එළිදරව් 19:1-21

19  ඒ දේවලට පසු මහත් සමූහයකගේ ප්‍රබල හඬකට සමාන හඬක් මට ස්වර්ගයෙන් ඇසිණ.+ ඔවුහු මෙසේ කීවෝය. “ජනයෙනි, හලෙලූයා!*+ ගැලවීම+ ලබා දෙන්නේ අපගේ දෙවිය. ඔහුට සියලුම ප්‍රශංසාව හා ගෞරවය හිමි විය යුතුයි.+  මන්ද ඔහු විශ්වාසවන්තව හා ධර්මිෂ්ඨව විනිශ්චය කරයි.+ තම වේශ්‍යාකමින්* මුළු මහත් පොළොවම දූෂණය කළ මහා වේශ්‍යාවට නියම කළ විනිශ්චය ඔහු ක්‍රියාත්මක කර ඇත. එලෙසම ඔහුගේ දාසයන්ගේ ලේවලට වග කිව යුතු ඇයට විරුද්ධව ඔහු යුක්තිය ඉටු කර ඇත.”+  ඒ මොහොතේම ඔවුහු දෙවෙනි වරටත්, “ජනයෙනි, හලෙලූයා!+ ඇගෙන් නික්මෙන දුම සදහටම නඟින්නේය”+ කියා පැවසුවෝය.  වැඩිමහල්ලෝ විසිහතරදෙනාද+ ජීවීන් හතරදෙනාද+ වැඳ වැටී සිංහාසනය මත ඉඳගෙන සිටින දෙවිට+ නමස්කාර කර, “ආමෙන්! ජනයෙනි, හලෙලූයා”+ කියා පැවසුවෝය.  එලෙසම සිංහාසනයෙන් පැමිණි හඬක් මෙසේ කීවේය. “අපගේ දෙවිගේ සියලු දාසයෙනි, ඔහුට ගරුබිය දක්වන සියලුම තරාතිරම්වලට අයත් සියල්ලෙනි,+ ඔහුට නොකඩවා ප්‍රශංසා කරන්න.”+  ඉන්පසු මට තවත් ප්‍රබල හඬක් ඇසිණ. එය මහත් සමූහයකගේ හඬ මෙන්ද ගලා බසින විශාල ජල ධාරාවක සහ ප්‍රබල ගිගුරුම්වල හඬ මෙන්ද විය. ඒ හඬින් නික්මුණේ මෙම වචනයි. “ජනයෙනි, හලෙලූයා!+ මන්ද අපගේ දෙවි වන සියලු බලැති+ යෙහෝවා දෙවි රජකම් කිරීමට පටන්ගෙන ඇත.+  අපි ප්‍රීති වෙමු. ප්‍රීතියෙන් ඉපිල යමු. එලෙසම ඔහුට සියලු ප්‍රශංසා හා ගෞරවය ලබා දෙමු.+ මන්ද බැටළු පැටවාගේ විවාහය+ සිදු වන අවස්ථාව පැමිණ තිබේ.+ ඔහුගේ භාර්යාවද ඒ විවාහය සඳහා සූදානම්ව සිටියි.+  ඇත්තෙන්ම ඇය අවසර ලබා සිටින්නේ පිරිසිදු, අනගි ලිනන් සළුපිළිවලින් සැරසී සිටීමටය. එසේ වන්නේ ඒ පිරිසිදු ලිනන්වලින් ශුද්ධ තැනැත්තන්ගේ ධර්මිෂ්ඨ ක්‍රියා නියෝජනය වන නිසාය.+  එවිට දේවදූතයා මට මෙසේ පවසයි. “බැටළු පැටවාගේ විවාහ උත්සවයේ සන්ධ්‍යා භෝජනයට+ ආරාධනා කරනු ලැබූ අය සන්තෝෂවත්ය+ කියා ලියන්න.” “දෙවි පවසන ඒ වදන් විශ්වාසවන්තය”+ කියාද ඔහු මට පවසයි. 10  මම ඔහුට නමස්කාර කිරීමේ අදහසින් ඔහුගේ පාමුල වැඳ වැටුණෙමි.+ එවිට ඔහු මට මෙසේ පැවසුවේය. “පරෙස්සම් වන්න! එසේ නොකරන්න!+ මා ඔබද යේසුස් ගැන සාක්ෂියක් දැරීමේ කාර්යය පවරා ඇති ඔබේ සහෝදරයන්ද හා සමාන සෙසු දාසයෙකු පමණි.+ ඔබ නමස්කාර කළ යුත්තේ දෙවිටය.+ මන්ද මෙම අනාවැකි පළ කරනු ලබන්නේ යේසුස් ගැන සාක්ෂි දැරීමේ අරමුණ ඉටු කිරීම සඳහාය.”+ 11  එවිට ස්වර්ගය විවෘත වී තිබෙන ආකාරය මට දැකගත හැකි විය. බලන්න, මා දුටුවේ සුදු අශ්වයෙකි.