Gue na tënë ti yâ ni

Gue na gbe ti menu

aTémoin ti Jéhovah

Sango

Tongana babâ na mama ti mbi asara divorce, mbi doit ti sara ye tongana nyen?

Tongana babâ na mama ti mbi asara divorce, mbi doit ti sara ye tongana nyen?

Ye mo peut ti sara

Fa agingo bê ti mo. Fa na babâ na mama ti mo tongana nyen la ye ni so asara mo mawa wala asara mo nzoni ape. Peut-être ala peut ti fa ande na mo ye so apassé, na a peut ti sara si agingo bê ti mo ni akaï kamême.

Tongana mo bâ so babâ na mama ti mo apeut ti de bê ti mo ape, mo peut ti fa tënë ti bê ti mo na mbeni kamarade ti mo so ayeke kota zo.—aProverbe 17:17.

Na ndö ni kue, hinga so Babâ ti mo so ayeke na yayu, so ayeke “sambela.” ayeke dengi mê ti mä ande mo (Psaume 65:2). Zi bê ti mo na lo ‘ngbanga ti so lo yeke bi bê ti lo na ndö ti mo.’—1 Pierre 5:7.

Ye so mo doit ti sara ape

Tongana babâ na mama ti mo adivorcé ayeke mo bâ mo tene maboko ti mo la akungbi si a zia plâtre dä. A yeke son mo mingi, me na ndani mo yeke sava senge

Bata ala na bê ape. Daniel, so babâ na mama ti lo adivorcé na ngoi so lo yeke lani na ngu mbasambala, atene: “Babâ na mama ti mbi apensé lani gï na ala wani.” Ala pensé nga na e ape, nga na aye so desizion ti ala ni ayeke sara na ndö ti e.

Nyen la apeut ti si na Daniel tongana lo ngbâ ti sara ngonzo nga lo ngbâ ti bata babâ na mama ti lo na bê?—Diko aProverbe 29:22.

Ngbanga ti nyen la a yeke nzoni ti tene Daniel agi ti pardonné babâ na mama ti lo ndali ti vundu so ala zia na bê ti lo so?—Diko aÉphésien 4:31, 32.

Sara pëpe aye so alingbi ti sara sioni na mo. Denny atene: “Na peko ti so babâ na mama ti mbi adivorcé, vundu asara mbi mingi. Mbi komanse ti wara problème na ekole asara si mbi doublé klasse. Na pekoni . . . mbi komanse ti sara kpengba-li na klasse nga mbi manke ti tiri ape.

Ti mo, ngbanga ti nyen la Denny ayeke sara kpengba-li nga lo manke ti tiri na ekole ape so?

Tongana nyen la mama-ndia so ayeke na aGalate 6:7 alingbi ti mû maboko na mbeni zo so sarango ye ti lo apeut ti sara sioni na lo tongana ti Denny so?

Ti tene vundu so ayeke na bê ti mbeni zo ahon, a hunda ngoi. Me tongana yeke yeke aye akomanse ti tambela nzoni kete na yâ ti fini ti mo, mo peut ti kiri ti sentir terê ti mo nzoni tongana ti kozo.