එස්තර් 9:1-32

9  රජුගේ නීතිය ක්‍රියාත්මක කිරීමට නියමිත දිනය+ වන දොළොස්වන මාසයේ එනම්, ආදාර් මාසයේ+ දහතුන්වන දිනය පැමිණියේය. ඒ දිනයේදී යුදෙව්වරුන්ගේ සතුරන් යුදෙව්වරුන්ව යටත් කරගැනීමට බලාපොරොත්තුවෙන් සිටි නමුත් ඔවුන් සිතූ දේ සම්පූර්ණයෙන්ම වෙනත් අතකට පෙරළිණ. අන්තිමේදී සිදු වූයේ යුදෙව්වරුන් ඔවුන්ගේ සතුරන්ට වඩා බලවත් වීමය.+  අහෂ්වේරොෂ් රජු+ යටතේ තිබූ සෑම පළාතකම ජීවත් වූ යුදෙව්වරු තමන්ට අනතුරක් කිරීමට උත්සාහ කරන සියලුදෙනාවම+ විනාශ කරන පිණිස තම තමන්ගේ නුවරවල එක් රැස් වූහ.+ නමුත් සියලුදෙනා යුදෙව්වරුන්ට බිය වූ නිසා+ කිසිවෙක් ඔවුන්ට විරුද්ධව පැමිණියේ නැත.  මොර්දෙකයිට තිබූ බිය නිසා+ දිසාපතීහුද+ ආණ්ඩුකාරයෝද+ රජුගේ ව්‍යාපාර කටයුතුවල නියැලුණු සියලුදෙනාද+ සෑම පළාතකම සිටි අධිපතීහුද යුදෙව්වරුන්ට උපකාර කළෝය.  මොර්දෙකයි රජමාලිගාවේ ඉහළ තනතුරක් හෙබවූ අතර+ ඔහුගේ කීර්තිය+ ගැන සෑම පළාතකම පතළ විය. එසේ ඔහු දවසින් දවස බලවත් විය.+  යුදෙව්වරු තම සතුරන්ට කඩුවෙන් පහර දී+ ඔවුන් සියලුදෙනාවම මරා දැමුවෝය. තමන්ට වෛර කළ සියලුදෙනාවම ඔවුහු රිසි සේ විනාශ කළෝය.+  ෂූෂන්+ මාලිගාවේදී ඔවුහු පන්සියදෙනෙකුව මරා දැමුවෝය.  පාෂාන්දාතා, දල්ෆොන්, අස්පාතා,  පෝරාතා, අදලියා, අරිදාතා,  පාමෂ්තා, අරිසායි, අරිදායි සහ වයිසාතා 10  යන අයවත් මරා දමන ලදි. මොවුන් හම්මෙදාතාගේ පුත්‍රයාගේ එනම්, යුදෙව්වරුන්ට සතුරුකම් කළ+ හාමාන්ගේ+ පුත්‍රයන් දසදෙනාය.+ නමුත් යුදෙව්වරු ඔවුන්ගේ දේපළ කොල්ල කෑවේ නැත.+ 11  එදින ෂූෂන් මාලිගාවේදී මරා දමනු ලැබූ අයගේ ගණන රජුට දන්වන ලදි. 12  පසුව රජ, එස්තර් බිසව+ කැඳවා ඇයට මෙසේ පැවසුවේය. “යුදෙව්වරු ෂූෂන් මාලිගාවේදී+ පමණක් පන්සියදෙනෙකුව හා හාමාන්ගේ පුත්‍රයන් දසදෙනාව මරා දමා තිබෙනවා. එසේනම් රජ්ජුරුවන් යටතේ තිබෙන සෙසු පළාත්වල+ ඔවුන් කීදෙනෙකුව මරා දමා ඇද්ද?+ මගේ බිසව එස්තර්, ඔබේ ඉල්ලීම කුමක්ද? මම එය ඔබට ඉටු කර දෙන්නම්.+ ඔබට මගෙන් තව මොනවාද කෙරෙන්න ඕනේ කියා කියන්න.+ එයත් මම ඔබට ඉටු කර දෙන්නම්.” 13  එවිට එස්තර් බිසව රජුට මෙසේ පැවසුවාය. “රජතුමනි, මගේ ඉල්ලීම ඉටු කර දීමට ඔබ සතුටු නම්+ අද දින ක්‍රියාත්මක කළ නීතිය හෙට දවසේදීත් ෂූෂන් මාලිගාවේ සිටින යුදෙව්වරුන්ට ක්‍රියාත්මක කිරීමට අවසර දෙන්න.