එස්රා 3:1-13

3  අවුරුද්දේ හත්වන මාසය+ වන විට සියලුම ඊශ්‍රායෙල්වරු තම තමන්ගේ නුවරවල පදිංචි වී සිටියෝය. ජනයා එකා මෙන්+ යෙරුසලමට+ රැස් වූහ.  යෙහොෂාදාක්ගේ පුත් යේෂුවා+ හා පූජකයන් වූ ඔහුගේ සහෝදරයෝද ෂෙයල්ටියල්ගේ+ පුත් සෙරුබාබෙල්+ හා ඔහුගේ සහෝදරයෝද එකතු වී පූජාසනය නැවත ගොඩනැඟුවෝය. ඔවුන් එසේ කළේ, සැබෑ දෙවිගේ සේවකයෙකු වූ මෝසෙස්ට දෙන ලද නීතියේ සඳහන් වන ආකාරයට+ ඊශ්‍රායෙල්හි දෙවිට දවන පූජා ඔප්පු කරන පිණිසය.  ඔවුහු කලින් තිබූ ස්ථානයේම පූජාසනය ගොඩනඟා+ ඒ මත යෙහෝවා දෙවිට දවන පූජා ඔප්පු කළෝය. ඔවුන් ඒ සඳහා පියවර ගත්තේ අවට සිටි ජාතීන්ට බියෙන් සිටි නිසාය.+ උදේ සවස ඔප්පු කළ යුතු දවන පූජා ඔවුහු ඒ මත ඔප්පු කළෝය.+  ඉන්පසු ඔවුහු නීතියේ ලියා තිබෙන ආකාරයටම+ පැල් උත්සවය+ පැවැත්වූහ. ඔවුහු ඒ කාලය අතරතුරේදී සෑම දිනකම ඒ දවසට නියමිත දවන පූජා ප්‍රමාණය ඒ අයුරින්ම ඔප්පු කළෝය.+  ඒ කාලයෙන් පසුවත් දිනපතා ඔප්පු කරන දවන පූජාද+ නව සඳ පායන දවස්වලදී+ මෙන්ම යෙහෝවා දෙවි වෙනුවෙන් පවත්වන උත්සව දවස්වලදී+ ඔප්පු කරන පූජාද යෙහෝවා දෙවිට සෙනඟ සිය කැමැත්තෙන්ම ගෙනා+ පූජාද නොකඩවාම පූජාසනය මත ඔප්පු කරන ලදි.  මෙසේ ඔවුහු හත්වන මාසයේ පළමුවනදා+ සිට යෙහෝවා දෙවිට දවන පූජා ඔප්පු කරන්න පටන්ගත්තෝය. ඒ වන විටත් යෙහෝවා දෙවිගේ මාලිගාව නැවත ගොඩනැඟීම සඳහා අත්තිවාරම් දමා තිබුණේ නැත.  ඔවුහු දේවමාලිගාව ගොඩනැඟීමේ කටයුතු ආරම්භ කිරීම සඳහා ගල් කඩන්නන්ට+ හා කැටයම්කරුවන්ට+ අවශ්‍ය මුදල්+ ලබා දුන්නෝය. ඔවුහු සීදොන්හි+ සහ තීර්හි+ වැසියන්ට කෑම+ බීමද තෙල්ද+ ලබා දෙමින් ලෙබනොන්+ දේශයේ සිට යොප්පාව+ දක්වා මුහුදෙන් දේවදාර ලී ගෙන්වාගත්තෝය. මේ සෑම දෙයක්ම සිදු වූයේ පර්සියාවේ රජු වූ සයිරස්ගේ+ අවසරය ඇතුවය.  