ක්‍රියා 21:1-40

21  අපි අකමැත්තෙන් වුවද ඔවුන්ගෙන් සමුගෙන අපේ ගමන ආරම්භ කළෙමු. අප කෙළින්ම යාත්‍රා කළේ කොස් නම් දූපත වෙතටය. පසුවදා රෝඩ්ස් නම් දූපත වෙතටත් එතැනින් පටාරා නම් වරායටත් යාත්‍රා කළෙමු.  එහි සිටියදී ෆිනීෂියාව බලා යාත්‍රා කරන නැවක් සොයාගැනීමට අපට හැකි වූ අතර අපි ඒ නැවට නැඟ පිටත් වූයෙමු.  අප සයිප්‍රස් දූපතට ළඟා වූ විට+ එම දූපත තිබුණේ අප ගමන්ගත් නැවට වම් පැත්තෙනි. අපි එය පසු කර දිගටම සිරියාව දෙසට යාත්‍රා කර+ තීර් නුවරෙන් ගොඩ බැස්සෙමු. එහිදී නැවේ බඩුද ගොඩ බාන ලදි.+  අපි එහි සිටි ගෝලයන්ව සොයාගෙන එහි දවස් හතක් නැවතී සිටියෙමු. ඔවුන් පාවුල්ට නැවත නැවතත් පැවසුවේ යෙරුසලමට යෑම සුදුසු දෙයක් නොවන බවය. ඔවුන් එසේ පැවසීමට පෙලඹුණේ දෙවි තම බලය මාර්ගයෙන් ඔවුන්ට අනාවරණය කළ දේ නිසාය.+  ඒ දවස් හත නිම වූ පසු අපි නැවතත් අපේ ගමන ආරම්භ කළෙමු. ස්ත්‍රීන් සහ දරුවන් ඇතුළුව ඔවුන් සියලුදෙනාම අපව ඇරලවීමට නුවරින් පිටතට ආවෝය. එහෙයින් අපි සියලුදෙනාම වෙරළෙහි දණ ගසා+ යාච්ඤා කර,  එකිනෙකාගෙන් සමුගෙන+ නැවට නැග්ගෙමු. ඔවුහු තම තමන්ගේ නිවෙස් බලා හැරී ගියෝය.  අප තීර් සිට ආරම්භ කළ ගමන නිම කළේ ටොලමැයිසය නුවරට ළඟා වූ විටදීය. එහිදී අපි සහෝදරයන්ව හමු වී ඔවුන් සමඟ දවසක් නැවතී සිටියෙමු.  පසුවදා එතැනින් පිටත් වූ අපි, සිසේරියට පැමිණ+ එහි ශුභාරංචිය දේශනා කිරීමට ප්‍රසිද්ධ වූ ෆිලිප්ගේ නිවසේ නවාතැන් ගත්තෙමු. ඔහු, කෑම බෙදා දීමට පත් කළ පුරුෂයන් හත්දෙනාගෙන් එක් කෙනෙකි.+  අනාවැකි කියන අවිවාහක දූවරු හතරදෙනෙක් ඔහුට සිටියෝය.+ 10  අප එහි දවස් ගණනාවක් නැවතී සිටියදී අගබස්+ නම් අනාගතවක්තෘවරයෙක් යුදයේ සිට, 11  අපව හමු වීමට ආවේය. ඔහු පාවුල්ගේ ඉණපටිය ගෙන තමාගේ අත් පා එයින් බැඳගෙන මෙසේ කීවේය. “දෙවි තම බලය මාර්ගයෙන් පවසන්නේ මෙයයි. ‘යුදෙව්වරුන් මෙම ඉණපටිය අයිති පුද්ගලයාව යෙරුසලමේදී මෙයාකාරයෙන් බැඳ+ වෙනත් ජාතීන්ට අයත් මිනිසුන්ට භාර දෙයි.’”+ 12  අපට ඒ දේ ඇසුණු විට අපත් එහි සිටි අයත් පාවුල්ගෙන් නැවත නැවතත් ඉල්ලා සිටියේ යෙරුසලමට නොයන ලෙසය.+ 13  එවිට පාවුල් මෙසේ කීවේය. “මෙහෙම අඬඅඬා හිටියොත්+ මමත් අධෛර්යය වෙයි.+ භය වෙන්න එපා. ස්වාමීන් වන යේසුස්ගේ නාමය වෙනුවෙන් යෙරුසලමේදී මගේ අත් පාවලට විලංගු දමනවාට පමණක් නොවෙයි මැරෙන්න වුණත් මම සූදානම්.”+ 14  ඔහු ගත් තීරණය වෙනස් කළ නොහැකි බව තේරුම්ගත් අපි, “යෙහෝවා දෙවිගේ කැමැත්ත+ සිදු වේවා” කියා පවසමින් නිහඬ වුණෙමු. 15  ඒ දින කිහිපය ගෙවී ගිය පසු අපි ගමන සඳහා සූදානම් වී, යෙරුසලම බලා පිටත් වූයෙමු.