+ හාමාන්ගේ පුත්‍රයන් දසදෙනාව කණුවල එල්ලා දමන ලෙසටත් අණ කරන්න.”+ 14  බිසවගේ ඉල්ලීම ඉටු කරන ලෙස රජ අණ කළේය.+ එහෙයින් එම නීතිය ඊළඟ දිනයේදීද ක්‍රියාත්මක කරන ලෙස ෂූෂන් මාලිගාවේ ප්‍රකාශයක් නිකුත් කෙරිණ. හාමාන්ගේ පුත්‍රයන් දසදෙනාවද කණුවල එල්ලන ලදි. 15  ෂූෂන් මාලිගාවේ සිටි යුදෙව්වරු සංවිධානය වී ආදාර් මාසයේ දහහතරවන දිනයේදීද+ එහි සිටි සතුරන් තුන්සියදෙනෙකුව මරා දැමුවෝය. නමුත් ඔවුන්ගේ දේපළ ඔවුහු කොල්ල කෑවේ නැත.+ 16  රජුගේ පාලනය යටතේ තිබූ සෑම පළාතකම+ ජීවත් වූ අනික් යුදෙව්වරුද තමන්ට දුෂ්ටකම් කරන අයගෙන් තම ජීවිත+ රැකගැනීම සඳහා සංවිධානය වූහ. ඔවුහු තමන්ට වෛර කරන තම සතුරන්ට විරුද්ධව ගත් පියවරේ ප්‍රතිඵලයක් ලෙස+ සතුරන්ගෙන් හැත්තෑපන්දහසක් මරා දැමුවෝය. නමුත් ඔවුන්ගේ දේපළ ඔවුහු කොල්ල කෑවේ නැත. 17  ඔවුන් එසේ කළේ ආදාර් මාසයේ දහතුන්වනදාය. නමුත් පසු දින එනම්, දහහතරවනදා ඔවුහු නිවාඩු ගත්තෝය. එදින ඔවුහු බොහෝ සෙයින් ප්‍රීති වෙමින්+ උත්සව පැවැත්වූහ.+ 18  නමුත් ෂූෂන් මාලිගාවේ සිටි යුදෙව්වරු ආදාර් මාසයේ දහතුන්වනදා+ සහ දහහතරවනදා යන දිනයන් දෙකේදීම සතුරන්ට පහර දී පහළොස්වනදා නිවාඩු ගත්තෝය. එදින ඔවුහු බොහෝ සෙයින් ප්‍රීති වෙමින් උත්සව පැවැත්වූහ.+ 19  එය සිහි කිරීමක් ලෙස අගනුවරින් බැහැර ප්‍රදේශවල ජීවත් වූ යුදෙව්වරු ආදාර් මාසයේ+ දහහතරවන දිනය ප්‍රීතිමත්+ දවසක් ලෙස සලකමින්+ උත්සව පවත්වති. තෑගිබෝග හුවමාරු කරගනිති.+ 20  මොර්දෙකයි+ මේ සිදුවීම් සියල්ල ලියවිල්ලක සඳහන් කර, අහෂ්වේරොෂ් රජුගේ රාජධානියේ ළඟපාත මෙන්ම දුර ඈත පිහිටි සියලු පළාත්වල+ ජීවත් වූ යුදෙව්වරුන්ට එහි පිටපත් යැවීමට පියවර ගත්තේය. 21  සෑම අවුරුද්දකම ආදාර් මාසයේ දහහතරවනදා සහ පහළොස්වනදා යන දිනයන් යුදෙව්වරුන් උත්සව දිනයන් ලෙස සැලකිය යුතු බව එම ලියවිල්ලේ නියෝග කර තිබිණ.+ 22  ඔහු එසේ නියෝග කළේ ඒ දවස් දෙකේදී යුදෙව්වරුන්ට සතුරන්ගෙන් නිදහස ලැබුණු බව සිහි කිරීමටය.+ එමෙන්ම ඒ මාසයේදී ඔවුන්ගේ ශෝකය ප්‍රීතියටත් වැලපීම+ සතුටටත් පෙරළුණු බව සිහි කිරීමටය. ප්‍රීති වෙමින් උත්සව පැවැත්වීමටත් කෑම බීම හුවමාරු කරගැනීමටත්+ දුප්පතුන්ට තෑගිබෝග බෙදා දීමටත්+ ඒ දිනයන් යොදාගත යුතු බව ඔහු දැනුම් දුන්නේය. 23  යුදෙව්වරුන් විසින්ම පටන්ගත් එම උත්සවය මොර්දෙකයි ලියා එවූ ලෙස චාරිත්‍රයක් හැටියට නොකඩවා පැවැත්වීමට යුදෙව්වරු සතුටු වූහ. 24  යුදෙව්වරුන්ට සතුරුකම් කළ,+ ආගග්ගෙන්+ පැවත ආ හම්මෙදාතාගේ පුත්+ හාමාන්+ යුදෙව්වරුන්ට විරුද්ධව කුමන්ත්‍රණය කළේය. කෝලහලයක් ඇති කර යුදෙව්වරුන්ව විනාශ කර දැමීමට+ ඔහු දාදු* දැමුවේය.