Psaume 80:1-19
Na mokonzi ti azo ti pikango mozoko; ti pika ni alingbi na bia “Afleur ti lis.” Ti dabe ti zo na mbeni ye. Psaume ti Asaph.+ Bia.
80 Berger ti Israël, mä e,mo so mo yeke fa lege na Joseph tongana ti so berger afa lege na anyama.+
Mo so mo duti na ndö ti trône ti mo na ndö ti* achérubin,+sigi, mo su ngangu.*
2 Fa ngangu ti mo+na lê ti Éphraïm, Benjamin na Manassé;ga mo sö e.+
3 Nzapa, kiri na e na kozo dutingo ti e;+zia si lumière ti lê ti mo aza na ndö ti e, si e sö kuâ.+
4 Jéhovah, Nzapa ti aturugu, juska lawa la mo yeke ngbâ ti bâ sambela ti azo ti mo na sioni lê?+
5 Mo mû na ala ngu ti lê tongana kobe ti tengo ti ala,mo sara si ala nyon ngu ti lê gbani gbani.
6 Mo zia si amara so ayeke na terê ti e apapa ndali ti e;awato ti e angbâ gï ti he e ti bê ti ala.+
7 Nzapa ti aturugu, kiri na e na kozo dutingo ti e;zia si lumière ti lê ti mo aza na ndö ti e, si e sö kuâ.+
8 Mo sara si mbeni vigne+ asigi na Égypte ahon.
Mo tomba amara, na mo lu ni.+
9 Mo leke ndo pendere ndali ti vigne so,gunda ni alï sese nzoni na amû yâ ti kodro ni kue.+
10 Gbe ti dê ti vigne ni amû ndö ti ahoto,nga amaboko ni amû ndö ti akeke ti cèdre ti Nzapa.
11 Amaboko ni ague juska asi na ngu-ingo,na afini kugbe ni ague juska asi na Ngu ti Euphrate.+
12 Ndani nyen si mo kungbi gbagba ti tênë so ayeke na terê ti yaka ti vigne so?+si azo kue so ahon ayeke fâ lengo ni so?+
13 Acochon ti ngonda abuba ni,nga anyama ti ngonda ate ni.+
14 Nzapa ti aturugu, pardon, kiri.
Na yayu kâ, bi lê ti mo na sese mo bâ ndo!
Bâ lege ti vigne so,+
15 kete keke ti vigne so maboko ti mo ti koli alu ni,+nga bi lê ti mo na terê ti molenge-koli so* mo sara si lo kpengba ndali ti mo wani.+
16 A gbi ni,+ a dë ni na sese.
So mo suku na azo ni, azo ni akui.
17 Zia si maboko ti mo amû ngangu na zo so ayeke na mbage ti maboko ti mo ti koli,zia si a mû ngangu na lo so ayeke molenge ti zo, so mo sara si lo kpengba ndali ti mo wani.+
18 Na pekoni, e yeke tourné peko na mo pëpe.
Bata e na fini, si e ngbâ ti di iri ti mo.
19 Jéhovah, Nzapa ti aturugu, kiri na e na kozo dutingo ti e;zia si lumière ti lê ti mo aza na ndö ti e, si e sö kuâ.+
Kete tënë
^ A lingbi nga ti tene “na popo ti.”
^ Wala “fa zango ti mo na gigi.”
^ Wala “maboko ti keke so.”
