၁ ဘုရင်များ ၁၁:၁-၄၃
၁၁ ရှောလမုန်မင်းကြီးဟာ ဖာရောမင်းရဲ့ သမီးတော်အပြင်+ မောဘ၊+ အမ္မုန်၊+ ဧဒုံ၊ ဆိုင်ဒုန်၊+ ဟိတ္တိ+ အမျိုးသမီးတွေဖြစ်တဲ့ တိုင်းတစ်ပါးသူ+ အများကြီးကိုလည်း ချစ်ကြိုက်တယ်။
၂ အဲဒီလူမျိုးတွေနဲ့ ပတ်သက်လို့ ယေဟောဝါက “သူတို့နဲ့ ထိမ်းမြားပေးစားတာ မလုပ်နဲ့။ သူတို့ရဲ့ဘုရားတွေကို ဝတ်ပြုဖို့ မင်းတို့စိတ်ယိုင်သွားအောင် လုပ်ကြလိမ့်မယ်”+ လို့ အစ္စရေးတွေကို ပြောခဲ့တယ်။ ဒါပေမဲ့ အဲဒီအမျိုးသမီးတွေကိုမှ ရှောလမုန် စွဲစွဲလမ်းလမ်း ချစ်နေတယ်။
၃ သူ့မှာ မင်းသမီးတွေဖြစ်တဲ့ မိဖုရား ၇၀၀၊ မောင်းမ ၃၀၀ ရှိတယ်။ မိဖုရားတွေက သူ့ကို တဖြည်းဖြည်းချင်း စိတ်ယိုင်သွားအောင် လုပ်ကြတယ်။
၄ ရှောလမုန် အသက်ကြီးလာတဲ့အခါ+ မိဖုရားတွေက တခြားဘုရားတွေကို ဝတ်ပြုဖို့ စိတ်ယိုင်သွားအောင် လုပ်ကြတယ်။+ ဒါကြောင့် ရှောလမုန်က ယေဟောဝါဘုရားကို ခမည်းတော်ဒါဝိဒ်လို စိတ်နှလုံးအကြွင်းမဲ့ ဝတ်မပြုတော့ဘူး။
၅ ဆိုင်ဒုန်လူမျိုးရဲ့ဘုရားမ အာရှတရက်၊+ အမ္မုန်လူမျိုးရဲ့ ရွံရှာဖွယ်ဘုရား မိလကုံကို+ ဝတ်ပြုလာတယ်။
၆ ယေဟောဝါရှေ့မှာ မကောင်းတာတွေကို လုပ်တယ်။ ခမည်းတော်ဒါဝိဒ်လို ယေဟောဝါနောက် အကြွင်းမဲ့မလိုက်တော့ဘူး။+
၇ နောက်တော့ ရှောလမုန်ဟာ မောဘလူမျိုးရဲ့ ရွံရှာဖွယ်ဘုရား ခေမုရှ၊ အမ္မုန်လူမျိုးရဲ့ ရွံရှာဖွယ်ဘုရား မောလုတ်အတွက်+ ဂျေရုဆလင်မြို့ရှေ့က တောင်ပေါ်မှာ အထွတ်အမြတ်နေရာကို+ တည်ဆောက်တယ်။+
၈ တိုင်းတစ်ပါးသူ မိဖုရားအားလုံးအတွက် အဲဒီလိုဆောက်ပေးတယ်။ သူတို့က အဲဒီဘုရားတွေဆီ ယဇ်တွေဆက်သပြီး မီးရှို့ပူဇော်ကြတယ်။*
၉ ရှောလမုန်က အိပ်မက်မှာ နှစ်ကြိမ်ရောက်လာတဲ့အရှင်+ အစ္စရေးတို့ရဲ့ဘုရား ယေဟောဝါဆီကနေ စိတ်ယိုင်သွားတဲ့အတွက် သူ့ကို ယေဟောဝါ အကြီးအကျယ် အမျက်ထွက်တယ်။+
၁၀ တခြားဘုရားတွေနောက် မလိုက်ဖို့ ယေဟောဝါ သတိပေးခဲ့ပေမဲ့+ သူ မနာခံဘူး။
၁၁ ဒါကြောင့် ယေဟောဝါက ရှောလမုန်ကို “မင်းဒီလိုလုပ်တဲ့အတွက်၊ ငါ့ပဋိညာဉ်ကို မစောင့်ထိန်း၊ ငါမှာထားတဲ့ ဥပဒေတွေအတိုင်း မလိုက်နာတဲ့အတွက် ဒီနိုင်ငံကို မင်းဆီကနေ ကျိန်းသေ ရုပ်သိမ်းပြီး မင်းရဲ့အမှုထမ်းတစ်ယောက်ကို ပေးမယ်။+