+ 16  සිසේරියේ ගෝලයන් කිහිපදෙනෙක්ද+ අප සමඟ පැමිණ අතරමඟදී අප නවාතැන් ගැනීමට සිටි නාසන් නම් පුද්ගලයෙකුගේ නිවසට අපව ගෙන ගියෝය. සයිප්‍රස් දූපතෙන් පැමිණි ඒ තැනැත්තා, මුලින්ම ගෝලයන් වූ අයගෙන් එක් කෙනෙකි. 17  අප යෙරුසලමට ගිය විට+ සහෝදරයෝ අපව සාදරයෙන් පිළිගත්තෝය.+ 18  පසුවදා පාවුල් අප සමඟ යාකොබ්ව හමු වීමට ගියේය.+ වැඩිමහල්ලෝ සියලුදෙනාම එහි සිටියෝය. 19  ඔහු ඔවුන්ට සුබ පතා තමාගේ සේවය මගින් දෙවි වෙනත් ජාතීන් අතරේ කළ දේවල් ගැන+ සවිස්තර වාර්තාවක් ඉදිරිපත් කළේය.+ 20  ඒ සියලු තොරතුරු අසාගෙන සිටි ඔවුහු, දෙවිට ප්‍රශංසා කළෝය. ඉන්පසු ඔවුහු ඔහුට මෙසේ කීවෝය. “සහෝදරය, යුදෙව්වන් අතරේ යේසුස්ගේ අනුගාමිකයන් දහස් ගණනක් සිටින බව ඔබ දන්නවා. ඔවුන් නීතියට ඉතාමත් ළැදියි.+ 21  නමුත් ඔවුන්ට ආරංචි වී තිබෙන්නේ මෝසෙස්ට දෙන ලද නීතියට විරුද්ධ දෙයක් කිරීමට+ ඔබ වෙනත් ජාතීන් අතර සිටින සියලු යුදෙව්වන්ට උගන්වනවා කියායි. ඔවුන් සිතාගෙන සිටින්නේ දරුවන්ව චර්මච්ඡේදනය කිරීම අවශ්‍ය නැති බවත්+ නීතියේ පිළිගත් පිළිවෙත් රැකීම අවශ්‍ය නැති බවත් ඔබ උගන්වනවා කියායි. 22  දැන් ඔබ පැමිණ ඇති බව ඔවුන්ට කෙසේ හෝ ආරංචි වෙයි. ඒ නිසා ඒ ගැන අපි මොනවාද කරන්නේ? 23  අපි කැමතියි ඔබට යම් දෙයක් යෝජනා කරන්න. දෙවිට භාරයක් වී සිටින මිනිසුන් හතරදෙනෙක් අප සමඟ සිටිනවා. 24  ඒ මිනිසුන් සමඟ ගොස්+ චාරිත්‍රානුකූලව පවිත්‍ර වෙන්න. ඔවුන්ගේ හිස් බූ ගෑමට+ අවශ්‍ය වියදම්ද දරන්න.+ ඔබ එහෙම කළොත් ඔබ ගැන පැතිර ඇති කටකතාවල කිසි සත්‍යයක් නැති බවත් ඔබ යහපත් ලෙස හැසිරෙන, නීතියට එකඟව කටයුතු කරන කෙනෙක් බවත් සියලුදෙනාටම දැනගන්න ලැබෙයි.+ 25  වෙනත් ජාතීන් අතර සිටින යේසුස්ගේ අනුගාමිකයන්ට අප දැනටමත් අපේ තීරණය දන්වා තිබෙනවා. එනම් ඔවුන් දේවතා රූපවලට පූජා කළ දේවලින්,+ ලේවලින්,+ බෙල්ල මිරිකා මැරූ සතුන්ව ආහාරයට ගැනීමෙන්+ සහ වේශ්‍යාකමින්*+ දිගටම වැළකී සිටිය යුතු බවයි.” 26  පසුවදා පාවුල් ඒ මිනිසුන් සමඟ ගොස් ඔවුන් සමඟ තමාවද චාරිත්‍රානුකූලව පවිත්‍ර කරගත්තේය.+ ඉන්පසු ඔහු දේවමාලිගාවට ඇතුල් වී චාරිත්‍රානුකූලව පවිත්‍ර වීම සඳහා වෙන් කර ඇති දවස් නිම වන්නේ කවදාද කියාත්+ ඔවුන් එක් එක් කෙනා සඳහා+ පූජාවක් ඔප්පු කළ යුතු දවස කුමක්ද කියාත්+ දැනුම් දුන්නේය. 27  එම චාරිත්‍රය සඳහා වෙන් කර තිබූ දවස් හත+ නිම වීමට ළං වූ විට ආසියාවෙන් පැමිණි යුදෙව්වරු, පාවුල් දේවමාලිගාවේ සිටිනවා දුටුවෝය. එවිට ඔවුහු රැස්ව සිටි මුළු සමූහයාව උසිගන්වා මහත් කලබලයක් ඇති කර+ ඔහුව අල්ලාගෙන, 28  මෙසේ කෑගැසුවෝය. “ඊශ්‍රායෙල් ජනයෙනි, ඇවිත් උදව් කරන්න! අපේ ජනතාවටත් නීතියටත් මෙම ස්ථානයටත් විරුද්ධව හැම තැනම වැරදි ඉගැන්වීම් පතුරුවන්නේ මේ මිනිසායි.