+ එම අශ්වයා මත ඉඳගෙන සිටි තැනැත්තා විශ්වාසවන්ත+ හා සැබෑ කෙනෙකු+ ලෙස හඳුන්වා තිබිණ. ඔහු විනිශ්චය කරන ආකාරයත් යුද්ධ කරන ආකාරයත් ධර්මිෂ්ඨය.+ 12  ඔහුගේ ඇස් ගිනිසිළු මෙනි.+ ඔහුගේ හිස මත බොහෝ ඔටුනුද තිබේ.+ ඔහු මත කිසිවෙකු නොදන්නා නමක් ලියා තිබේ.+ ඒ නම කුමක්ද කියා දැනගෙන සිටින්නේ ඔහු පමණි. 13  ඔහු සැරසී සිටින්නේ ලේ ඉසිනු ලැබූ සුදු වස්ත්‍රයකිනි.+ ඔහුව හඳුන්වන්නේ දෙවිගේ ‘වචනය’+ යන නාමයෙනි. 14  එලෙසම ඔහු පිටුපසින් ස්වර්ගයේ සිටින සේනාවෝ සුදු අශ්වයන් පිට පැමිණෙන්නෝය. ඔවුන් පැළඳ සිටින්නේ පිරිසිදු සුදු, අනගි ලිනන් වස්ත්‍රයි. 15  ඔහුගේ මුවින් ඉතා තියුණු දිග කඩුවක් නික්මෙන්නේය.+ ඒ කඩුව ඔහු භාවිත කරන්නේ ජාතීන්ට පහර දීම සඳහාය. ඔහු ඔවුන්ව පලවාහරින්නේ යකඩ දණ්ඩක් අතැතිව සිටින එඬේරෙකු මෙනි.+ එලෙසම ඔහු සියලු බලැති දෙවිගේ+ අතිමහත් උදහස නියෝජනය කරන මිදි මඩින යන්ත්‍රයේ මිදි පාගන්නේය.+ 16  ඔහුගේ කළව ප්‍රදේශය මත වැටී තිබෙන පිටත වස්ත්‍රය මත නමක් ලියා තිබේ. එනම් රජවරුන්ගේ රජුය, ස්වාමිවරුන්ගේ ස්වාමියාය යන නාමයයි.+ 17  ඉන්පසු මම හිරු රැස්වලින් වට වූ තවත් දේවදූතයෙක් දුටුවෙමි. මහත් හඬකින් කෑගැසූ ඔහු අහසෙහි පියාසර කරන සියලුම කුරුල්ලන්ට මෙසේ කීවේය.+ “දෙවිගේ මහත් සන්ධ්‍යා භෝජනය සඳහා එක් රැස් වන්න. 18  එවිට රජවරුන්ගේ මස් මාංසද+ සෙන්පතීන්ගේ මස් මාංසද ශක්තිමත් මිනිසුන්ගේ මස් මාංසද+ අශ්වයන්ගේ සහ උන් පිට ඉඳගෙන සිටින අයගේ මස් මාංසද+ දාසයන්ගේද නිදහස් මිනිසුන්ගේද සියලුම තරාතිරම්වලට අයත් සියලුදෙනාගේ මස් මාංසද ආහාර ලෙස කෑමට ඔබට පුළුවන.” 19  එවිට මම මෘගයාද+ පොළොවේ රජවරුන්ද+ ඔවුන්ගේ සේනාවන්ද දුටුවෙමි. ඔවුන් එක් රැස්ව සිටියේ අශ්වයා පිට ඉඳගෙන සිටි තැනැත්තාටත්+ ඔහුගේ සේනාවටත් විරුද්ධව යුද්ධ කිරීමටය.+ 20  එවිට මෘගයාවද+ ඌ ඉදිරිපිට ලකුණු සිදු කරමින්+ මෘගයාගේ සලකුණ ලැබූ අයව+ හා උගේ රූපයට නමස්කාර කරන අයව+ නොමඟ යැවූ බොරු අනාගතවක්තෘවරයාවද+ අල්ලාගන්නා ලදි. ඒ දෙදෙනාව පණපිටින් ගෙන්දගමින් දැවෙන ගිනිවිලට හෙළනු ලැබීය.+ 21  නමුත් ඉතුරුව සිටි අය අශ්වයා පිට ඉඳගෙන සිටින තැනැත්තාගේ+ කටින් නික්මෙන දිග කඩුවෙන් මැරුම් කෑවෝය.+ සියලුම කුරුල්ලෝ+ ඔවුන්ගේ මස් මාංස කමින්+ තෘප්තිමත් වූහ.+

පාදසටහන්

එනම්, යෙහෝවා දෙවිට ප්‍රශංසා කරන්න. හෙබ්‍රෙව් බසින්, හලෙලූයා.
එනම්, අවිවාහකයෙකු හෝ විවාහකයෙකු ලිංගික දුරාචාරයේ යෙදීම. උපග්‍ර. 8 බලන්න.