එසකියෙල් 10:1-22

10  මම බැලූ විට කෙරුබ්වරුන්ගේ හිසට උඩින් පිහිටා තිබූ වේදිකාවට+ ඉහළින් නිල් මැණිකකට සමාන යමක් තිබෙනවා දුටිමි.+ එය සිංහාසනයකට සමාන විය.+  දෙවි සිහින් ලිනන් වස්ත්‍රයක් ඇඳගෙන සිටි පුරුෂයාට මෙසේ පැවසුවේය.+ “කෙරුබ්වරුන්ට යටින් කරකැවෙන රෝද+ අතරට ගොස් ඔවුන් අතරේ දැල්වෙමින් තිබෙන ගින්නෙන් ගිනි අඟුරු+ ඔබේ දෑතට ගන්න. ඒවා නුවර පුරා විසුරුවන්න.”+ මා බලා සිටියදීම ඔහු ඔවුන් අතරට ගියේය.  ඔහු කෙරුබ්වරුන් අතරට යන විට ඔවුන් සිටගෙන සිටියේ දේවමාලිගාවේ උතුරු පැත්තට වෙන්නය. ඒ අවස්ථාවේදී, අභ්‍යන්තර මළුව වලාකුළකින් වැසී ගියේය.+  කෙරුබ්වරුන් සිටි ස්ථානයේ දක්නට තිබුණු යෙහෝවා දෙවිගේ තේජස+ ඉහළට නැඟ ශුද්ධස්ථානයට පිවිසෙන ස්ථානය වෙතට පැමිණියේය. පසුව මුළු දේවමාලිගාවම වලාකුළෙන් වැසී ගියේය.+ එහි මළුව පුරාම යෙහෝවා දෙවිගේ තේජසද දීප්තියෙන් බැබළුණේය.  කෙරුබ්වරුන්ගේ පියාපත්වල හඬ+ පිටත මළුවට පවා ඇසුණේය. ඒ ශබ්දය සියලු බලැති දෙවිගේ හඬට සමානය.+  “කරකැවෙන රෝද අසල සිටින කෙරුබ්වරුන් අතරට ගොස් ගිනි අඟුරු අතට ගන්න” කියා සිහින් ලිනන් වස්ත්‍රයක් ඇඳගෙන සිටි පුරුෂයාට අණ කළ විට, ඔහු ඔවුන් අතරට ගොස් රෝදයක් අසල සිටගත්තේය.  එවිට එක් කෙරුබ්වරයෙක් ඔවුන් අතරේ තිබෙන+ ගින්නෙන් ගිනි අඟුරු ගෙන+ ඒ පුරුෂයාගේ දෑත්වලටම දුන්නේය.+ ඔහු ඒ ගිනි අඟුරු ගෙන පිටතට ගියේය.  සෑම කෙරුබ්වරයෙකුගේම පියාපත් යට මිනිසෙකුගේ අත්වලට සමාන අත් තිබිණ.+  මම බැලූ විට කෙරුබ්වරුන් අසලම රෝද හතරක් තිබෙනවා දුටිමි. සෑම කෙරුබ්වරයෙකු අසලම රෝදයක් බැගින් තිබිණ.+ ඒ රෝදවලින් ක්‍රිසොලයිට් මැණිකක කාන්තියට සමාන දීප්තියක් නික්මුණේය. 10  එම රෝද හතරම එක හා සමානය. ඒ එක් එක් රෝදය හරහට ඒ හා සමාන තවත් රෝදයක් සවි කර තිබිණ.+ 11  එම රෝද එලෙස පිහිටා තිබුණු නිසා ඕනෑම දිශාවකට පහසුවෙන් ගමන් කිරීමට ඒවාට හැකියාව තිබිණ. ඒවා ගමන් කරද්දී වෙනත් දිශාවකට නොහැරී නියමිත දිශාවටම ගමන් කළේය. කෙරුබ්වරුන්ගේ අවධානය* යොමු වූ දිශාවටම ඒවා ගමන් කළ නිසා වෙනත් දිශාවකට නොහැරී නියමිත දිශාවටම ගමන් කළේය.