එසකියෙල් 24:1-27

24  නවවන වසරේ දහවන මාසයේ දහවන දින යෙහෝවා දෙවි මට කතා කර මෙසේ පැවසුවේය.  “මනුෂ්‍ය පුත්‍රය, මේ දවස සටහන් කරගන්න. බැබිලෝනියේ රජු යෙරුසලමට විරුද්ධව පැමිණියේ මේ දවසේදීය.+  මෙම කැරලිකාර සෙනඟ ගැන උපමාවකින් මෙසේ පවසන්න.+“‘විශ්වයේ පාලකයාණන් වන යෙහෝවා දෙවි මෙසේ පවසයි. “විශාල හැළියක් ලිප මත තබා, එයට වතුර වත් කරන්න.+  එයට මස් කැබලිද දමන්න.+ හොඳ මස් කැබලි එනම්, බැටළුවාගේ ඉදිරිපස සහ පසුපස ගාතය ඒ තුළට දමන්න. හොඳම මස් කටුවලින්ද හැළිය පුරවන්න.  ඒ සඳහා හොඳම බැටළුවන්ව මරන්න.+ ඉන්පසුව ලිපට දර දමා හැළියේ තිබෙන මස් කැබලිද මස් කටුද හොඳට තම්බන්න.”’”+  “විශ්වයේ පාලකයාණන් වන යෙහෝවා දෙවි මෙසේ පවසයි. ‘මහා ලේ ගැලීමක් සිදු කර ඇති මේ නුවර පිටට මහත් විපතක් පැමිණෙනවා ඇත.+ මේ නුවර මුළුමනින්ම මල බැඳී ඇති විශාල හැළියක් බඳුය. එහි මලකඩ කෙදිනකවත් ඉවත් කළ නොහැක. මස් කැබලි එයින් ඉවතට ගන්න. කැබැල්ලෙන් කැබැල්ල ඉවතට ගන්න.+ ඒ සඳහා දාදු දැමිය යුතු නැත.+  ඇය වැගිරවූ ලේ නුවර පුරාම විසිර ඇත.+ ඇය එම ලේ බිමට වත් කර පස්වලින් වසා දැමුවේ නැත.+ ඇය එය වත් කළේ පර්වතයක් මතය.  මමද ඇය වැගිරවූ ලේ පස්වලින් වසා නොදමා පර්වත මතුපිටම තිබෙන්න හරින්නෙමි.+ මාගේ උදහස වගුරුවා ඇයට ලැබිය යුතු දඬුවම ගෙනෙන තුරු+ එසේ තිබෙන්න හරින්නෙමි.’  “එබැවින් විශ්වයේ පාලකයාණන් වන යෙහෝවා දෙවි මෙසේද පවසයි. ‘ලේ හළන නුවරට සිදු වන විපත මොන තරම්ද!+ මම විශාල දර ගොඩක් ගසන්නෙමි.+ 10  ඔබ බොහෝ දර දමා ගිනි අවුළුවා මස් හොඳින් තම්බන්න. හොද්ද ඉවත් කර මස් කටු හොඳින් පුලුස්සන්න. 11  හැළිය හිස් කර ගිනි අඟුරුවල තබන්න. එවිට එහි තඹ උණු වී එහි අපවිත්‍රකමද දිය වී යනු ඇත.+ එහි බැඳී ඇති මලකඩද දැවී විනාශ වී යයි.+ 12  එහි මලකඩ සම්පූර්ණයෙන්ම ඉවත් කිරීම මොන තරම් වෙහෙසකර කාර්යයක්ද!+ එහෙයින් මල බැඳුණු හැළිය ගින්නට දමන්න!’ 13  “‘ඔබ ඉතා නින්දිත ලෙස හැසිර අපවිත්‍ර වී ඇත.+ ඔබව පවිත්‍ර කරන්න මා උත්සාහ කළේ ඒ නිසාය. එහෙත් ඔබ ඊට කැමති වූයේ නැත.+ මාගේ උදහස සම්පූර්ණයෙන්ම ඔබ පිටට වගුරුවන තුරු ඔබ පවිත්‍ර නොවන්නහුය.+ 14  මේ සියල්ල පවසන්නේ යෙහෝවා දෙවි වන මමය.+ මා කියූ විනාශය නිසැකවම පැමිණෙනු ඇත.+ එය ඉටු කිරීමට මම කිසිසේත් පසුබට නොවන්නෙමි.