Psaume 6:1-10

  • Nzoni bê ti Nzapa na mbage ti azo

    • Akuâ ayeke sepela Nzapa ape (5)

    • Nzapa amä zo so ahunda na lo ti sara nzoni bê na lo (9)

Na mokonzi ti azo ti pikango mozoko; ti pika ni na aye ti mozoko so ayeke na kamba, so a leke totongo ni alingbi na Sheminith.* Bia ti David. 6  Jéhovah, suku na mbi na yâ ti ngonzo pëpe,kiri na mbi na nzoni lege na yâ ti ngonzo pëpe.+   Jéhovah, sara nzoni bê* na mbi ndali ti so ngangu ti mbi ayeke hunzi. Jéhovah,+ sava mbi ndali ti so abio ti mbi ayeke dö dongo.   Li ti mbi* aga kirikiri;+Jéhovah, mbi ye ti hunda mo: Ye ni ayeke ngbâ tongaso juska lawa?+   Jéhovah, kiri mo ga na mo sö mbi;+so mo yeke na tâ ndoye+ na mbage ti mbi, sö mbi,   ndali ti so akuâ alingbi ti sara tënë ti* mo pëpe;zo wa la ayeke sepela mo+ ande na yâ ti Dû ti kuâ* zo wa?   Mbi woko kue na demango ni awe;+ngu ti lê ti mbi amouillé gbogbo ti mbi* na yâ ti bï ni kue,ngu ti lê ti mbi amene tange ti mbi.+   Vundu ti mbi asara si ngangu ti lê ti mbi akiri na peko,+lê ti mbi abâ ndo nzoni pëpe* ngbanga ti azo kue so asara ye ti ngangu na mbi.   Ala hon kâ, ala kue so sarango ye ti ala ayeke sioni,ndali ti so Jéhovah ayeke mä ande toto ti mbi.+   Jéhovah ayeke mä mbi tongana mbi hunda lo ti sara nzoni bê na mbi;+Jéhovah ayeke yeda na sambela ti mbi. 10  Kamene na vundu ayeke sara ande awato ti mbi kue;gï hio tongaso, ala yeke hon na kamene na lê ti ala.+

Kete tënë

Wala “grâce.”
Wala “Âme ti mbi.”
Wala “dabe ti ala na.”
Wala “Shéol,” so ti tene dû ti kuâ so azo kue ayeke gue dä. Bâ na kete bakari.
Na Hébreu: “asara si gbogbo ti mbi anagé nagengo.”
Wala “afatigué kue.”