Psaume 43:1-5

  • Nzapa so ayeke Juge azi zo

    • “Tokua lumière ti mo nga na tâ tënë ti mo” (3)

    • “Ngbanga ti nyen vundu ahon ndö ti mbi tongaso?” (5)

    • “Ku Nzapa” (5)

43  Nzapa ti mbi, fâ ngbanga ti mbi.+Gbu koko ti mbi+ na yâ ti ngbanga so atingbi mbi na mbeni mara so ayeke be-ta-zo pëpe. Zi mbi na maboko ti zo so ayeke sara ye na handa nga so ayeke mbilimbili pëpe,   ndali ti so mo yeke Nzapa ti mbi na ngangu gbagba ti mbi.+ Mo tomba mbi yongoro na mo ngbanga ti nyen? Ndani nyen si mbi doit ti tambela na vundu na bê ndali ti ye ti ngangu so wato ti mbi ayeke sara na mbi?+   Tokua lumière ti mo nga na tâ tënë ti mo.+ Zia si ala fa lege na mbi;+zia si ala gue na mbi na hoto ti mo so ayeke nzoni-kue nga na kota tabernacle ti mo so ayeke pendere.+   Na pekoni, mbi yeke ga na terê ti gbalaka ti Nzapa,+mbi yeke ga na terê ti Nzapa so asara si mbi duti na kota ngia. Nzapa, Nzapa ti mbi, mbi yeke sepela mo na harpe.+   Ngbanga ti nyen vundu ahon ndö ti mbi* tongaso? Ngbanga ti nyen mbi yeke gi bê ti mbi mingi tongaso? A yeke nzoni mbi ku Nzapa,+ndali ti so mbi yeke kiri ande ti sepela lo tongana Kota Sauveur ti mbi.+

Kete tënë

Wala “âme ti mbi.”