Ésaïe 57:1-21

  • A futi zo ti mbilimbili nga na azo so ayeke be-ta-zo (1, 2)

  • A fa na gigi sarango ndumba so Israël asara na anzapa nde (3-13)

  • Dengo bê ndali ti azo so asara terê ti ala kete (14-21)

    • Azo ti sioni ayeke tongana ngu-ingo so aduti kpô ape (20)

    • Azo ti sioni ayeke na siriri ape (21)

57  Zo ti mbilimbili akui,me zo oko abi bê ti lo dä pëpe. A mû azo so ayeke be-ta-zo ahon na ala,*+me zo oko ahinga pëpe so a mû zo ti mbilimbili ahon na londali ti* ye ti ngangu so asi.   Lo yeke fadeso na siriri. Ala kue so ayeke sara ye na lege ni ayeke wu terê ti ala na ndö ti gbogbo* ti ala.   “Âdu ti ala, ala pusu nduru,ala amolenge ti wali-nganga,ala amolenge so babâ ti ala agi mbeni wali nde nga so mama ti ala ayeke wali-ndumba:   Zo wa la ala yeke he lo so? Zo wa la ala yeke zi yanga ti ala kota na terê ti lo so? Zo wa la ala yeke sara langue ti ala na lo so? Ala yeke amolenge ti kengo ndia,ala yeke amolenge so ayeke handa azo.+   Nzara ti vorongo anzapa ti wataka na popo ti akota keke ahon ndö ti ala,+ala yeke voro ala na gbe ti keke kue so akugbe ni adü pendere,+ala yeke fâ amolenge na yâ ti apopo-hoto*+nga na yâ ti adû ti akota tênë.   Ala soro apendere tênë ti yâ ti popo-hoto* ti ga ye ti ala.+ So ayeke ye so a mû na ala la. Ala tuku même asandaga ti sämba na atênë ni so nga ala yeke mû amatabisi na ala.+ Aye so ala yeke sara so alingbi ti zia ngia na bê* ti mbi?   Mo leke gbogbo ti mo na li ti hoto so ayo na nduzu mingi,+na mo monté kâ ti yâa sandaga.+   Mo zia ye ti dango bê ti mo na peko ti porte nga na terê ti cadre ni. Mo dö mbi mo zia, na mo zi bongo na terê ti mo;mo monté, na mo leke lê ti gbogbo ti mo akono. Mo te mbele na ala. A nzere na mo mingi ti tene mo na ala alango na ndö ti gbogbo ti ala,+nga lê ti mo ayeke gï na ndö ti terê ti ala ti koli.*   Mo mû mafuta, na mo gue na ndo ti Mélek;*mo gue nga na gbâ ti yombo. Mo tokua azo ti mo a yo,tongaso si mo descend juska na yâ ti Dû ti kuâ.* 10  Mo mû ngangu ti mo kue ti tambela na alege nde nde so mo mû,me mo tene pëpe: ‘Mbi fatigué terê ti mbi gï senge senge!’ Mo kiri mo wara ngangu. Ndani la mo zia lege ti ye so mo yeke sara so pëpe.* 11  Zo wa la mbeto ti lo ahon ndö ti mosi mo komanse ti tene mvene so?+ Mo dabe ti mo na mbi pëpe.+ Mo bi bê ti mo na ye oko pëpe.+ Mbi duti ti mbi kpô ape? Mbi gboto terê ti mbi, mbi duti gï mbi oko ape?*+ Ndani la mo sara mbeto ti mbi pëpe. 12  Mo tene so mo yeke mbilimbili,+ me mbi yeke sigi na nda ti mo nga na akusala ti mo,+na mo yeke wara nzoni dä pëpe.+ 13  Na ngoi so mo toto ti tene a mû maboko na mo,gbâ ti ayanda so mo bungbi ala so ayeke sö ande mo pëpe.+ Pupu ayeke mû ala kue ahon na ni,gï senge pupu ti yanga ayeke hon na ala. Me zo so aga na mbage ti mbi ti bata terê ti lo, kodro ni ayeke ga ti longa hoto ti mbi so ayeke nzoni-kue ayeke ga ti lo.+ 14  Mbeni zo ayeke tene: ‘Azo, ala suru lege, ala suru lege! Ala leke lege ni!+ Ala zi aye kue so alingbi ti kanga lege na azo ti mbi ti tambela dä.’” 15  Nzapa so ayeke na nduzu mingi,so lo yeke na fini* lakue lakue+ nga so iri ti lo ayeke nzoni-kue,+ atene: “Mbi duti na ndo so ayeke na nduzu nga ayeke nzoni-kue,+me mbi duti nga na terê ti azo so a sara ye ti ngangu na ala nga so asara terê ti ala kete,ti sara si azo ti mawa akiri awara ngangunga ti sara si azo so a sara ye ti ngangu na ala akiri akpengba.+ 16  Mbi yeke ke ande ala lakue lakue pëpenga bê ti mbi ayeke ngbâ ti son na terê ti ala lakue pëpe.+ Tongaso pëpe, pupu so amû fini na zo ayeke sigi yeke yeke na yâ ti lo,+même na yâ ti anyama nga na azo so mbi sara ala.  17  Bê ti mbi ason na terê ti Israël ndali ti so bê ti ye apusu lo ti gi ti wara ye na lege ti likisi.+ Ni la mbi pika lo, mbi honde lê ti mbi na lo nga bê ti mbi ason mingi. Me lo ngbâ ti sara kpengba-li+ nga ti sara gï ye so bê ti lo aye.  18  Mbi bâ sarango ye ti lo awe,me mbi yeke sava lo,+ mbi yeke fa lege na lo+nga mbi yeke sara si bê ti lo nga na ti azo so ayeke sara vundu akiri adë.”*+ 19  Jéhovah atene: “Mbi zia atënë ti sepela na yanga ti azo. Zo so ayeke na yongoro ndo nga na zo so ayeke nduru ayeke duti ande na siriri lakue,+na mbi yeke sava lo.” 20  “Me azo ti sioni ayeke tongana ngu-ingo so ayeke yengi si alingbi ti duti kpô pëpe,nga amapo ni ayeke sara si pere na popoto asigi.  21  Nzapa ti mbi atene: “Siriri ayeke dä pëpe ndali ti azo ti sioni.”+

Kete tënë

So ti tene kuâ amû ala.
A lingbi nga ti tene “yongoro na.”
So ti tene na yâ ti dû ti kuâ.
Wala “alingbi ti dë bê.”
Peut-être a ye ti sara tënë ti ayanda so a voro ni.
A lingbi nga ti tene “gbia.”
Wala “Shéol,” so ti tene dû ti kuâ so azo kue ayeke gue dä. Bâ na kete bakari.
Na Hébreu: “mo fatigué pëpe.”
Wala “mbi honde ndö ti ambeni ye ape?”
Wala “lo yeke duti dä.”
Wala “mbi yeke futa ala na lege so mbi yeke sara si bê ti ala adë.”