙන විනාශයෙන් ගැලවිය හැක්කේ කාටද?+ 24  කිත්තිම්හි+ සිට නැව් පැමිණඇසිරියාවට හිරිහැර කරන්නෝය.+ඔවුහු ඒබර්ටද හිරිහැර කරන්නෝය.නමුත් අවසානයේදී ඔවුහුද* විනාශ වී යන්නෝය.” 25  ඉන්පසු බාලාම් එතැනින් පිටත්ව ගියේය.+ බාලාක් රජද එතැනින් යන්න ගියේය.

පාදසටහන්

සුවඳ පතුරුවන ගස් වර්ගයක්.
එනම්, කේනි ගෝත්‍රය.
මූ.අ., “ඔහුද.”