එෆීස 1:1-23

1  මෙම ලිපිය ඔබට ලියන්නේ දෙවිගේ කැමැත්තට එකඟව+ යේසුස් ක්‍රිස්තුස්ගේ නියෝජිතයෙකු*+ ලෙස සේවය කරන පාවුල් වන මමය. මෙය ලියන්නේ එෆීසයේ සිටින ශුද්ධ තැනැත්තන්ටය. එනම් ක්‍රිස්තුස් යේසුස් සමඟ එකට බැඳී සිටිමින්+ දෙවිට විශ්වාසවන්තව සිටින අයටය.+  අපගේ පියාණන් වන දෙවිගෙන් සහ ස්වාමීන් වන යේසුස් ක්‍රිස්තුස්ගෙන් ඔබට මහත් කරුණාවත්+ සමාදානයත්+ ලැබේවා!  අපගේ ස්වාමීන් වන යේසුස් ක්‍රිස්තුස්ගේ+ පියාණන් වන දෙවිට ප්‍රශංසා වේවා! මන්ද ක්‍රිස්තුස් සමඟ එකට බැඳී සිටිමින් ස්වර්ගික වාසස්ථානවල සිටින අපට+ ඔහු තම බලය ලබා දී බොහෝ සෙයින් ආශීර්වාද කර ඇත.+  පොළොවේ දරුවන් බිහි වීමට කලින්ම*+ දෙවි අපව ක්‍රිස්තුස් සමඟ එකට බැඳී සිටීමට තෝරාගැනීමෙන්+ එය පැහැදිලි වේ. එසේ කළේ දෙවිට ප්‍රේමයක් ඇති අප,+ ඔහු ඉදිරියේ ශුද්ධව හා නිකැළැල්ව+ සිටීම සඳහාය.  යේසුස් ක්‍රිස්තුස් මාර්ගයෙන් තමාගේ පුත්‍රයන්+ ලෙස අපව පිළිගන්නා බව+ දෙවි කලින්ම තීරණය කළේය.+ ඔහු ඒ දේ කළේ එය තමාගේ කැමැත්තට එකඟ දෙයක් මෙන්ම තමාට ප්‍රසන්න වූ දෙයක් නිසාය.+  එමෙන්ම තම අතිමහත් කරුණාව+ සියලුදෙනාගේ ප්‍රශංසාවට ලක් කිරීම සඳහාය.+ එම මහත් කරුණාව ඔහු තම ප්‍රේමණීය පුත්‍රයා+ මාර්ගයෙන් අපට මහත් ආදරයකින් පෙන්වූවේය.  ඔහුගේ පුත්‍රයා තම රුධිරය මාර්ගයෙන්+ අප වෙනුවෙන් වන්දියක් ගෙවා අපව නිදහස් කර ඇත. දෙවි අප වෙනුවෙන් ත්‍යාගශීලීව පෙන්වා ඇති ඒ මහත් කරුණාව නිසා+ අප කර ඇති වැරදිවලට සමාව ලබාගැනීමට+ අපට හැකි වේ.  අපට ඒ මහත් කරුණාව ඉතා ත්‍යාගශීලීව පෙන්වා ඇති දෙවි අපට හොඳ ප්‍රඥාවක්ද+ හොඳ සිහිබුද්ධියක්ද ලබා දී ඇත.  එසේ කිරීමෙන් ඔහු පරිශුද්ධ රහසක්+ වූ තම කැමැත්ත ගැන අපව දැනුවත් කළේය. ඒ පරිශුද්ධ රහස ඔහු කිරීමට සතුටු වන දේ හා ඔහු අරමුණු කරන දේට එකඟය.+ 10  ඔහුගේ අරමුණ ඉටු වීම සඳහා ඔහු නියමිත කාල සීමාවක් පුරා දිව යන+ යම් වැඩපිළිවෙළක්+ ක්‍රියාත්මක කළේය. එමගින් ස්වර්ගයෙහි+ හා පොළොවෙහි+ තිබෙන සියල්ල නැවතත් ක්‍රිස්තුස් යටතේ+ එක්සත් කරනු ලැබේ.+ ඒ සියල්ල එක්සත් කරනු ලබන්නේ ක්‍රිස්තුස් යටතේය. 11  එලෙසම ඔහු සමඟ එකට බැඳී සිටින අය ලෙස අපට උරුමයක්ද+ දෙවි ලබා දී ඇත. මන්ද දෙවි අපව තෝරාගැනීමට කලින්ම ඒ ගැන තීරණයක් ගත් අතර ඔහු එසේ කළේ තමාගේ අරමුණට එකඟවය. දෙවි ඒ සෑම පියවරක්ම ගත්තේ තම කැමැත්තට අනුවය.+ 12  එසේ කළේ ක්‍රිස්තුස් කෙරෙහි මුලින්ම බලාපොරොත්තු තැබූ අප+ දෙවිට ප්‍රශංසාවත් ගෞරවයත් ලබා දීම සඳහාය.