Psaume 23:1-6
Bia ti David.
23 Jéhovah ayeke Berger ti mbi.+
Ye oko ayeke manke mbi pëpe.+
2 Lo sara si mbi lango na ando so pere ayeke dä mingi;Lo gue na mbi na ando so ngu ayeke dä nzoni* si mbi wu terê ti mbi.+
3 Lo dë bê ti mbi.*+
Lo gue na mbi na ndö ti alege* ti mbilimbili ndali ti iri ti lo.+
4 Atâa so mbi tambela na yâ ti popo-hoto so avuko pitipiti,+mbi sara mbeto ti ye ti sioni pëpe,+ndali ti so mo yeke na terê ti mbi;+keke ti mo nga na saworo ti mo asara si mbi gi bê ti mbi pëpe.*
5 Mo leke table na devant ti mbi na lê ti awato ti mbi.+
Mo tuku mafuta na li ti mbi+ ti tene li ti mbi adë;*kopo ti mbi asi nzoni.+
6 Biani, nzoni bê ti mo na tâ ndoye ti mo ayeke mû peko ti mbi na yâ ti gigi ti mbi kue;+na mbi yeke duti na yâ ti da ti Jéhovah na yâ ti gigi ti mbi kue.+
Kete tënë
^ A lingbi nga ti tene “na terê ti angu so ayeke kpô.”
^ Wala “âme ti mbi.”
^ Na Hébreu: “akete lege.”
^ Wala “adë bê ti mbi.”
^ Wala “Mo sara mafuta na li ti mbi.”
