ဗျာဒိတ် ၉:၁-၂၁

စာတန်းထိုးပါ စာတန်းထိုး ပိတ်ပါ

  • ပဉ္စ​မ ခ​ရာ (၁-၁၁)

  • အဖြစ်​ဆိုး​တစ်​ခု လွန်​သွား​၊ အဖြစ်​ဆိုး​နှစ်​ခု လာဦးမယ် (၁၂)

  • ဆ​ဋ္ဌ​မ ခ​ရာ (၁၃-၂၁)

၉  ပဉ္စ​မ​ကောင်း​ကင်​တ​မန် ခ​ရာ​မှုတ်​လိုက်​တဲ့​အခါ+ ကောင်း​ကင်​က​နေ ကမ္ဘာ​မြေပေါ်​ကို ကြယ်​တစ်​လုံး​ကျ​လာ​တာ ကျွန်​တော်​မြင်​တယ်။ ဘု​ရား​သခင်​က တွင်း​နက်​ကြီး​ရဲ့​သော့​ကို+ သူ့​ဆီ အပ်​တယ်။ ၂  တွင်း​နက်​ကြီး​ကို သူ ဖွင့်​လိုက်​တဲ့​အခါ တွင်း​ထဲ​က​နေ မီး​ခိုး​တွေ တက်​လာ​တယ်။ မီး​ဖို​ကြီး​ထဲ​က မီး​ခိုး​လုံး​တွေ တက်​လာ​သလို​ပါ​ပဲ။ တွင်း​ထဲ​က​နေ တက်​လာ​တဲ့ မီး​ခိုး​တွေ​ကြောင့် နေ​နဲ့ လေ​ထု​ဟာ မည်း​မှောင်​သွား​တယ်။+ ၃  ကျိုင်း​ကောင်​တွေ​က မီး​ခိုး​ထဲ​က​နေ ထွက်​လာ​ပြီး မြေပေါ် ရောက်​လာ​တယ်။+ ဘု​ရား​သခင်​က မြေပေါ်​မှာ​ရှိ​တဲ့ ကင်း​မြီး​ကောက်​တွေ ရ​ထား​တဲ့ တန်​ခိုး​မျိုး သူ​တို့​ကို​ပေး​တယ်။ ၄  မြေပေါ်​က အပင်​တွေ၊ စိမ်း​စို​တဲ့​အပင်​တွေ၊ သစ်​ပင်​တွေ​ကို ဒုက္ခ​မပေး​ဖို့၊ န​ဖူး​ပေါ်​မှာ ဘု​ရား​သခင့်​တံ​ဆိပ် မခတ်​ထား​တဲ့ လူ​တွေ​ကို​ပဲ ဒုက္ခ​ပေး​ဖို့ သူ​တို့​ကို မှာ​ကြား​တယ်။+ ၅  ကျိုင်း​ကောင်​တွေ​ဟာ လူ​တွေ​ကို ငါး​လ​တာ ညှဉ်း​ဆဲ​ခွင့်​ရှိ​ပေမဲ့ သတ်​ပိုင်​ခွင့်​တော့ မရှိ​ဘူး။ လူ​တွေ​ခံ​ရ​တဲ့ ညှဉ်း​ဆဲ​ခြင်း​ဝေ​ဒ​နာ​ဟာ ကင်း​မြီး​ကောက်+ အကိုက်​ခံ​ရ​တဲ့ ဝေ​ဒ​နာ​နဲ့​တူ​တယ်။ ၆  အဲ​ဒီ​အ​ချိန်​ကျ​ရင် လူ​တွေ​က သေချင်​စိတ် ပေါက်​လာ​မယ်။ သေဖို့ နည်း​လမ်း​ရှာ​ပေမဲ့ တွေ့​မှာ​မဟုတ်​ဘူး။ သေချင်​ပေမဲ့ မသေနိုင်​ဘူး။ ၇  ကျိုင်း​ကောင်​တွေရဲ့ ပုံ​သဏ္ဌာန်​ဟာ တိုက်​ပွဲ​ဝင်​ဖို့ အသင့်​ဖြစ်​နေ​တဲ့ မြင်း​တွေ​လို​ပဲ။+ ခေါင်း​ပေါ်​မှာ ဆောင်း​ထား​တာ ရွှေ​သရ​ဖူ​လို​ပဲ။ မျက်​နှာ​ဟာ လူ့​မျက်​နှာ​လို​ပဲ။ ၈  ဆံ​ပင်​ဟာ မိန်း​မဆံ​ပင်​နဲ့ တူ​တယ်။ သွား​က​တော့ ခြင်္သေ့​သွား​နဲ့ တူ​တယ်။+ ၉  ရင်​အုပ်​ဟာ သံ​ရင်​အုပ်​တန်​ဆာ တပ်​ထား​တာ​နဲ့ တူ​တယ်။ အတောင်​ခတ်​သံ​ဟာ စစ်​ပွဲ​ဆီ ဒုန်း​စိုင်း​နှင်​နေ​တဲ့ မြင်း​ရ​ထား​တွေရဲ့ အသံ​နဲ့​တူ​တယ်။+ ၁၀  ကင်း​မြီး​ကောက်​လို​ပဲ အမြီး​မှာ အဆိပ်​ဆူး​ရှိ​တယ်။ အမြီး​တွေ​ဟာ လူ​တွေ​ကို ငါး​လ​တိုင်​တိုင် ဒုက္ခ​ပေး​နိုင်​တဲ့ တန်​ခိုး​ရှိ​တယ်။+ ၁၁  သူ​တို့​ဆီ​မှာ ဘု​ရင်​တစ်​ပါး ရှိ​တယ်။ အဲ​ဒီ​ဘု​ရင်​က​တော့ တွင်း​နက်​ကြီး​ရဲ့ ကောင်း​ကင်​တ​မန်​ပဲ။+ သူ့​နာ​မည်​က ဟီ​ဘ​ရူး​လို အဗ​ဒ္ဒုန်၊* ဂရိ​လို အပေါ​လျုန်* လို့​ခေါ်​တယ်။ ၁၂  အဖြစ်​ဆိုး​တစ်​ခု လွန်​သွား​ပြီ။ ဒါ​ပြီး​ရင် အဖြစ်​ဆိုး​နှစ်​ခု+ လာဦး​မယ်။ ၁၃  အဲ​ဒီ​နောက် ဆ​ဋ္ဌ​မကောင်း​ကင်​တ​မန်+ ခ​ရာ​မှုတ်​လိုက်​တဲ့​အခါ+ ဘု​ရား​သခင့်​ရှေ့​မှာ​ရှိ​တဲ့ ရွှေ​နံ့​သာ​ပေါင်း​ပလ္လင်ရဲ့ ဦး​ချို​အတက်​တွေ​က​နေ+ စ​ကား​သံ ထွက်​ပေါ်​လာ​တာ  ကျွန်​တော်  ကြား​တယ်။ ၁၄  အဲ​ဒီ​အသံ​က ခ​ရာ​ကိုင်​ထား​တဲ့ ဆ​ဋ္ဌ​မကောင်း​ကင်​တ​မန်​ကို “ယူ​ဖရေး​တီး​မြစ်​ကြီး​နား​မှာ+  ချည်​နှောင်​ထား​တဲ့  ကောင်း​ကင်​တ​မန်​လေး​ပါး​ကို  လွှတ်​ပေး​လိုက်​ပါ”  လို့ ​ပြော​တယ်။ ၁၅  သတ်​မှတ်​ထား​တဲ့ နှစ်၊ လ၊ ရက်၊ အချိန်​နာ​ရီ​အတွက် အသင့်​ဖြစ်​နေ​တဲ့ ကောင်း​ကင်​တ​မန်​လေး​ပါး​ကို လူ​သုံး​ပုံ​တစ်​ပုံ​ကို သတ်​ဖြတ်​ဖို့ လွှတ်​ပေး​လိုက်​တယ်။ ၁၆  မြင်း​တပ်​ထဲ​က မြင်း​စီး​သူ​ရဲတွေရဲ့ အရေ​အတွက်​ဟာ ကု​ဋေ​နှစ်​ဆယ်* ရှိ​တယ်။ သူ​တို့​ရဲ့ အရေ​အတွက်​ကို ကျွန်​တော် ကြား​သိ​ရ​တယ်။ ၁၇  စိတ်​အာ​ရုံ​ထဲ​မှာ ကျွန်​တော်​မြင်​တဲ့ မြင်း​တွေ​နဲ့ မြင်း​စီး​သူ​ရဲတွေရဲ့ ပုံ​စံ​က​တော့– မြင်း​စီး​သူ​ရဲတွေ​က မီး​နီ​ရောင်၊  အပြာ​ရင့်ရောင်၊ ကန့်​လို အဝါ​ရောင်​ရှိ​တဲ့ ရင်​အုပ်​တန်​ဆာ​တွေ ဝတ်​ဆင်​ထား​တယ်။ မြင်း​တွေရဲ့​ခေါင်း​ဟာ ခြင်္သေ့​ခေါင်း​နဲ့​တူ​တယ်။+ ခံ​တွင်း​က​နေ မီး​လျှံ၊ မီး​ခိုး​နဲ့ ကန့်​တွေ ထွက်​လာ​တယ်။ ၁၈  ခံ​တွင်း​ထဲ​က ထွက်​လာ​တဲ့ မီး​လျှံ၊ မီး​ခိုး​နဲ့ ကန့်​ဆို​တဲ့ ကပ်​ဘေး​သုံး​ခု​ကြောင့် လူ​သုံး​ပုံ​တစ်​ပုံ သေဆုံး​သွား​တယ်။ ၁၉  မြင်း​တွေရဲ့​တန်​ခိုး​ဟာ ခံတွင်း​နဲ့ အမြီး​မှာ ရှိ​တယ်။ အမြီး​ဟာ ခေါင်း​ပါ​တဲ့​မြွေနဲ့​တူ​တယ်။ သူ​တို့​က လူ​တွေ​ကို အမြီး​တွေ​နဲ့ ဒုက္ခ​ပေး​တတ်​တယ်။ ၂၀  အဲ​ဒီ​ကပ်​ဘေး​ကြောင့် မသေဘဲ ကျန်​ခဲ့​တဲ့​လူ​တွေ​ဟာ ကိုယ့်​လက်​နဲ့​လုပ်​တဲ့ အရာတွေ​အတွက် နောင်​တ​မရ​ကြ​ဘူး။ ရွှေ၊ ငွေ၊ ကြေး​နီ၊ ကျောက်၊ သစ်​သား​တွေ​နဲ့ လုပ်​ထား​ပြီး မမြင်​နိုင်၊ မကြား​နိုင်၊ မသွား​လာ​နိုင်​တဲ့+ ရုပ်​တု​တွေ​ကို​ရော နတ်​ဆိုး​တွေ​ကို​ပါ ကိုး​ကွယ်​မြဲ ကိုး​ကွယ်​နေ​ကြ​တယ်။ ၂၁  လူ​သတ်​တာ၊ နတ်​ဆိုး​ပညာ​လိုက်​စား​တာ၊ လိင်​အကျင့်​ယို​ယွင်း​တာ၊*  ခိုး​ဝှက်​တာ​တွေ​အတွက်​လည်း နောင်​တ​မရ​ကြ​ဘူး။

အောက်ခြေမှတ်ချက်များ

^ အဓိပ္ပာယ်၊ “ဖျက်​ဆီး​သူ။”
^ အဓိပ္ပာယ်၊ “ဖျက်​ဆီး​ခြင်း။”
^ ဒါ​မှ​မဟုတ်၊ “၂၀,၀၀၀ x ၁၀,၀၀၀။” ၂၀၀, ၀၀၀,၀၀၀။
^ ခက်​ဆစ်​ကို​ကြည့်။
ကမ္ဘာသစ်ဘာသာပြန်ကျမ်း
ဗျာဒိတ် ၉
မြန်မာ လက်သင်္ကေတပြဘာသာစကား
ကျမ်း​စောင်​အ​မည်​များ
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt ၄၀