+ 12  කෙරුබ්වරුන්ගේ ශරීර පුරාම එනම්, ඔවුන්ගේ පිටවල්වලද අත්වලද පියාපත්වලද ඇස් පිහිටා තිබිණ.+ රෝදද ඇස්වලින් පිරී තිබිණ. ඔවුන් හතරදෙනා අසලම රෝදය බැගින් තිබිණ. 13  “ඉදිරියට ගමන් කරනු” කියා කරකැවෙන රෝද හතරට අණ කරන හඬක් මට ඇසිණ. 14  ඔවුන් එක් එක් කෙනාට මුහුණු හතර බැගින් තිබිණ.+ පළමුවන මුහුණ කෙරුබ්වරයෙකුගේ මුහුණක්ය. දෙවන මුහුණ මිනිසෙකුගේය.+ තුන්වන මුහුණ සිංහයෙකුගේය. හතරවන මුහුණ රාජාලියෙකුගේය.+ 15  එම කෙරුබ්වරු කේබාර් ගඟ+ අසලදී මා දුටු ජීවීන්මය. ඔවුහු ඉහළට නැග්ගෝය.+ 16  කෙරුබ්වරුන් යන යන තැනට රෝදද ගියේය.+ ඔවුන් තම පියාපත් විහිදුවා පොළොවේ සිට ඉහළට නැඟුණු විටත් රෝදද වෙනත් දිශාවකට නොගොස් ඔවුන් සමඟම ගියේය.+ 17  කෙරුබ්වරුන් නතර වූ විට රෝදද නතර විය. ඔවුන් ඉහළට පියාසර කළ විට රෝදද ඔවුන් සමඟ ඉහළට ගමන් කළේය.+ එසේවූයේ දෙවිගේ බලය ජීවීන් තුළ පමණක් නොව එම රෝද තුළත් ක්‍රියාත්මක වූ නිසාය.+ 18  ශුද්ධස්ථානය ආසන්නයේ දක්නට තිබූ යෙහෝවා දෙවිගේ තේජස+ එතැනින් ඉවත් වී කෙරුබ්වරුන්ට ඉහළින් බැබළෙන්න පටන්ගත්තේය.+ 19  මා බලා සිටියදීම කෙරුබ්වරු තම පියාපත් ඉහළට විහිදුවා පොළොවේ සිට නැඟී ගියෝය.+ ඔවුන් එසේ ඉහළට නැඟුණු විට රෝදද ඔවුන් සමඟම ගමන් කළේය. ඉන්පසු ඔවුහු යෙහෝවා දෙවිගේ ගෘහයේ නැඟෙනහිර දෙසින් පිහිටි දොරටුව අසලට ගොස් සිටගත්තෝය. ඊශ්‍රායෙල්හි දෙවිගේ තේජස ඔවුන්ට ඉහළින් බැබළුණේය. 20  කේබාර් ගඟ අසල+ මා දුටු දර්ශනයේදී ඊශ්‍රායෙල්හි දෙවිගේ සිංහාසනයට පහළින් සිටියේද එම ජීවීන්මය.+ ඔවුන් කෙරුබ්වරුන් බව මම තේරුම්ගත්තෙමි. 21  ඔවුන් එක් එක් කෙනාට මුහුණු හතරක්+ හා පියාපත් හතරක් බැගින් තිබිණ. ඔවුන්ගේ පියාපත් යට මිනිසෙකුගේ අත්වලට සමාන අත්ද දුටිමි. 22  ඔවුන්ගේ මුහුණුවල පෙනුමද කේබාර් ගඟ අසලදී මා දුටු ජීවීන්ගේ මුහුණුවල පෙනුමට සමානය.+ ඔවුහු වෙනත් දිශාවකට නොහැරී ඉදිරියටම ගමන් කළෝය.+

පාදසටහන්

මූ.අ., “හිස.”