+ 25  නමුත් එස්තර් බිසව රජු ඉදිරියට පැමිණ ඒ ගැන පවසා කන්නලව් කළ විට, “හාමාන් යුදෙව්වරුන්ට විරුද්ධව කළ දුෂ්ට කුමන්ත්‍රණය+ ඔහු පිටටම පමුණුවන්න”+ කියා රජ ලිඛිතව ආඥාවක්+ නිකුත් කළේය. එහෙයින් රජුගේ සේවකයෝ හාමාන්ව සහ ඔහුගේ පුත්‍රයන්ව කණුවල එල්ලුවෝය.+ 26  හාමාන් යුදෙව්වරුන්ට විරුද්ධව කුමන්ත්‍රණය කරමින් දාදු දැමූ නිසා+ ඔවුහු ඒ උත්සවය දාදු උත්සවය* ලෙස හැඳින්වූහ. ලිපියෙහි+ ලියා තිබූ දේවල් නිසාද ඔවුන් පෞද්ගලිකව අද්දුටු දේවල් නිසාද 27  තමන්ට ලියා එවූ ආකාරයටම සෑම අවුරුද්දකම නියමිත කාලයේදී නොවරදවාම එම දිනයන් දෙක උත්සවාකාරයෙන් සැමරීමට යුදෙව්වරු එකඟ වූහ. එම දිනයන් දෙක සැමරීමේ වගකීම ඔවුන්ගේ මතු පරම්පරා වෙනුවෙන්ද ඔවුන්ට එකතු වන අන් සියලුදෙනා වෙනුවෙන්ද ඔවුහු භාරගත්තෝය.+ 28  සෑම පළාතකම, සෑම නුවරකම වෙසෙන සියලු පවුල් එම දිනයන් දෙක සැමරිය යුතු විය. එමෙන්ම යුදෙව්වරුන්ගේ සියලු පරම්පරාවන් දාදු උත්සවය සැමරීම කිසිවිටක අමතක නොකළ යුතු විය.+ 29  දාදු උත්සවය සැමරීම ස්ථිර කිරීම සඳහා තමන් සතු අධිකාරිය යොදාගනිමින් අබිහයිල්ගේ දියණිය වූ+ එස්තර් බිසව සහ යුදෙව්වරයෙකු වූ මොර්දෙකයි තවත් ලිපියක් ලිව්වෝය. 30  මිත්‍රශීලී මෙන්ම විශ්වාසය දිනාගන්නා අයුරින්+ ලියූ ලිපියක් අහෂ්වේරොෂ් රජු+ යටතේ තිබූ සියලු පළාත්වල+ එනම්, පළාත් එකසිය විසිහතක ජීවත් වූ යුදෙව්වරුන්ට යවන ලදි. 31  යුදෙව්වරයෙකු වූ මොර්දෙකයි සහ එස්තර් බිසව නියම කළ ලෙසද+ යුදෙව්වරුන් තමන්ගේ සියලු පරම්පරාවලදී+ සැමරීමට කැමැත්තෙන්ම එකඟ වූ ලෙසද දාදු උත්සවය නියමිත කාලයේදී සැමරීම එම ලිපිය මගින් අනිවාර්යය කරන ලදි. තමන් නිරාහාරව සිට+ දෙවිගේ උපකාරය පතා කන්නලව් කළ ආකාරය+ සිහි කරන පිණිස යුදෙව්වරු එම දිනයන් සැමරුවෝය. 32  දාදු උත්සවයේදී+ කළ යුතු දේවල් එස්තර් බිසවගේ ලිපිය මාර්ගයෙන් ස්ථිර කරනු ලැබුවේය. පසුව ඒ සියල්ල ලියවිල්ලක සටහන් කරන ලදි.

පාදසටහන්

එස්ත 3:7හි පාදසටහන බලන්න.
පූරීම් උත්සවය ලෙසද හැඳින්වේ.