එස්තර් 3:1-15

3  කලක් ගත වූ පසු අහෂ්වේරොෂ් රජ, ආගග්ගෙන්+ පැවතෙන හම්මෙදාතාගේ පුත් හාමාන්ට+ විශේෂ ගෞරවයක් දී+ අන් සියලු අධිපතීන්ට වඩා උසස් තනතුරක් ඔහුට ලබා දුන්නේය.+  එහෙයින් රජුගේ දොරටුව+ අසල සිටි නිලධාරීහු සියලුදෙනා, හාමාන් ඔවුන් අසලින් යන එන විට වැඳ වැටී ඔහුට ආචාර කළෝය. එසේ කරන ලෙස රාජ නියෝගයක්ද පනවා තිබිණ. නමුත් මොර්දෙකයි ඔහු ඉදිරියේ වැඳ වැටී ආචාර කළේ නැත.+  ඒ බව රජුගේ දොරටුව අසල සිටි නිලධාරීහු දැක, “ඔබ රාජ නියෝගය කඩ කරන්නේ ඇයි”+ කියා ඔහුගෙන් ඇසුවෝය.  ඔවුන් ඒ ගැන මොර්දෙකයි සමඟ සෑම දිනකම කතා කළත් ඔහු ඔවුන්ට සවන් දුන්නේ නැත. තමා යුදෙව්වෙකු බව+ මොර්දෙකයි එම නිලධාරීන්ට පවසා තිබිණ. නමුත් මොර්දෙකයිගේ ඒ ක්‍රියාකලාපය හාමාන් අනුමත කරයිද කියා බැලීමට ඔවුහු ඒ ගැන හාමාන්ට දැන්වූවෝය.+  තමන් දොරටුව අසලින් යන එන අවස්ථාවලදී මොර්දෙකයි වැඳ වැටී තමාටද ආචාර නොකරන බව හාමාන් දුටුවේය.+ එහෙයින් ඔහු ඒ ගැන කෝපයෙන් පුපුරන්නට විය.+  මොර්දෙකයිගේ ජාතිය කුමක්ද කියා හාමාන් දැනගෙන සිටි නිසා ඔහුව පමණක් මරා දැමීම තමන්ගේ තත්වයට ප්‍රමාණවත් නොවන බව ඔහු සිතුවේය. එහෙයින් අහෂ්වේරොෂ් රජුගේ රාජධානියේ සිටින සියලුම යුදෙව්වරුන්ව+ මරා දැමීමට+ සුදුසු අවස්ථාවක් පැමිණෙන තෙක් හාමාන් මාන බලමින් සිටියේය.  අහෂ්වේරොෂ් රජුගේ පාලන සමයේ දොළොස්වන අවුරුද්දේ+ පළමුවන මාසයේදී+ එනම්, නීසාන් මාසයේදී යුදෙව්වන්ව විනාශ කර දැමීමට සුදුසු මාසය හා දවස තීරණය කිරීම සඳහා හාමාන් ඉදිරියේ දාදු*+ දමන ලදි. දාදුව දොළොස්වන මාසයට එනම්, ආදාර් මාසයට+ වැටුණේය.  පසුව හාමාන් අහෂ්වේරොෂ් රජු වෙතට ගොස් රජුට මෙසේ කීවේය. “රජතුමනි, එක්තරා ජන කොටසක් ඔබේ රාජධානිය+ පුරා විසිරී සිටිනවා.+ ඔවුන් රාජධානියේ සිටින අන් සෙනඟ හා සම්බන්ධ නොවී වෙනම සෙනඟක් ලෙසයි ජීවත් වෙන්නේ. ඔවුන්ගේ නීති අන් සියලු ජන කොටස්වලට වඩා වෙනස්. ඔවුන් ඔබතුමාගේ නීති පිළිපදිනේ නැහැ.