+ 13  දෙවි ඔබව ගලවන ආකාරය පිළිබඳ ශුභාරංචිය+ ඇතුළත් සත්‍ය ඉගැන්වීම්වලට+ ඔබ සවන් දුන් පසු ඔබට ක්‍රිස්තුස් ගැන බලාපොරොත්තුවක් ඇති විය. එලෙසම ඔබට විශ්වාසයක් ඇති වූ පසු දෙවි පොරොන්දු වූ ලෙස තම බලයෙන්+ ඔබව මුද්‍රා කළේය.+ එසේ කළේ ක්‍රිස්තුස් මාර්ගයෙනි. 14  ඒ බලය අපට ඉදිරියේදී උරුම වන දේට+ සහතිකයකි.+ දෙවිගේ බලයෙන් ඔබව එලෙස මුද්‍රා කළේ දෙවිගේ සෙනඟ+ වෙනුවෙන් ගෙවා ඇති වන්දිය+ පදනම් කරගෙන ඔබට නිදහස ලබා දීමටය. එයින් දෙවිට සියලු ප්‍රශංසාව හා ගෞරවය හිමි වේ. 15  ස්වාමීන් වන යේසුස් කෙරෙහි ඔබට විශ්වාසයක් ඇති බවත් ඒ විශ්වාසය ඔබ සියලු ශුද්ධ තැනැත්තන්ට සලකන ආකාරය මගින් දැකිය හැකි බවත් මට ආරංචි වී ඇති නිසා,+ 16  මම නිරතුරුවම ඔබ ගැන දෙවිට ස්තුති කරමි. එලෙසම මම නිතරම මගේ යාච්ඤාවලදී ඔබ ගැන සඳහන් කරන්නෙමි.+ 17  එසේ කරන්නේ ඔබට අපගේ ස්වාමීන් වන යේසුස් ක්‍රිස්තුස්ගේ දෙවිගෙන් එනම්, තේජවත් පියාණන්ගෙන් බලය ලබාගැනීම සඳහාය. ඔහු පිළිබඳ නිවැරදි දැනුමක් ලබාගැනීම සඳහා+ ඔහු එළිදරව් කරන දේවල් අවබෝධ කරගැනීමට එම බලය ඔබට උපකාර කරනු ඇත. එමගින් ඔබ ප්‍රඥාවන්තයන් වනු ඇත.+ 18  අන්ධ වූ ඇස් පැහැදෙන ආකාරයටම+ ඔබේ සිත්වලට කාරණා හොඳින් අවබෝධ කරගැනීමට+ දෙවි ඔබට දැනටමත් හැකියාව ලබා දී ඇත. එහෙයින් කැඳවනු ලැබූ අය ලෙස ඔහු ඔබට දී ඇති බලාපොරොත්තුව ගැනත්+ සියලුම ශුද්ධ තැනැත්තන්ට+ උරුමයක් ලෙස ඔහු ලබා දෙන තේජවත් සම්පත් ගැනත්+ ඔබට පැහැදිලි අවබෝධයක් ලබා දෙන්න කියා යාච්ඤා කරමි. 19  එසේම දෙවිව විශ්වාස කරන අපට ඔහු තම අතිමහත් බලය කොතරම් ශ්‍රේෂ්ඨ ආකාරයකින් විදහාපෙන්වා ඇද්ද+ යන්න ගැන ඔබට අවබෝධයක් ලබා දෙන්න කියාත් ඉල්ලා යාච්ඤා කරමි. එම බලය කොතරම් ශ්‍රේෂ්ඨද කියා එය ක්‍රියාත්මක වී ඇති ආකාරයෙන්+ දැකිය හැක. 20  දෙවි ක්‍රිස්තුස්ව මරණයෙන් නැඟිටුවා+ ස්වර්ගීය ස්ථානවල+ තම දකුණු පැත්තෙහි+ ඉඳගැනීමට අවස්ථාව ලබා දුන්නේ එම බලය මාර්ගයෙනි. 21  ඔහු සිටින ඒ ස්ථානය ගෙවී යන මේ කාලයේදී පමණක් නොව+ ඉදිරියේදී+ තිබෙන සියලුම ආණ්ඩුවලටත් අධිකාරීන්ටත් බලධාරීන්ටත් පාලකයන්ටත්+ උසස් නාම දරන සියලුදෙනාටත්+ වඩා ඉහළින් පිහිටා ඇති ස්ථානයකි. 22  එමෙන්ම දෙවි ඔහුගේ පාදවලට සියල්ල යටත් කර+ සභාවේ ප්‍රයෝජනය උදෙසා ඔහුව සියලු දේවල් කෙරෙහි හිස ලෙස පත් කළේය.+ 23  සභාව ඔහුගේ ශරීරය වන අතර+ එය තුළ ඔහුගේ ගුණාංග පූර්ණ ලෙස පිළිබිඹු වේ.+ එලෙසම සෑම දෙයක්ම සම්පූර්ණ වන්නේ ඔහු මාර්ගයෙනි.+

පාදසටහන්

හෝ, “යවනු ලැබූවෙකු.”
මතෙ 25:34හි පාදසටහන බලන්න.