Psaume 82:1-8
Bia ti Asaph.+
82 Nzapa amû place na ndo ti lo so a yeke sara bungbi dä;+lo fâ ngbanga na milieu ti anzapa,*+ lo tene:
2 “Ala yeke ngbâ ti fâ ngbanga na lege ni pëpe juska lawa?+Ala yeke ngbâ ti mû mbage ti azo ti sioni juska lawa?+ (Sélah)
3 Ala gbu koko ti* azo ti mawa nga na ti amolenge so babâ ti ala ayeke dä pëpe.+
Ala fâ ngbanga na lege ni na azo so zo ti mû maboko na ala ayeke dä pëpe nga na azo so ayeke na ye oko pëpe.+
4 Ala zi azo ti mawa nga na awayere;ala sö ala na maboko ti azo ti sioni.”
5 Ala hinga ye pëpe nga ala mä yâ ti ye nzoni pëpe;+ala yeke tambela na yâ ti vukongo ndo;agunda ti sese kue ayeke yengi yengingo.+
6 “Mbi tene lani: ‘Ala yeke anzapa,*+ala kue ayeke amolenge ti Lo so ayeke na nduzu na ndö ti aye kue.
7 Me ala yeke kui tongana ti tanga ti azo kue;+nga ala yeke tï tongana ti mbeni mokonzi.’”+
8 Nzapa, londo mo fâ ngbanga ti sese,+ndali ti so amara kue ayeke ti mo.
Kete tënë
^ Wala “azo so ayeke tongana anzapa.”
^ Wala “Ala fâ ngbanga ti.”
^ Wala “azo so ayeke tongana anzapa.”
