Gue na tënë ti yâ ni

Gue na li ti atënë ni

 GIGI TI E TI CHRÉTIEN

Nyen la mo lingbi ti manda na lege ti aita so aninga na yâ ti tâ tënë?

Nyen la mo lingbi ti manda na lege ti aita so aninga na yâ ti tâ tënë?

Na yâ ti acongrégation ti e, a yeke wara aita so asara na Jéhovah teti angu mingi. E lingbi ti manda ye na ndö ti confiance so ala yeke na ni na Jéhovah. E lingbi ti hunda ala ti fa na e mbaï ti bungbi ti Jéhovah nga na akpale so ala wara so ala hon ndö ni grâce na aide ti Jéhovah. E lingbi même ti tisa mbeni oko ti akpengba ita so ti fa na e aye so asi na ala na ngoi ti vorongo Nzapa na yâ ti sewa.

Tongana mo yeke mbeni ita so aninga na bungbi, duti nduru ti fa na aita so ade maseka aye so asi na mo na yâ ti bungbi ti Jéhovah. Jacob na Joseph afa lani na azo ti sewa ti ala so ade maseka aye so Jéhovah asara ndali ti ala (Ge 48:21, 22; 50:24, 25). Na pekoni, Jéhovah ahunda na amokonzi ti sewa ti fa na amolenge ti ala tënë ti akpengba ye so lo sara (De 4:9, 10; Ps 78:4-7). Na ngoi ti e laso, ababâ na amama nga na ambeni ita na yâ ti congrégation alingbi ti fa na amaseka tënë ti apendere ye so ala bâ Jéhovah asara na lege ti bungbi ti lo.

BÂ VIDÉO NGBÂ TI DUTI BEOKO NA NGOI SO A KANGA LEGE NA E TI FA TËNË NGA TI VORO JÉHOVAH, NA PEKONI KIRI TËNË NA AHUNDA SO:

  • Tongana nyen la filiale ti Autriche amû maboko na aita ti ambeni kodro so a kanga lege na ala ti fa tënë nga ti voro Jéhovah?

  • Tongana nyen la aita ti akodro so angbâ ti sara si mabe ti ala akpengba?

  • Ngbanga ti nyen la mingi ti awafango tënë ti Roumanie azia lani bungbi ti Jéhovah? Tongana nyen la ala kiri lani na mbage ti bungbi ti Jéhovah?

  • Tongana nyen la ye so asi lani so akpengba mabe ti mo?

Manda apendere ye na mbage ti ambakoro ti tene mabe ti mo akiri akpengba!