Psaume 130:1-8
Bia ti azo so ayeke monté.
130 Jéhovah, mbi iri mo na ngoi so vundu ahon ndö ti mbi.+
2 Jéhovah, mä go ti mbi.
Dengi mê mo mä atënë so mbi yeke tene ti voro yanga na mo ti mû maboko na mbi.
3 Tongana afaute la, Jah,* mo yeke bâ ni,*ka Jéhovah, zo wa la alingbi ti luti?+
4 Na mbage ti mo la azo ayeke wara tâ pardon,+tongaso si ala kpe mbeto ti mo mingi.+
5 Mbi zia bê ti mbi ti ku Jéhovah, mbi ku lo na bê* ti mbi kue;mbi yeke ku tënë ti lo.
6 Mbi yeke ku* Jéhovah kungo,+mbi yeke ku lo ahon ti so asinziri ayeke ku ndapre,+biani, mbi yeke ku lo ahon ti so asinziri ayeke ku ndapre.
7 Zia Israël angbâ ti ku Jéhovah,ndali ti so Jéhovah ayeke fa ndoye ti lo lakue,+nga lo yeke na kota ngangu ti zi zo.
8 Lo yeke zi azo ti Israël na yâ ti afaute ti ala kue.
Kete tënë
^ “Jah” ayeke nduru iri ti Jéhovah.
^ Wala “mo yeke bembe gï ni lakue.”
^ Wala “âme.”
^ Wala “Âme ti mbi ayeke ku.”
