Gue na tënë ti yâ ni

Gue na li ti atënë ni

Gi ti hinga tâ tënë na ndö ni

Gi ti hinga tâ tënë na ndö ni

Kpale ni

Mingi ni, azo ayeke ke amba ti ala senge senge ndali ti atënë ti mvene so ala yeke mä na ndö ti ala. Na tapande:

  • Ambeni zo so ayeke mû azo na kua apensé atene awali apeut ti sara akua ti ngangu ape, wala akua so a hunda gbungo li mingi.

  • Azo atene so azo ti kete kodro aye ka nyongo sambä mingi nga ala ye kua ape.

  • Gbâ ti azo atene so azo so mbage ti terê ti ala abuba ayeke ka na ngia ape, ala yeke gï mawa mawa.

Azo so ayeda na atënë tongaso ayeke fa ambeni tapande ti fa so a yeke senge senge la ala ke azo ni ape. Na tongana mo ke tënë ti ala ni ala tene mo hinga ndo ape.

Mama-ndia ti Bible

“Tongana zo ahinga ye pëpe, a yeke nzoni pëpe.”—APROVERBE 19:2.

Versê so aye ti tene nyen? Tongana e hinga tâ tënë na ndö ti mbeni ye ape, e yeke mû asioni desizion. Tongana e mä gï a-atene, e yeke ke azo senge senge.

Ngbanga ti nyen a yeke bien ti gi ti hinga tâ tënë na ndö ti azo ni?

Tongana e hinga azo ni nzoni, e yeke yeda ande ape na atënë ti mvene so ambeni zo atene na ndö ti ala. Tongana e bâ so asioni tënë so azo atene na ndö ti ambeni zo ayeke tâ tënë ape, kekereke tongana e mä tënë na ndö ti ambeni zo ni nde, e yeke yeda ande na ni hio ape.

 Ye so mo peut ti sara

  • Azo apeut ti tene so groupe ti ambeni zo tongaso ayeke na sioni sarango ye, me girisa ape so azo ni kue la ayeke tongaso ape.

  • Girisa ape so peut-être mo hinga ye nzoni kue na ndö ti azo ni ape.

  • Gi ti hinga tâ tënë ni na mbage ti azo so ahinga tënë nzoni mingi na ndö ti tënë ni.