Psaume 112:1-10
112 Ala sepela Jah!*+
א [Aleph]Ngia ayeke na zo so akpe mbeto ti Jéhovah+ב [Beth]nga so ayeke na ngia mingi ti bata acommandement ti lo.+
ג [Guimel]
2 Ahale ti lo ayeke duti na ngangu mingi na ndö ti sese,ד [Daleth]nga azo ti mbilimbili so ayeke na fini na yâ ti oko ngoi ayeke wara tënë nzoni.+
ה [Hé]
3 Aye ti mosoro ayeke na yâ ti da ti lo,ו [Waw]nga mbilimbili ti lo ayeke ngbâ lakue lakue.
ז [Zaïn]
4 Na yâ ti bingo, lo za tongana lumière ndali ti azo ti mbilimbili.+
ח [Heth]
Lo bâ mawa ti zo,* lo sara nzoni bê na zo+ nga lo yeke mbilimbili.
ט [Teth]
5 Ye ayeke tambela nzoni ndali ti zo so maboko ti lo awoko na sarango bon.*+
י [Yod]
Na yâ ti akua ti lo kue, lo sara ye gï mbilimbili.
כ [Kaph]
6 Ye ayeke yengi lo lâ oko pëpe.+
ל [Lamed]
A yeke girisa zo ti mbilimbili lâ oko pëpe.+
מ [Mem]
7 Mbeto ayeke sara lo pëpe ti mä asango so asara zo nzoni pëpe.+
נ [Noun]
Bê ti lo ayengi pëpe, lo zia bê ti lo kue na ndö ti Jéhovah.+
ס [Samek]
8 Ye alingbi ti yengi bê ti lo pëpe; mbeto asara lo pëpe;+ע [Aïn]na nda ni, lo yeke bâ tingo ti awato ti lo.+
פ [Pé]
9 Lo kangbi ye mingi mingi; lo mû ye na awayere.+
צ [Tsadé]
Mbilimbili ti lo angbâ lakue lakue.+
ק [Qoph]
Ngangu* ti lo ayeke kiri ti ga kota mingi nga lo yeke wara gloire.
ר [Resh]
10 Zo ti sioni ayeke bâ ni na bê ti lo ason.
ש [Shin]
Lo yeke te pembe ti lo, na pekoni lo yeke dä encore ape.
ת [Taw]
Azo ti sioni ayeke wara pëpe aye so ala sara nzara ni.+
Kete tënë
^ Wala “Alléluia!” “Jah” ayeke nduru iri ti Jéhovah.
^ Wala “Lo si na grâce.”
^ Wala “so asara bon na zo na nzoni bê.”
^ Na Hébreu: “Didi.”