၁၂ ဒါပေမဲ့ မင်းရဲ့ခမည်းတော် ဒါဝိဒ်ကိုထောက်ပြီး မင်းလက်ထက်မှာ အဲဒီလို မလုပ်သေးဘူး။ မင်းရဲ့သားလက်ထက်မှာ နိုင်ငံကို ငါရုပ်သိမ်းမယ်။+
၁၃ တစ်နိုင်ငံလုံးကိုတော့ မရုပ်သိမ်းဘူး။+ ငါ့ကျွန်ဒါဝိဒ်ကို ထောက်ပြီး၊ ငါရွေးချယ်ထားတဲ့+ ဂျေရုဆလင်မြို့ကို ထောက်ပြီး မင်းရဲ့သားကို အနွယ်တစ်နွယ် ပေးမယ်”+ လို့ပြောတယ်။
၁၄ အဲဒီနောက် ယေဟောဝါက ရှောလမုန်ကို ပုန်ကန်သူတစ်ယောက် ပေါ်လာစေတယ်။+ သူဟာ ဧဒုံမင်းမျိုးမင်းနွယ် ဟာဒဒ်ဖြစ်တယ်။+
၁၅ ဧဒုံပြည်ကို ဒါဝိဒ်အနိုင်ရတော့+ ဗိုလ်ချုပ်ယွာဘက ကျဆုံးသူတွေကို သင်္ဂြိုဟ်တယ်။ အဲဒီတုန်းက ဧဒုံအမျိုးသားအားလုံးကို ကွပ်မျက်ဖို့ သူကြိုးစားခဲ့တယ်။
၁၆ (ယွာဘနဲ့ အစ္စရေးတွေဟာ ဧဒုံအမျိုးသား အားလုံးကို ကွပ်မျက်ပြီးတဲ့အထိ ဧဒုံပြည်မှာ ခြောက်လကြာ နေထိုင်ခဲ့တယ်။)
၁၇ ဟာဒဒ်ကတော့ ဖခင်ရဲ့ အမှုထမ်းတွေဖြစ်တဲ့ ဧဒုံအမျိုးသား တချို့နဲ့အတူ အီဂျစ်ပြည်ကို ထွက်ပြေးသွားတယ်။ အဲဒီတုန်းက သူဟာ ကလေးအရွယ်ပဲ ရှိသေးတယ်။
၁၈ သူတို့က မိဒျန်ပြည်ကနေ ထွက်ပြီး ပါရန်အရပ်ကို+ ရောက်လာတဲ့အခါ အဲဒီက လူတချို့ကို ခေါ်ပြီး အီဂျစ်ပြည်၊ အီဂျစ်ဘုရင် ဖာရောဆီ ရောက်လာတယ်။ ဖာရောမင်းက ဟာဒဒ်ကို အိမ်နဲ့ မြေကိုရော စားစရာတွေကိုပါ ထောက်ပံ့ပေးတယ်။
၁၉ ကြင်ရာတော် မိဖုရားတာပနက်ရဲ့ ညီမနဲ့ပေးစားတဲ့အထိ ဟာဒဒ်ကို မျက်နှာသာပေးတယ်။
၂၀ နောက်ပိုင်းမှာ တာပနက်ရဲ့ညီမက သားဂေနုဗတ်ကို မွေးတယ်။ တာပနက်လည်း ဂေနုဗတ်ကို ဖာရောရဲ့နန်းတော်ဆီ ခေါ်ပြီး ကျွေးမွေးစောင့်ရှောက်တဲ့အတွက် ဂေနုဗတ်ဟာ ဘုရင့်သားတော်တွေနဲ့အတူ ကြီးပြင်းလာတယ်။
၂၁ ဒါဝိဒ် ကွယ်လွန်သွားပြီ၊+ ဗိုလ်ချုပ်ယွာဘလည်း သေဆုံးသွားပြီဆိုတဲ့ သတင်းကို+ အီဂျစ်ပြည်မှာရှိတဲ့ ဟာဒဒ်ကြားတဲ့အခါ “နေရင်းပြည်ဆီ ပြန်ခွင့်ပြုပါ” ဆိုပြီး ဖာရောကို ခွင့်တောင်းတယ်။
၂၂ ဒါပေမဲ့ ဖာရောက “ဒီမှာ ဘာများလိုအပ်နေလို့ ကိုယ့်နေရင်းပြည်ဆီ ပြန်ချင်ရတာလဲ” ဆိုပြီးမေးတော့ ဟာဒဒ်က “လိုအပ်တာ ဘာမှမရှိပါဘူး။ ဒါပေမဲ့ ကျွန်တော့်ကို ပြန်ခွင့်ပြုပါ” လို့ပြန်ဖြေတယ်။
