Peut-être mo bâ so molenge ti mo asara kâa ti ekole encore ape, lo yeke manda mbeti nzoni ape nga lo yeke sara adevoir à la maison ti lo ape. Ye ti peko ni ayeke so anote ti lo na ekole adiminué nga lo hinga encore mbeti nzoni ape. Tongana nyen la mo peut ti aidé molenge ti mo ni ti wara nzoni note?

•  Ye so a lingbi mo hinga

•  Ye so mo peut ti sara

 Ti sara pression na ndö ti lo ayeke kiri ti kono kpale ni. Ti sara pression na ndö ti molenge ti mo ni ayeke sara si mbeto ayeke sara lo na ekole me nga na yanga-da! Ti tene mbeto asara lo mingi ape, lo peut ti tene mvene na mo, lo peut ti honde sioni note ti lo ni, lo imité signature ti mo na lê ti carnet wala bulletin ti lo, wala lo peut ti kpe ekole. Ye so ayeke sara ande si kpale ni ayeke kiri ti ga ngangu.

 Ti mû cadeau na lo apeut ti ga na kpale. Mbeni babâ so iri ti lo ayeke Andrew atene: “Ti encouragé molenge ti e ti wali, e yeke tara ti mû na lo acadeau tongana lo wara nzoni note, a sara si ye so ayeke gbu bê ti lo fadeso ayeke gï acadeau ni. Tongana lo wara nzoni note ape, vundu ayeke sara lo ndali ti so lo yeke wara ande cadeau ape ahon ti tene vundu asara lo ndali ti sioni note so lo wara.”

 A yeke nzoni ape ti accusé azo so ayeke fa mbeti na molenge ni. Molenge ti mo ni ayeke bâ ande so ti wara nzoni note na ekole, lo bezoin ti sara effort ape. Mo yeke fa na lo ti accusé amba ti lo ndali ti afaute so lo sara nga ti ku ti tene azo la aleke akpale ti lo. Na nduru tënë, molenge ni ayeke hinga ande ape ti duti responsable ti aye so lo yeke sara.

 Kanga bê ti mo. Tongana ngonzo asara mo, sara pëpe lisoro na ngoi ni so na molenge ti mo na ndö ti anote ti lo, sara ni na mbeni ngoi nde. Mbeni babâ so iri ti lo ayeke Brett atene: “Tongana mbi na wali ti mbi e sara ngonzo ape nga e gi ti comprendre amolenge ti e, e yeke aidé ala nzoni.”

 Gi ti hinga vrai kpale ni. Mingi ni, amolenge ayeke wara asioni note ndali ti so amba ti ala na ekole ayeke gi yanga ti ala, ndali ti so ala changé ekole, ndali ti so mbeto asara ala na ngoi ti examen, ndali ti akpale na yanga-da, ndali ti so ala lango mingi ape, ndali ti so ala yeke na programme ti dikongo mbeti ape wala ala zia li ti ala na ndö ti ye so ala yeke sara ape. Tene hio ape so molenge ti mo ni ayeke paresseux.

 Sara si molenge ti mo ni awara mbeni nzoni ndo ti manda ye dä. Sara mbeni programme na lo ti tene lo sara adevoir ti lo nga ti tene lo diko mbeti. Leke mbeni place ti tene molenge ti mo ni asara adevoir ti lo dä sân ti tene mbeni ye agboto lê ti lo (na tapande aye tongana télé nga na téléphone). Ti kangbi yâ ti adevoir ti lo kete kete ti tene lo sara ni na angoi nde nde ayeke aidé lo ti concentré terê ti lo nzoni. Mbeni babâ so iri ti lo ayeke Hector na Allemagne atene: “Tongana mbeni examen aga nduru, e yeke sara arévision kete kete lango oko oko ahon ti tene e ku gï na dernier moment si e sara ni.”

 Encouragé molenge ni ti diko mbeti. Tongana molenge ti mo ni ahinga aye ti nzoni so lo peut ti wara laso grâce na ekole, a yeke mû courage na lo ti diko mbeti. Na tapande, mathématique apeut ti aidé lo ti géré nginza so mo yeke mû ka na lo.

 Wango: Aidé molenge ti mo ni ti sara adevoir ti lo, me sara ni na place ti lo ape. Andrew abâ nene ti tënë so, lo tene: “Molenge ti e ti wali ni ayeke zia lani bê ti lo na ndö ti e ti wara aréponse ni ahon ti tene lo wani lo sara effort ti wara ni.” Fa na molenge ti mo tongana nyen la lo wani lo peut ti sara adevoir à la maison ti lo.