සැබෑ දෙවිගේ ගෘහය පිහිටා තිබූ ස්ථානය වන යෙරුසලමට පැමිණීමෙන් පසු, දෙවන අවුරුද්දේ දෙවන මාසයේදී+ ගොඩනැඟීමේ කටයුතු ආරම්භ කරන ලදි. ෂෙයල්ටියල්ගේ+ පුත් සෙරුබාබෙල්ද+ යෙහොෂාදාක්ගේ පුත් යේෂුවාද+ ඔවුන්ගේ සහෝදරයන් වූ පූජකයෝ සහ ලෙවීවරුද නිදහස+ ලබා යෙරුසලමට පැමිණි අන් සියලුදෙනාද ඒ කාර්යයට හවුල් වූහ. යෙහෝවා දෙවිගේ ගෘහය ගොඩනැඟීමේ වැඩකටයුතු අධීක්ෂණය කිරීම සඳහා ඔවුහු ලෙවීවරුන්ව+ පත් කළෝය. ඒ සඳහා ඔවුන් තෝරාගත්තේ වයස අවුරුදු විස්සක් හෝ ඊට වඩා වැඩි වයසැති ලෙවීවරුන්වයි.+  මේ අනුව යේෂුවා,+ ඔහුගේ පුත්‍රයෝ හා ඔහුගේ සහෝදරයෝද කද්මියෙල් හා ඔහුගේ පුත්‍රයෝද යූදාගේ* පුත්‍රයෝද සැබෑ දෙවිගේ ගෘහය ගොඩනැඟීමේ වැඩකටයුතු අධීක්ෂණය කිරීමේ පැවරුම භාරගත්තෝය. ලෙවී ගෝත්‍රයට අයත් වූ හෙනාදාද්ගෙන්+ පැවත ආ අයද ඔවුන්ගේ පුත්‍රයෝ හා සහෝදරයෝද ඔවුන්ට සහය වූහ. සියලුදෙනාම එකා මෙන් ඒ කාර්යයෙහි හවුල් වූහ. 10  යෙහෝවා දෙවිගේ මාලිගාවේ අත්තිවාරම+ දැමූ අවස්ථාවේදී නිලඇඳුමෙන්+ සැරසී සිටි පූජකයෝ හොරණෑ+ අතැතිවද ලෙවීවරුන් වූ ආසාෆ්ගේ+ පුත්‍රයෝ අත්තාළම්+ අතැතිවද එහි රැස්ව සිටියෝය. ඊශ්‍රායෙල්හි රජු වූ දාවිත් කලින් උපදෙස්+ දී තිබුණු ආකාරයටම ඒ සියලුදෙනා සිටගෙන යෙහෝවා දෙවිට ප්‍රශංසා කිරීමට පටන්ගත්තෝය. 11  ඔවුහු එක් එක් කෙනා යෙහෝවා දෙවිට ස්තුති ප්‍රශංසා+ දෙමින් මාරුවෙන් මාරුවට මෙසේ ගායනා කළෝය. “දෙවි යහපත්ය.+ ඔහු ඊශ්‍රායෙල්ට පෙන්වන ප්‍රේමය* සදාකාලිකය.”+ මුළු සෙනඟද යෙහෝවා දෙවිගේ ගෘහයේ අත්තිවාරම් දැමූ අවස්ථාවේදී ප්‍රීති ප්‍රමෝදයෙන් යෙහෝවා දෙවිට ප්‍රශංසා කළෝය.+ 12  රැස්ව සිටි සෙනඟ අතරේ මහලු පූජකයෝ,+ ලෙවීවරු සහ පෙළපත්වල ප්‍රධානීහු+ බොහෝදෙනෙක්ද සිටියෝය. ඔවුන්, මුලින් ගොඩනඟා තිබූ දෙවිගේ ගෘහය+ දැක තිබුණු අතර ඔවුන්ගෙන් සමහරෙක් අත්තිවාරම දමන අවස්ථාවේදී+ ශබ්ද නඟා හඬන්න+ පටන්ගත්තෝය. නමුත් ඔවුන්ගෙන් බොහෝදෙනෙක් ප්‍රීති ඝෝෂා නඟමින් සිටියෝය.+ 13  එහි රැස්ව සිටි අයගේ ඝෝෂාව නිසා සෙනඟ හඬනවාද කියා හෝ ප්‍රීති ඝෝෂා+ නඟනවාද කියා හෝ හරියටම හඳුනාගන්න නොහැකි විය. ඔවුන්ගේ ඝෝෂාව දසත පැතිර ගියේය.

පාදසටහන්

එස්රා 2:40හි, “හෝදවියා” ලෙසත් නෙහෙ 7:43හි, “හෝදෙවා” ලෙසත් හැඳින්වේ.
හෝ, “ළැදි ප්‍රේමය.”