၂၃ ဘုရားသခင်က ဧလျာဒရဲ့သား ရေဇုန်ကိုလည်း ရှောလမုန်ကို ပုန်ကန်စေတယ်။+ ရေဇုန်ဟာ သူ့သခင် ဇောဘမင်းကြီး ဟာဒဒေဇာဆီကနေ+ ထွက်ပြေးသွားသူပဲ။
၂၄ ဇောဘလူတွေကို ဒါဝိဒ်နှိမ်နင်းချိန်မှာ+ ရေဇုန်က လူတွေကိုစုဆောင်း၊ ဓားပြအုပ်စုဖွဲ့ပြီး ခေါင်းဆောင်လုပ်တယ်။ သူ့လူတွေနဲ့အတူ ဒမတ်စကတ်မြို့ကို ထွက်သွားပြီး+ အဲဒီမှာ အခြေချ၊ အုပ်ချုပ်တယ်။
၂၅ ရေဇုန်က ဆီးရီးယားပြည်ကို အုပ်ချုပ်ချိန်တစ်လျှောက်လုံး အစ္စရေးတွေကို ရွံမုန်းတယ်။ ဒါကြောင့် ရှောလမုန်လက်ထက်မှာ အစ္စရေးတွေကို ရန်မူပြီး ဟာဒဒ်လိုပဲ အစ္စရေးတွေ ဒုက္ခရောက်အောင် လုပ်တယ်။
၂၆ ရှောလမုန်ကို ပုန်ကန်သူ နောက်တစ်ယောက်ကတော့+ ဇေရဒမြို့မှာနေတဲ့ နေဗတ်ရဲ့သား၊ ဧဖရိမ်အမျိုးသား ယေရောဗောင်+ ဖြစ်တယ်။ သူဟာ ရှောလမုန်ရဲ့မင်းမှုထမ်းပဲ။+ သူ့မိခင်က မုဆိုးမ၊ ဇေရုအာလို့ခေါ်တယ်။
၂၇ သူပုန်ကန်ဖို့ အကြောင်းဖန်လာပုံကတော့– ရှောလမုန်က တောင်ကုန်းကို* တည်ဆောက်တယ်။+ ဒါဝိဒ်မြို့ရဲ့+ မြို့ရိုးကိုလည်း ဆက်ဆောက်တယ်။
၂၈ အဲဒီတုန်းက ယေရောဗောင်ဟာ လုပ်ရည်ကိုင်ရည်ရှိတဲ့လူငယ်တစ်ယောက်ဖြစ်တယ်။ လုံ့လဝီရိယရှိသူဖြစ်မှန်း ရှောလမုန်မြင်တဲ့အခါ သူ့ကို ယောသပ်အမျိုးထဲက ချွေးတပ်သားတွေကို ကြီးကြပ်ခိုင်းလိုက်တယ်။+
၂၉ တစ်နေ့၊ ယေရောဗောင်က ဂျေရုဆလင်မြို့ပြင်ကို ထွက်လာတဲ့အခါ ဝတ်လုံအသစ် ဝတ်ထားတဲ့ ရှိလောမြို့သား ပရောဖက်အဟိယနဲ့+ လမ်းမှာ ဆုံတယ်။ မြို့ပြင်မှာ နှစ်ယောက်တည်းရှိနေတုန်း၊
၃၀ အဟိယက သူ့ဝတ်လုံအသစ်ကို ချွတ်၊ ၁၂ ပိုင်း ဆုတ်ဖြဲပြီး၊
၃၁ ယေရောဗောင်ကို ပြောတယ်–
“ဆယ်ပိုင်းကို မင်းယူထားပါ။ အစ္စရေးတို့ရဲ့ဘုရား ယေဟောဝါပြောတာက– ‘ဒီနိုင်ငံကို ရှောလမုန်လက်ထဲကနေ ရုပ်သိမ်းပြီး မင်းကို ဆယ်နွယ်ပေးမယ်။+
၃၂ ဒါပေမဲ့ ငါ့ကျွန်ဒါဝိဒ်ကို ထောက်ပြီး၊+ အစ္စရေးအနွယ် အားလုံးထဲကနေ ငါရွေးချယ်ထားတဲ့ ဂျေရုဆလင်မြို့ကိုထောက်ပြီး+ အနွယ်တစ်နွယ်ကိုတော့ ရှောလမုန်အတွက်+ ချန်ထားပေးမယ်။
