Montre ti fin du monde aga nduru ti si na minuit awe

JOUÉ NI

Na lango 27 ti janvier 2026, ascientifique akiri apusu a-aiguille ti montre ti fin du monde nduru a na minuit. Minuit aye ti sara tënë ti ngoi so azo ayeke sara mbeni kota ye so asara si sese ayeke buba.

“Mbeni bungbi ti ascientifique so ayeke bâ tënë ti science nga na ti sécurité la apusu a-aiguille ti montre ni so na devant na angbâ gï seconde 85 ti tene minuit alingbi, ti fa so ngoi angbâ gï kete ti tene ye kue ahunzi.”—Bulletin of the Atomic Scientists.
“Ascientifique asara kua na montre ni so ti fa mbeni ye na azo. Aye aga sioni mingi ahon ti kozo na yâ ti dunia, akodro ayeke mä terê na popo ti ala nzoni ape, nga aye angbâ lakue ti ga gï sioni sioni. Azo abezoin ti sara achangement na ala peut ti sara ni. Me, azo na yâ ti dunia kue adoit ti hunda na akota zo ti kodro ti ala ti sara mbeni ye hio.”—Alexandra Bell, president and CEO, Bulletin of the Atomic Scientists.

Eskê ngoi so azo nga na sese ayeke existé ande ape aga nduru mingi awe? Eskê e doit ti sara mbeto ti aye so ayeke si ande kekereke? Bible atene nyen na ndö ni?

Nyen la ayeke si ande kekereke?

Bible atene so “sese ayeke ngbâ kpu na kpu” nga azo ayeke “ngbâ na ndö ni lakue lakue.” (Zo-ti-fa-tene 1:4; Psaume 37:29). Tongaso, azo ayeke futi ande sese ape, me azo ayeke ngbâ ande ti vivre na ndö ni.

Ni la, Bible asara tënë ti hunzingo ti mbeni ye. Na tapande, Bible atene so “dunia so angbâ ti hon.”—1 Jean 2:17.

Ti hinga ambeni ye so Bible atene na ndö ti futingo dunia so, diko article “Eskê a ga nduru ti futi dunia so awe? Apocalypse ayeke nyen?”
Ti hinga ye so Bible atene na ndö ti ngoi so ambeni kpengba ye ayeke si ande, diko article “Quand la fin du monde viendra-t-elle ?”

Ngbâ ti duti na beku na ndö ti gigi ti kekereke

Bible apeut ti aidé e ti duti na beku, atâa asioni ye so ayeke si na yâ ti dunia. Na lege wa?

Bible amû na e anzoni wango (2 Timothée 3:16, 17). Na tapande, diko article “Comment ne pas vous laisser submerger par l’inquiétude” ti bâ tongana nyen la Bible apeut ti aidé mo ti duti na beku, atâa akpale so mo wara.
Bible amû mbeni tâ beku ndali ti gigi ti kekereke (aRomain 15:4). A fa mbilimbili ye so e peut ti sara laso nga na yâ ti angoi so ayeke ga. Ti hinga ni, a yeke aidé e ti ngbâ ti duti na beku, atâa aye wa la asi na yâ ti dunia so.

Tongana mo ye ti wara aye ti nzoni na lege ti aye so Bible afa, gi ti tene mbeni zo amanda Bible na mo senge senge.

a “Montre ti fin du monde (wala Doomsday Clock na Anglais) ayeke mbeni montre so ayeke fa na azo tongana nyen la a ga nduru mingi awe ti futi dunia so na lege ti aye ti technologie so azo asigi na ni so ayeke sara sioni na azo. A yeke mbeni hakango ye so ayeke rappelé azo ti hinga akpale wa la e doit ti leke ni, tongaso si e peut ti ngbâ ti vivre na ndö ti sese.”—Bulletin of the Atomic Scientists.