+ එවැනි ජන පිරිසකට ජීවත් වීමට ඉඩහැරීම ඔබතුමාට එතරම් සුදුසු දෙයක් නෙවෙයි.  රජතුමා කැමති නම් ඔවුන්ව විනාශ කර දමන ලෙස ලිඛිතව දන්වන්න. එසේ කළොත් රජතුමාගේ භාණ්ඩාගාරයට ගෙනෙන පිණිස මම රිදී තලෙන්ත දසදහසක්+ නිලධාරීන්ට+ දෙන්නම්.” 10  එවිට රජ තම මුද්ද*+ ගලවා, යුදෙව්වරුන්ට සතුරුකම් පෑ+ ආගග්ගෙන් පැවතෙන+ හම්මෙදාතාගේ පුත් හාමාන්ට+ එය දුන්නේය. 11  ඉන්පසු රජ හාමාන්ට මෙසේ කීවේය. “ඒ සෙනඟව මම ඔබට භාර දෙනවා. රිදී සියල්ලත්+ ඔබ ගන්න. ඔබට හොඳයි කියා සිතෙන ඕනෑම දෙයක් ඔවුන්ට කරන්න.”+ 12  ඉන්පසු පළමුවන මාසයේ දහතුන්වනදා රජුගේ ලේකම්වරුන්ව+ කැඳවන ලදි. හාමාන් අණ කළ සියල්ල ලේකම්වරුන් ලවා ලියවා+ විවිධ පළාත්වල සිටි රජුගේ දිසාපතීන්ට හා ආණ්ඩුකාරයන්ට යවන ලදි.+ එමෙන්ම ඒ පළාත්වල සිටි විවිධ ජන පිරිස්වල අධිපතීන්ටද එය ඔවුන්ගේම භාෂාවෙන් හා ඔවුන්ට කියවිය හැකි අකුරුවලින් ලියා යවනු ලැබීය.+ ඒ සියල්ල යවන ලද්දේ අහෂ්වේරොෂ් රජුගේ නමින්+ ලියා ඔහුගේ මුද්දෙන් මුද්‍රා කිරීමෙන් පසුවය.+ 13  දොළොස්වන මාසයේ එනම්, ආදාර් මාසයේ+ දහතුන්වන දින යුදෙව්වරුන් සියලුදෙනාව ඝාතනය කරන ලෙස දන්වමින් රාජධානියේ සෑම පළාතකටම පණිවිඩකරුවන්+ අත ඒ ලිපි යවන ලදි. යුදෙව්වරුන්ගේ බාල මහලු, ස්ත්‍රී පුරුෂ සියලුදෙනාවම එකම දවසේදී+ ඝාතනය කරන ලෙසද ඔවුන්ගේ දේපළ පැහැරගන්නා ලෙසද එම ලිපිවල සඳහන් කර තිබිණ.+ 14  ලිපියේ සඳහන් දේ සෑම පළාතකම ජීවත් වූ සෙනඟට+ දන්වනු ලැබිණ. එසේ කරන ලද්දේ එහි සඳහන් දේ නීතියක් ලෙස පිළිපදිමින්+ ඒ දවසට සූදානම් වන පිණිසය. 15  රජු අණ කළ ලෙස පණිවිඩකරුවෝ හැකි ඉක්මනින්+ එම ලිපි බෙදා දුන්නෝය. ෂූෂන්+ මාලිගාවේද එම නීතිය ගැන දැනුම් දෙන ලදි. රජු සහ හාමාන් වයින් බොමින් විනෝද වෙමින් සිටියදී+ ෂූෂන් නුවරෙහි+ නොසන්සුන් වාතාවරණයක් උද්ගත වී තිබිණ.+

පාදසටහන්

මූ.අ., “පූර්.” පූර් යන වචනයේ බහු වචනය පූරීම්ය. යුදෙව්වරුන්ගේ උත්සවයක් පූරීම් යන නමින් හඳුන්වනු ලැබේ.
මූ.අ., “මුද්‍රා තබන මුද්ද.”