+ ඒ මදිවට ඔහු ග්‍රීකවරුන්වත් දේවමාලිගාව ඇතුළට ගෙනැවිත් මේ ශුද්ධස්ථානය අපවිත්‍ර කරනවා.”+ 29  එම චෝදනාව ඔහුට විරුද්ධව එල්ල කරනු ලැබුවේ එෆීසයේ වැසියෙකු වූ ත්‍රොෆිමස්+ කලින් අවස්ථාවකදී ඔහු සමඟ නුවරේ සිටිනවා ඔවුන් දුටු නිසාය. නමුත් පාවුල් ඔහුව දේවමාලිගාව තුළට ගෙනාවේ නැත. 30  මුළු නුවර පුරාම කෝලහලයක් ඇති වූ නිසා+ සෙනඟ එහෙ මෙහෙ දුවන්න පටන්ගත්තෝය. කිහිපදෙනෙක් පාවුල්ව අල්ලා දේවමාලිගාවෙන් පිටතට ඇදගෙන ගිය අතර+ එසේ කළ වහාම දේවමාලිගාවේ දොරටු වසා දමන ලදි. 31  සෙනඟ ඔහුව මරා දැමීමේ අදහසින් ඔහුට පහර දෙන අතරතුරේදී, මුළු යෙරුසලම පුරාම මහත් කෝලහලයක් හටගෙන ඇති බව හමුදාපතිට ආරංචි විය.+ 32  ඔහු වහාම හේවායින් පිරිසක් සහ හමුදා නිලධාරීන් කිහිපදෙනෙකුව රැගෙන කෝලහලය සිදු වූ තැනට දිව ගියේය.+ පාවුල්ට පහර දෙමින් සිටි පිරිස හමුදාපතිව+ හා හේවායන්ව දුටු වහාම පාවුල්ට පහර දීම නතර කළෝය. 33  ඉන්පසු හමුදාපති ඔවුන් ළඟට ඇවිත් පාවුල්ව දම්වැල් දෙකකින් බැඳ තබන්න කියා+ අණ කර පාවුල් පිළිබඳ තොරතුරු සහ ඔහු කළ දේ ගැන සමූහයාගෙන් විමසුවේය. 34  ඔවුන් අතරින් කිහිපදෙනෙක් කෑගසමින් පරස්පර විරෝධී දේවල් කියන්න පටන්ගත්තෝය.+ ඇති වූ කෝලහලය නිසා ඔහුට කිසිවක් නිවැරදි ලෙස දැනගත නොහැකි විය. එහෙයින් පාවුල්ව හමුදා කඳවුරට රැගෙන යන්න කියා හමුදාපති අණ කළේය.+ 35  නමුත් ඔහු එහි පඩි පෙළ නඟින විට සමූහයා කොතරම් දරුණු ලෙස ක්‍රියා කරන්න පටන්ගත්තාද කිවහොත් පාවුල්ව උසුලාගෙන යෑමට හේවායන්ට සිදු විය. 36  මන්ද “ඔහුව මරා දමන්න”+ කියා කෑගසමින් ඔවුහු ඔවුන් පසුපසම ගියෝය. 37  තමාව හමුදා කඳවුර ඇතුළට ගෙන යන්න සූදානම් වූ විට පාවුල් හමුදාපතිට මෙසේ කීවේය. “ඔබට යමක් කියන්න මට අවසර තිබෙනවාද?” එවිට හමුදාපති මෙසේ පිළිතුරු දුන්නේය. “ඔබට ග්‍රීක බස කතා කරන්නත් පුළුවන්ද? 38  මීට දවස් කිහිපයකට කලින් කැරැල්ලක් ඇති කර,+ ඊටපස්සේ මැරයන් හාරදහසක් සමඟ පාළුකරයට ගිය අර ඊජිප්තු කැරලිකාරයා ඔබ නේද?” 39  එවිට පාවුල් මෙසේ කීවේය. “නැහැ, මම යුදෙව්වෙක්.+ මම සිලීසියා නම් ප්‍රදේශයේ ටාසස්+ නම් ප්‍රසිද්ධ නුවරේ පුරවැසියෙක්. ඒ නිසා මම ඔබෙන් බැගෑපත්ව ඉල්ලා සිටින්නේ මේ සමූහයාට කතා කරන්න මට අවසර දෙන්න කියායි.” 40  ඔහු අවසර දුන් විට පාවුල් පඩි පෙළ මත සිටගෙන, සෙනඟට අතින් සංඥාවක් කළේය.+ සියලුදෙනාම නිශ්ශබ්ද වූ විට ඔහු සෙනඟව හෙබ්‍රෙව් බසින්+ අමතා පැවසුවේ මෙසේය.

පාදසටහන්

එනම්, අවිවාහකයෙකු හෝ විවාහකයෙකු ලිංගික දුරාචාරයේ යෙදීම. උපග්‍ර. 8 බලන්න.