+ මම අනිවාර්යයෙන්ම පියවර ගන්නෙමි. ඒ ගැන මම කනගාටු වන්නේවත්+ පසුතැවිලි වන්නේවත් නැත.+ ඔබ කළ දේවලට අනුව ඔබව විනිශ්චය කරනු ලැබේ.’+ එසේ පවසන්නේ විශ්වයේ පාලකයාණන් වන යෙහෝවා දෙවිය.” 15  යෙහෝවා දෙවි මට තවදුරටත් මෙසේ පැවසුවේය. 16  “මනුෂ්‍ය පුත්‍රය, ඔබේ ජීවිතයට ප්‍රබල පහරක් එල්ල වනු ඇත.+ ඔබ ආදරය කරන දේ ඔබට අහිමි වන්නේය.+ එහෙත් ඔබ පපුවට ගසාගනිමින් දුක් නොවන්න. කඳුළු සලමින් හඬා නොවැලපෙන්න.+ 17  නිහඬව සුසුම්ලන්න. වියෝදුකින් නොතැවෙන්න.+ සාමාන්‍ය පරිදි ඔබේ හිස්වැස්ම පැළඳගෙන+ පාවහන් දමාගන්න.+ ඔබේ කට* වසා නොගන්න.+ මිනිසුන් ඔබට දෙන රොටි අනුභව නොකරන්න.”+ 18  මම උදෑසන ඒ දේවල් ජනතාවට කීවෙමි. සවස් වූ විට මාගේ බිරිඳ මිය ගියාය. පසුවදා උදෑසන මට අණ කර තිබූ ලෙසම මම කළෙමි. 19  ජනතාව මගෙන් මෙසේ ඇසුවෝය. “ඔබ කරන මේ දේවල තේරුම අපට කියා දෙන්නේ නැද්ද? ඔබ අපට කියන්න හදන්නේ මොකක්ද?”+ 20  එවිට මම ඔවුන්ට මෙසේ කීවෙමි. “යෙහෝවා දෙවිම මට කතා කර මෙසේ පැවසුවා. 21  ‘ඊශ්‍රායෙල් ජනතාවට කතා කර මෙසේ කියන්න. “විශ්වයේ පාලකයාණන් වන යෙහෝවා දෙවි පවසන්නේ මෙයයි. ‘මෙන්න, ඔබ මහත් ආඩම්බරයෙන් සලකන,+ ඔබේ ගෞරවාදරයට ලක් වූ+ මාගේ ශුද්ධස්ථානය මම කෙලෙසන්නෙමි.+ ඔබ සමඟ නොපැමිණි, ඔබ ආදරය කරන ඔබේ දූපුතුන් කඩුවෙන් මැරුම් කනවා ඇත.+ 22  එසකියෙල් කළ ලෙසම ඔබටත් කරන්න සිදු වෙයි. ඔබත් කට වසාගන්නේ නැත.+ මිනිසුන් දෙන රොටි කන්නේද නැත.+ 23  ඔබේ හිස්වැස්මද ඔබේ පාවහන්ද ඔබ ගලවන්නේ නැත. ඔබ පපුවට ගසාගනිමින් වැලපෙන්නේද නැත.+ ඔබ කළ වැරදි නිසා ඔබ වැහැරී යනු ඇත.+ එකිනෙකාට සිදු වන දේ දැක ඔබ සුසුම්ලන්නහුය.+ 24  එසකියෙල් කළ සෑම දෙයක්ම ඔබටත් කරන්න සිදු වෙයි.+ ඔහු ඔබට ලකුණක් වනු ඇත. ඒ දේවල් සිදු වන විට+ මා විශ්වයේ පාලකයාණන් වන යෙහෝවා දෙවි බව පිළිගන්න ඔබට සිදු වෙයි.’”’”+ 25  “මනුෂ්‍ය පුත්‍රය, ඒ දවසේදී ඔවුන්ගේ බලකොටුවද ඔවුන් ආඩම්බරයෙන් සලකන ඔවුන්ගේ තේජාන්විත වස්තුවද ඔවුන් මහත් ගෞරවාදරයකින් රැකගත් දේද+ ඔවුන් ආදරය කරන දූපුතුන්වද මම පැහැරගන්නෙමි.+ 26  එදින ඒ විපතෙන් බේරී පලා යන අය සිදු වූ දේ සැමට ප්‍රකාශ කරනවා ඇත.+ 27  එසේ බේරී පලා යන අයට ඔබ නිහඬව නොසිට+ කතා කළ යුතුයි.+ ඔබ අනිවාර්යයෙන්ම ඔවුන්ට ලකුණක් වනු ඇත.+ එවිට මා යෙහෝවා දෙවි බව පිළිගන්න ඔවුන්ට සිදු වන්නේය.”+

පාදසටහන්

හෝ, “උඩු රැවුල.”