Psaume 123:1-4
Bia ti azo so ayeke monté.
123 Mbi yâa lê ti mbi na mbage ti mo,+mo so mo duti na ndö ti trône na yayu.
2 Tongana ti so lê ti azo ti kua ayeke gï na mbage ti wa ti ala,nga tongana ti so lê ti zo ti kua ti wali ayeke gï na mbage ti wali so ayeke wa ti lo,lê ti e ayeke gï na mbage ti Jéhovah Nzapa ti e,+juska lo sara nzoni bê na e.+
3 Sara nzoni bê na e, Jéhovah, sara nzoni bê na endali ti so azo ahe e ngbii alingbi na e.+
4 Azo so azia bê ti ala gï na ndö ti ala wani ahe e ngbii alingbi na e,*nga azo ti fandara ahe e ngbii alingbi na e.
Kete tënë
^ Wala “alingbi na âme ti e.”