၃၃ သူတို့က ငါ့ကိုစွန့်ပယ်ပြီး+ ဆိုင်ဒုန်လူမျိုးရဲ့ ဘုရားမ အာရှတရက်၊ မောဘဘုရား ခေမုရှ၊ အမ္မုန်လူမျိုးရဲ့ဘုရား မိလကုံကို ဦးချရှိခိုးနေကြတယ်။ ရှောလမုန်ရဲ့ဖခင် ဒါဝိဒ်က ငါ့အမြင်မှာ မှန်ရာကိုလုပ်ပြီး ငါ့ဥပဒေတွေ၊ တရားစီရင်ချက်တွေကို လိုက်နာခဲ့ပေမဲ့ သူတို့ကတော့ ငါ့လမ်းစဉ်တွေအတိုင်း မလိုက်လျှောက်ဘူး။ ဒါကြောင့် နိုင်ငံကို ငါရုပ်သိမ်းမယ်။
၃၄ ဒါပေမဲ့ ရှောလမုန် လက်ထဲကနေ တစ်နိုင်ငံလုံးကိုတော့ မရုပ်သိမ်းဘူး။ ငါ့ပညတ်ချက်တွေ၊ ဥပဒေတွေကို နာခံခဲ့တဲ့၊ ငါရွေးချယ်ထားတဲ့ ငါ့ကျွန်ဒါဝိဒ်ကို ထောက်ပြီး+ သူ့ကို တစ်သက်လုံး ခေါင်းဆောင်အဖြစ် ဆက်ထားမယ်။
၃၅ သူ့သားလက်ထက်ကျမှ အာဏာရုပ်သိမ်းပြီး မင်းကို ဆယ်နွယ်ပေးမယ်။+
၃၆ သူ့သားအတွက် အနွယ်တစ်နွယ် ချန်ပေးမယ်။ နာမတော်တည်စေဖို့ ငါရွေးချယ်ထားတဲ့ ဂျေရုဆလင်မြို့မှာ၊ ငါ့ကျွန်ဒါဝိဒ်ရဲ့ မီးခွက်ဟာ အမြဲ ထွန်းလင်းနေလိမ့်မယ်။+
၃၇ မင်းကို ငါရွေးချယ်လိုက်ပြီ။ မင်းဟာ အစ္စရေးဘုရင်ဖြစ်လာပြီး အလိုရှိတဲ့အတိုင်း အုပ်ချုပ်ရလိမ့်မယ်။
၃၈ မင်းသာ ငါ့ကျွန်ဒါဝိဒ်လို+ ငါ့ဥပဒေတွေ၊ ပညတ်ချက်တွေကို နာခံမယ်၊ ငါမိန့်မှာသမျှကို နာခံမယ်၊ ငါ့လမ်းစဉ်တွေအတိုင်း လိုက်လျှောက်မယ်၊ ငါ့အမြင်မှာ မှန်ရာကိုလုပ်မယ်ဆိုရင် မင်းနဲ့အတူ ငါရှိမယ်။ ဒါဝိဒ်ရဲ့မင်းဆက်လိုပဲ မင်းရဲ့မင်းဆက်ကိုလည်း ငါတည်မြဲစေမယ်။+ မင်းကို အစ္စရေးနိုင်ငံ အုပ်စိုးခွင့် ပေးမယ်။
၃၉ ရှောလမုန်ရဲ့ မကောင်းတဲ့လုပ်ရပ်ကြောင့်+ ဒါဝိဒ်ရဲ့သားမြေးတွေကို ငါအရှက်ကွဲစေမယ်။ အမြဲတမ်းတော့ မဟုတ်ဘူး။’”+
၄၀ ရှောလမုန်က ယေရောဗောင်ကို သတ်ဖို့ ကြိုးစားတဲ့အတွက် ယေရောဗောင်လည်း အီဂျစ်ဘုရင်+ ရှိရှက်ဆီ+ ထွက်ပြေးတယ်။ ရှောလမုန် ကွယ်လွန်တဲ့အထိ အီဂျစ်ပြည်မှာ ခိုလှုံနေတယ်။
၄၁ ရှောလမုန်ရဲ့ ကျန်တဲ့သမိုင်းကြောင်းတွေ၊ လုပ်ဆောင်ခဲ့တာတွေ၊ ဉာဏ်ပညာ ကြီးမားပုံတွေကို ရှောလမုန်ရဲ့ ရာဇဝင်မှတ်တမ်းမှာ ရေးထားတယ်။+
၄၂ ရှောလမုန်ဟာ ဂျေရုဆလင်မြို့မှာ နန်းစံပြီး အစ္စရေးတွေကို နှစ်ပေါင်း ၄၀ အုပ်ချုပ်ခဲ့တယ်။
၄၃ အဲဒီနောက် ကွယ်လွန်သွားတဲ့အတွက် သူ့ကို ဒါဝိဒ်မြို့မှာ သင်္ဂြိုဟ်လိုက်ကြတယ်။ သားတော်ရောဗောင်က+ ထီးနန်းဆက်ခံတယ်။
