එස්රා 1:1-11

1  පර්සියාවේ රජු වූ සයිරස්*+ පාලනය කළ පළමුවන අවුරුද්දේදී, යෙරෙමියා මාර්ගයෙන් යෙහෝවා දෙවි පැවසූ වචන+ ඉටු කරන පිණිස යෙහෝවා දෙවි සයිරස් රජුගේ සිත පෙලඹුවේය.+ ඒ නිසා සයිරස් රජ තම රාජධානිය පුරා ප්‍රකාශයක් පතළ කිරීමට+ පියවර ගත්තේය. ලිඛිතව+ දැනුම් දෙන ලද එම ප්‍රකාශයේ මෙසේ සඳහන් විය.  “පර්සියාවේ රජු වූ සයිරස් මෙසේ දැනුම් දී ඇත.+ ‘ස්වර්ගයේ සිටින යෙහෝවා දෙවි+ මේ පොළොවේ සියලු රාජ්‍යයන් මට දී තිබේ.+ යූදා දේශයෙහි පිහිටා තිබෙන යෙරුසලමෙහි ඔහුට ගෘහයක් ගොඩනැඟීමේ+ කාර්යයද ඔහු මට පවරා ඇත.  සැබෑ දෙවි ඔහුය.+ ඔබ අතරේ ඒ දෙවිට නමස්කාර කරන සියලුදෙනාට ඔහුගේ ආශීර්වාද ලැබේවා!+ යූදාහි පිහිටි යෙරුසලමට+ ගොස් ඊශ්‍රායෙල්හි දෙවි වන යෙහෝවාගේ ගෘහය නැවත ගොඩනඟන්න මම ඔබට අවසර දෙන්නෙමි.  යූදා දේශයට නැවත නොයෑමට තීරණය කරන අය සිටී නම්+ එම ගමන යෑමට සූදානම් වන අයට සහය දක්වන්න ඔවුන්ට පුළුවන. රන්, රිදී හා සතුන් මෙන්ම වෙනත් බඩු බාහිරාදිය පරිත්‍යාග කිරීමෙන්ද යෙරුසලමේ පිහිටා තිබූ සැබෑ දෙවිගේ ගෘහයේ පූජා ඔප්පු කිරීම සඳහා අවශ්‍ය ද්‍රව්‍ය සිය කැමැත්තෙන්ම+ සපයා දීමෙන්ද ඔවුන්ට සහය දැක්විය හැක.’”  එහෙයින් යූදා සහ බෙන්ජමින් ගෝත්‍රවල ප්‍රධානියෝද+ පූජකයෝ සහ ලෙවීවරුද තවත් බොහෝදෙනෙක්ද යෙරුසලමේ තිබූ යෙහෝවා දෙවිගේ ගෘහය නැවත ගොඩනැඟීම සඳහා+ යෑමට සූදානම් වූහ. මන්ද සැබෑ දෙවි ඒ ගමන යෑමට ඔවුන්ගේ සිත් තුළ මහත් ආශාවක්+ ඇති කර තිබිණ.  අවට ජීවත් වූ සියලුදෙනාගෙන්ද ඔවුන්ට මහත් දිරිගැන්වීමක් ලැබිණ.+ ඔවුහු දෙවිගේ ගෘහයේ පූජා ඔප්පු කිරීම සඳහා අවශ්‍ය ද්‍රව්‍යයන් සිය කැමැත්තෙන්ම ලබා දුන් අතර රිදී භාණ්ඩද රන්ද වෙනත් බඩු බාහිරාදියද සතුන්ද වෙනත් වටිනා දේවල්ද පරිත්‍යාග කළෝය.+  සයිරස් රජද යෙහෝවා දෙවිගේ ගෘහයට අයත් භාණ්ඩ ඔවුන්ට නැවත භාර දුන්නේය.+ මීට පෙරාතුව ඒ භාණ්ඩ යෙරුසලමේ සිට රැගෙන ආ නෙබුකද්නෙෂර් රජු+ තමන් ඇදහූ දෙවියන්ගේ දේවාලයෙහි ඒවා තබා තිබිණ.+  පර්සියාවේ රජු වූ සයිරස් එම භාණ්ඩ නැවත භාර දීමේ වගකීම පැවරුවේ භාණ්ඩාගාරික මිත්රෙදාත්ටය. ඔහු ඒවා ගණන් කර, යූදා ගෝත්‍රයේ ප්‍රධානියෙකු වූ+ ෂෙෂ්බෂර්ට*+ භාර දුන්නේය.  භාර දුන් භාණ්ඩවල විස්තර මෙසේය. රන් කූඩ තිහක්ද රිදී කූඩ දහසක්ද වෙනත් භාජන විසිනවයක්ද 10  කුඩා රන් බඳුන්+ තිහක්ද කුඩා රිදී බඳුන් හාරසිය දහයක්ද වෙනත් භාණ්ඩ දහසක්ද භාර දෙන ලදි. 11  රන් සහ රිදී භාණ්ඩවල මුළු ගණන පන්දහස් හාරසියයකි. සෙනඟ බැබිලෝනියේ සිට යෙරුසලමට යන විට+ ෂෙෂ්බෂර්+ මේ සියලු භාණ්ඩද රැගෙන ගියේය.

පාදසටහන්

මෙහි සඳහන් වන්නේ, 2වන කයිරොස් හෝ මහ කයිරොස් රජ ගැනයි. පර්සියානු භාෂාවෙන්, “කුරාෂ්.”
එස්රා 2:2හි සහ 3:8හි, “සෙරුබාබෙල්” ලෙස හඳුන්වා ඇත.