Ésaïe 53:1-12
53 Zo wa la amä na bê na tënë so lo mä na yanga ti e?*+
Âdu ti maboko ti Jéhovah,+ a fa ni na zo wa?+
2 Wakua ni ayeke sigi tongana kete keke+ na gbele lo,* tongana gunda ti keke so asigi na ndo so ahule ngangu.
Lo kpa ti tene a ne lo pëpe, nga lo yeke pendere pëpe.+
Tongana e bâ lo, lê ti lo agboto e na mbage ti lo pëpe.*
3 Azo azere lo nga ala kpe yongoro na lo.+
A dü lo ti tene lo mä* songo ti ye, nga lo hinga ye so a iri ni kobela.
A yeke mo bâ mo tene a honde lê ti lo na e.*
Azo azere lo, nga a bâ lo tongana senge ye.+
4 Ti tâ tënë ni, lo wani lo yô akobela ti e,+nga songo yâ ti terê ti e kue akiri na ndö ti lo.+
Me e bâ lo tongana zo so Nzapa asara ye ti ngangu na lo, apika lo nga asara lo pasi mingi.
5 Me a kpo lo na kä+ ndali ti kengo ndia ti e;+a sara si lo bâ pasi ndali ti afaute ti e.+
A punir lo ti tene e wara siriri,+nga akä so lo wara asara si e wara sava.+
6 E kue e fono kirikiri tongana ataba,+zo oko oko amû lege ti lo wani,na Jéhovah asara si faute ti e kue akiri na ndö ti lo.+
7 A sara ye ti ngangu na lo,+ nga lo zia si azo asara pasi na lo,+me lo zi yanga ti lo pëpe.
Lo yeke tongana mbeni taba so a yeke gue na lo ti fâ lo,+nga tongana mbeni wali-taba so aduti kpô na gbele azo ti fango kuä ti terê ti lo;lo zi yanga ti lo pëpe.+
8 A sara ye ti ngangu* na lo, nga a gbu lo a hon na lo sân ti fâ ngbanga ti lo na lege ni.
Zo wa la ayeke gi ande ti hinga anzene nzene tënë na ndö ti akotara ti lo?*
A zi lo na popo ti azo so ayeke na fini;+a pika lo* ndali ti kengo ndia ti azo ti mbi.+
9 Na ngoi so lo kui, a lu lo* na popo ti azo ti sioni+nga na azo ti mosoro,*+atâa so lo sara ye ti sioni pëpe*nga tënë ti handango zo asigi na yanga ti lo pëpe.+
10 Me Jéhovah aye* ti tene a sara pasi na lo, nga lo zia si lo mä songo ti ye.
Tongana mo mû fini* ti lo tongana sandaga ti zingo tënë na li ti zo,+lo yeke bâ amolenge* ti lo, lo yeke sara si alango ti fini ti lo akiri awu,+nga, na lege ti lo, ye so amû ngia na Jéhovah* ti sara ayeke si biani.+
11 Pasi so lo bâ* ayeke sara si lo bâ nzoni dä, nga terê ti lo ayeke nzere.
Na lege ti ye so wakua ti mbi+ so ayeke zo ti mbilimbili ahinga,lo yeke sara si azo mingi aga azo ti mbilimbili,+na lo yeke yô afaute ti ala.+
12 Ndani la mbi yeke mû na lo ye na popo ti gbâ ti azo;lo na azo so ayeke na ngangu ayeke kangbi yâ ti aye so a gbu na ngoi ti bira,ndali ti so lo mû fini* ti lo na kuâ+nga a diko lo na popo ti azo ti kengo ndia.+
Lo yô siokpari ti azo mingi+nga lo voro yanga ndali ti azo ti kengo ndia.+
Kete tënë
^ A lingbi nga ti tene “na tënë so e mä?”
^ Tënë “lo” aye peut-être ti sara tënë ti Nzapa wala mbeni zo so ayeke bâ wakua ni.
^ Wala “lo yeke ti lo nde pëpe na tanga ti azo, si e sara nzara ti lo.”
^ Wala “lo hinga.”
^ A lingbi nga ti tene “Lo yeke tongana mbeni zo so azo atourné peko ti ala na lo.”
^ Wala “pasi.”
^ Wala “gigi ti lo?”
^ Wala “a pika lo, lo kui.”
^ Wala “mbeni zo ayeke mû ndo ti lungo lo na lo.”
^ Na Hébreu: “zo ti mosoro.”
^ Wala “lo sara ye ti ngangu na zo pëpe.”
^ Wala “Me Jéhovah ayeke na ngia.”
^ Wala “âme.”
^ Na Hébreu: “ngongoa.”
^ Wala “ye so Jéhovah aye; ye so anzere na Jéhovah.”
^ Wala “Kpale so âme ti lo ayeke na yâ ni.”
^ Wala “âme.”
